ಆಕರ್ಷಕ ಬೆಲೆಯ ಹೊಸ ಹೋಂಡಾ SP160 ಬೈಕ್ ವಿಶೇಷತೆಗಳು

ಜನಪ್ರಿಯ ದ್ವಿಚಕ್ರ ತಯಾರಕ ಕಂಪನಿಯಾದ ಹೋಂಡಾ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾ (HMSI) ತನ್ನ ಹೋಂಡಾ SP160 (Honda SP160) ಬೈಕ್ ಅನ್ನು ಇತ್ತೀಚೆಗೆ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಆಕರ್ಷಕ ಬೆಲೆಯಲ್ಲಿ ಭಾರೀಯ ಮಾರುಕಟ್ಟೆಗೆ ಪ್ರವೇಶಿಸಿದ ಹೋಂಡಾ SP160 ಬೈಕಿನ ಬಗ್ಗೆ ಪ್ರಮುಖ ವಿಷಯಗಳು ಇಲ್ಲಿವೆ.

ಬೆಲೆಗಳು ಮತ್ತು ರೂಪಾಂತರಗಳು: ಹೊಸ ಹೋಂಡಾ SP160 ಬೈಕ್ ಎರಡೂ ರೂಪಾಂತರಗಳಲ್ಲಿ ಲಭ್ಯವಿದೆ. ಈ ಬೈಕಿನ ಮೂಲ ರೂಪಾಂತರ ಸಿಂಗಲ್-ಡಿಸ್ಕ್ ಬ್ರೇಕ್ ಸೆಟಪ್ ಬೈಕಿನ ಬೆಲೆಯು ರೂ.1,17,500 ಆಗಿದ್ದರೆ, ಇನ್ನು ಮುಂಭಾಗ ಮತ್ತು ಹಿಂಭಾಗದ ಡಿಸ್ಕ್ ಬ್ರೇಕ್‌ಗಳೊಂದಿಗೆ ಟಾಪ್-ಸ್ಪೆಕ್ ಮಾಡೆಲ್ ಬೆಲೆಯು ರೂ.1,21,900 ಆಗಿದೆ. ಈ ಎಲ್ಲಾ ಎಕ್ಸ್ ಶೋರೂಂ ಪ್ರಕಾರವಾಗಿದೆ.

ಎಂಜಿನ್: ಹೊಸ ಹೋಂಡಾ SP160 ಬೈಕಿನಲ್ಲಿ ಹೋಂಡಾ ಯುನಿಕಾರ್ನ್ ಬೈಕಿನಲ್ಲಿರುವ ಅದೇ 162.7cc, ಸಿಂಗಲ್-ಸಿಲಿಂಡರ್, ಏರ್-ಕೂಲ್ಡ್ ಎಂಜಿನ್‌ ಅನ್ನು ಹೊಂದಿದೆ. ಹೋಂಡಾ ಪ್ರಕಾರ, ಈ ಎಂಜಿನ್ ಅನ್ನು 7,500rpm ನಲ್ಲಿ 13.27bhp ಮತ್ತು 5,500rpm ನಲ್ಲಿ 14.58Nm ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ಅನ್ನು 5-ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲಾಗಿದೆ.

ವಿನ್ಯಾಸ: ಹೊಸ ಹೋಂಡಾ SP160 ಬೈಕ್ ಸಣ್ಣ ಹೋಂಡಾ SP125 ಬೈಕಿನಿಂದ ಸಾಕಷ್ಟು ವಿನ್ಯಾಸ ಸ್ಫೂರ್ತಿಯನ್ನು ಪಡೆಯುತ್ತದೆ. ಈ ವಿನ್ಯಾಸದ ಅಂಶಗಳನ್ನು SP160 ಮೋಟಾರ್‌ಸೈಕಲ್‌ನ ಹೆಚ್ಚಿನ ಪ್ರಮಾಣದಲ್ಲಿ ಸರಿಹೊಂದುವಂತೆ ಬೀಫ್-ಅಪ್ ಮಾಡಲಾಗಿದೆ. ಈ ಬೈಕ್ ವಿನ್ಯಾಸ ಆಕರ್ಷಕವಾಗಿದೆ. ಹೋಂಡಾ ಯುನಿಕಾರ್ನ್‌ಗಿಂತ ಭಿನ್ನವಾಗಿ, ಹೋಂಡಾ SP160 ಬೈಕಿನಲ್ಲಿ 17-ಇಂಚಿನ ಟೈರ್‌ಗಳನ್ನು ನೀಡಲಾಗಿದೆ.

ಫೀಚರ್ಸ್: ಹೊಸ ಹೋಂಡಾ SP160 ಬೈಕ್ ಗಮನಾರ್ಹ ಫೀಚರ್ಸ್ ಗಳೆಂದರೆ, LED ಹೆಡ್‌ಲೈಟ್‌ಗಳು, LED ಟೈಲ್‌ಲ್ಯಾಂಪ್‌ಗಳು ಮತ್ತು ಸಂಪೂರ್ಣ ಡಿಜಿಟಲ್ ಕ್ಲಸ್ಟರ್, ಎರಡನೆಯದು ಸ್ಪೀಡೋಮೀಟರ್, ಟ್ಯಾಕೋಮೀಟರ್, ಗೇರ್ ಸ್ಥಾನ ಸೂಚಕ, ಓಡೋಮೀಟರ್, ಟ್ರಿಪ್ ಮೀಟರ್, ಇಂಧನ ಬಳಕೆ ಮತ್ತು ಬ್ಲೂಟೂತ್ ಸಂಪರ್ಕದಂತಹ ಫೀಚರ್ಸ್ ಗಳನ್ನು ಪ್ರದರ್ಶಿಸುತ್ತದೆ.

ಯಂತ್ರಾಂಶ: ಹೊಸ ಹೋಂಡಾ SP160 ಬೈಕ್ ಸಸ್ಪೆಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಇದು ಹೋಂಡಾ ಯುನಿಕಾರ್ನ್‌ನಂತೆಯೇ ಅದೇ ಡೈಮಂಡ್-ಟೈಪ್ ಫ್ರೇಮ್ ಅನ್ನು ಬಳಸುತ್ತದೆ. ಈ ಹೊಸ ಬೈಕಿನಲ್ಲಿ ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಸಸ್ಪೆಕ್ಷನ್ ಮತ್ತು ಹಿಂಭಾಗದಲ್ಲಿ ಮೊನೊಶಾಕ್ ಯುನಿಟ್ ಗಳೊಂದಿಗೆ ಬರುತ್ತದೆ. ಹೋಂಡಾ ಯುನಿಕಾರ್ನ್‌ಗಿಂತ ಭಿನ್ನವಾಗಿ, SP160 ಮುಂಭಾಗದಲ್ಲಿ 80/100 R17 ಟೈರ್‌ಗಳನ್ನು ಮತ್ತು ಹಿಂಭಾಗದಲ್ಲಿ 130/70 R17 ಟೈರ್‌ಗಳನ್ನು ಬಳಸುತ್ತದೆ.

ಬ್ರೇಕಿಂಗ್ ಸೆಟಪ್: ಸುರಕ್ಷತೆಯಲ್ಲಿ ಪ್ರಮುಖ ಪಾತ್ರವಹಿಸುವ ಬ್ರೇಕಿಂಗ್ ಸಿಸ್ಟಂ ಬಗ್ಗೆ ಹೇಳುವುದಾದರೆ, ಈ ಹೊಸ ಹೋಂಡಾ SP160 ಬೈಕ್ ಮುಂಭಾಗದಲ್ಲಿ ದೊಡ್ಡ 276mm ಪೆಟಲ್ ಡಿಸ್ಕ್ ಬ್ರೇಕ್ ಅನ್ನು ಹೊಂದಿದ್ದರೆ, ಆದರೆ ಹಿಂಭಾಗವು 130mm ಡ್ರಮ್ ಬ್ರೇಕ್‌ಗಳನ್ನು ಹೊಂದಿದೆ. ಇನ್ನು ಹೋಂಡಾ SP160 ಬೈಕ್ ಟಾಪ್ ಸ್ಪೆಕ್ ರೂಪಾಂತರವು ಮುಂಭಾಗದಲ್ಲಿ ಮತ್ತು ಹಿಂಭಾಗದಲ್ಲಿ ದೊಡ್ಡದಾದ 220mm ಡಿಸ್ಕ್ ಬ್ರೇಕ್‌ಗಳನ್ನು ಹೊಂದಿದೆ.

ಈ ಹೊಸ ಹೋಂಡಾ ಎಸ್‌ಪಿ 160 ಬೈಕ್ ಭಾರತೀಯ ಮಾರುಕಟ್ಟೆಯಲ್ಲಿ ಬಜಾಜ್ ಪಲ್ಸರ್ P150, ಟಿವಿಎಸ್ ಅಪಾಚೆ RTR 160 ಬೈಕ್ ಗಳಿಗೆ ಪ್ರಬಲ ಪೈಪೋಟಿ ನೀಡುತ್ತದೆ.. ಕೈಗೆಟುಕುವ ಬೆಲೆಯಲ್ಲಿ ನೀರಿಕ್ಷೆಗೂ ಮೀರಿದ ವೈಶಿಷ್ಟ್ಯದೊಂದಿಗೆ ಈ ಬೈಕ್ ಬಿಡುಗಡೆಯಾಗಿದ್ದು, ಕೆಲವೇ ದಿನಗಳಲ್ಲಿ ವಿತರಣೆಯು ಶುರುವಾಗಲಿದೆ. ಆ ಬಳಿಕ, ದೇಶೀಯ ಗ್ರಾಹಕರನ್ನು ಈ ಬೈಕ್ ಹೇಗೆ ಆಕರ್ಷಿಸುತ್ತದೆ ಎಂಬುದು ತಿಳಿಯಬೇಕಿದೆ. ಅಲ್ಲಿಯವರೆಗೆ ಕಾಯಬೇಕು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.