Bajaj: 80ರ ದಶಕವನ್ನು ಆಳಿದ್ದ ಬಜಾಜ್ ಚೇತಕ್‌ಗೆ ಮತ್ತೆ ನಂ.1 ಸ್ಥಾನ: ಮುಗಿಬಿದ್ದು ಖರೀದಿ!

ಭಾರತೀಯ ಎಲೆಕ್ಟ್ರಿಕ್ ಸ್ಕೂಟರ್ ವಲಯದಲ್ಲಿ ಹಲವು ಬ್ರಾಂಡ್‌ಗಳಿದ್ದರೂ, ಬಜಾಜ್ ಮಾತ್ರ ತನ್ನ ಜನಪ್ರಿಯ ಚೇತಕ್ ಎಲೆಕ್ಟ್ರಿಕ್ ಸ್ಕೂಟರ್ ಮೂಲಕ ಹೊಸ ಅಲೆ ಎಬ್ಬಿಸಿದೆ. 2024 - 25ರ ಆರ್ಥಿಕ ವರ್ಷದ ಕೊನೆಯ ತ್ರೈಮಾಸಿಕದಲ್ಲಿ ಭಾರತೀಯ ಎಲೆಕ್ಟ್ರಿಕ್ ದ್ವಿ-ಚಕ್ರ ವಾಹನ ವಿಭಾಗದಲ್ಲಿ ಬಜಾಜ್ ಚೇತಕ್ (Bajaj chetak) ಶೇ 29 ರಷ್ಟು ಮಾರುಕಟ್ಟೆ ಪಾಲನ್ನು ಹೊಂದುವ ಮೂಲಕ ನಂ.1 ಸ್ಥಾನವನ್ನು ಧಕ್ಕಿಸಿಕೊಂಡಿದೆ. ಈ ಮೈಲಿಗಲ್ಲು ವೈವಿಧ್ಯಮಯ ಗ್ರಾಹಕರಿಗೆ ಆದ್ಯತೆಯ ಎಲೆಕ್ಟ್ರಿಕ್ ಸ್ಕೂಟರ್ ಆಗಿ ಬಜಾಜ್ ಚೇತಕ್‌ನ ಸ್ಥಾನವನ್ನು ಬಲಪಡಿಸಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಈ ಬೆಳವಣಿಗೆಯು 70, 80 ಮತ್ತು 90ರ ದಶಕಗಳಲ್ಲಿ ಸ್ಕೂಟರ್ ಮಾರುಕಟ್ಟೆಯನ್ನು ಆಳಿದ್ದ ಬಜಾಜ್ ಚೇತಕ್‌ನ ಪರಂಪರೆಯನ್ನು ಮತ್ತೊಮ್ಮೆ ನೆನಪಿಸಿದೆ. ಈಗ ಮತ್ತೊಮ್ಮೆ ಚೇತಕ್ ಸ್ಕೂಟರ್ ಎಲೆಕ್ಟ್ರಿಕ್ ಅವತಾರದಲ್ಲಿ ಎಂಟ್ರಿಕೊಟ್ಟು ಗ್ರಾಹಕರ ನಂಬಿಕೆ ಮತ್ತು ವಿಶ್ವಾಸವನ್ನು ಗಳಿಸಿದೆ. ಭಾರತದ ಎಲೆಕ್ಟ್ರಿಕ್ ಸ್ಕೂಟರ್ ವಿಭಾಗದಲ್ಲಿ ನಂ.1 ಸ್ಥಾನವನ್ನು ಪಡೆದುಕೊಂಡಿದೆ.

ಕಂಪನಿ ಸ್ಥಾಪಿಸಿರುವ 3,800 ಕ್ಕೂ ಹೆಚ್ಚು ಮಾರಾಟ ಮತ್ತು ಸೇವಾ ಮಳಿಗೆಗಳ ವ್ಯಾಪಕ ಜಾಲವು ಬಜಾಜ್ ಚೇತಕ್‌ನ ಗಮನಾರ್ಹ ಮಾರಾಟಕ್ಕೆ ಕಾರಣವಾಗಿದೆ. ಜೊತೆಗೆ ಬಜಾಜ್ ಕೊನೆಯದಾಗಿ ಬಿಡುಗಡೆ ಮಾಡಿದ್ದ ಎರಡು ಸ್ಕೂಟರ್‌ಗಳಾದ ಚೇತಕ್ 29 ಸಿರೀಸ್ ಮತ್ತು 35 ಸಿರೀಸ್ ಸ್ಕೂಟರ್‌ಗಳ ಯಶಸ್ಸಿನಿಂದಾಗಿ 2024 ರಲ್ಲಿ 2 ಲಕ್ಷಕ್ಕೂ ಹೆಚ್ಚು ಯುನಿಟ್‌ ವಾಹನಗಳು ಮಾರಾಟವಾಗಿವೆ.

"ಇನ್ನೂ ಅತ್ಯುತ್ತಮ ಚೇತಕ್" (Best Chetak Yet) ಫ್ಲ್ಯಾಗ್‌ಶಿಪ್ ಮಾಡಲ್ ಆಗಿರುವ 35 ಸಿರೀಸ್ ಸುಧಾರಿತ ಫ್ಲೋರ್‌ಬೋರ್ಡ್ - ಸಂಯೋಜಿತ ಬ್ಯಾಟರಿಗಳು, ಅತ್ಯಾಧುನಿಕ ತಂತ್ರಜ್ಞಾನ ಮತ್ತು ವರ್ಧಿತ ಸುರಕ್ಷತಾ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ. ಗ್ರಾಹಕರು ಬಜಾಜ್ ಚೇತಕ್‌ನ ಮೇಲಿನ ವಿಶ್ವಾಸಾರ್ಹತೆ, ನಂಬಿಕೆ ಮತ್ತು ಘನತೆಯೊಂದಿಗೆ ಭಾರತದಲ್ಲಿ ಈ ಸ್ಕೂಟರ್‌ಗಳನ್ನು ಹೆಚ್ಚಾಗಿ ಖರೀದಿಸುತ್ತಿರುವುದಾಗಿ ಕಂಪನಿ ಹೇಳಿಕೊಂಡಿದೆ.

2001 ರಲ್ಲಿ ಭಾರತದಲ್ಲಿ CNG ತ್ರಿ-ಚಕ್ರ ವಾಹನಗಳನ್ನು ಪರಿಚಯಿಸಿದಾಗಿನಿಂದ, ಬಜಾಜ್ ಆಟೋ ದೇಶದಲ್ಲಿ ಪೆಟ್ರೋಲ್‌ಗೆ ಪರ್ಯಾಯವಾಗಿ CNG ಮತ್ತು EV ವಾಹನಗಳನ್ನು ಪರಿಚಯಿಸುವಲ್ಲಿ ಮುಂಚೂಣಿಯಲ್ಲಿದೆ. ಸದ್ಯ CNG ಮತ್ತು EV ದ್ವಿಚಕ್ರ ವಾಹನಗಳಲ್ಲಿ ಶೇ28 ರಷ್ಟು ಮಾರುಕಟ್ಟೆ ಪಾಲನ್ನು ಬಜಾಜ್ ಹೊಂದಿರುವುದಾಗಿ ಹೇಳಿದೆ.

ದೇಶೀಯ ಮಾರಾಟದ ಶೇ40 ರಷ್ಟು ಈಗ ಅದರ ಪೋರ್ಟ್‌ಫೋಲಿಯೊದಲ್ಲಿ ಎಲೆಕ್ಟ್ರಿಕ್ ಮತ್ತು ಸಿಎನ್‌ಜಿ-ಚಾಲಿತ ವಾಹನಗಳಿಂದ ಬರುತ್ತಿದೆ. ಈ ಬದ್ಧತೆಯು ಚೇತಕ್‌ನ ಯಶಸ್ಸಿನಲ್ಲಿ ಮಾತ್ರವಲ್ಲದೆ, ವಿಶ್ವದ ಮೊದಲ ಸಿಎನ್‌ಜಿ ಮೋಟಾರ್‌ಸೈಕಲ್ ಆಗಿರುವ ಬಜಾಜ್ ಫ್ರೀಡಂ ಮತ್ತು ಹೊಸ ಶ್ರೇಣಿಯ ಎಲೆಕ್ಟ್ರಿಕ್ ತ್ರಿ-ಚಕ್ರ ವಾಹನ ವಾಣಿಜ್ಯ ವಾಹನಗಳಾದ ಬಜಾಜ್ ಗೊಗೊದ ಇತ್ತೀಚಿನ ಬಿಡುಗಡೆಗಳಲ್ಲಿಯೂ ಸ್ಪಷ್ಟವಾಗಿದೆ.

ಈ ಅಭಿವೃದ್ಧಿಯ ಕುರಿತು ಮಾತನಾಡಿದ ಬಜಾಜ್ ಆಟೋ ಲಿಮಿಟೆಡ್‌ನ ಅರ್ಬನೈಟ್ ಬಿಸಿನೆಸ್ ಯೂನಿಟ್‌ನ ಅಧ್ಯಕ್ಷ ಎರಿಕ್ ವಾಸ್, "ಈ ಅಪೇಕ್ಷಿತ ಮೈಲಿಗಲ್ಲನ್ನು ತಲುಪಲು ನಮಗೆ ಸಂತೋಷವಾಗಿದೆ, ಚೇತಕ್ ಮತ್ತೊಮ್ಮೆ ಗ್ರಾಹಕರ ನೆಚ್ಚಿನ ವಾಹನವಾಗಿದೆ. ಬಜಾಜ್ ಆಟೋ 2-ವೀಲರ್ ಮತ್ತು 3-ವೀಲರ್ ಕ್ಷೇತ್ರದಲ್ಲಿ ತನ್ನ ಕೊಡುಗೆಗಳೊಂದಿಗೆ EV ಕ್ರಾಂತಿಯನ್ನು ಮುನ್ನಡೆಸಿದೆ.

ಇದು ವಿಭಿನ್ನ ಕೊಡುಗೆಗಳು, ಗ್ರಾಹಕರ ಅನುಭವ ಮತ್ತು ಸೇವಾ ಜಾಲದ ಮೇಲೆ ಕೇಂದ್ರೀಕರಿಸುವ ನಮ್ಮ ಕ್ಯುರೇಟೆಡ್ ತಂತ್ರದ ಫಲಿತಾಂಶವಾಗಿದೆ. 'ಇನ್ನೂ ಅತ್ಯುತ್ತಮ ಚೇತಕ್' - 35 ಸಿರೀಸ್ ಹಿನ್ನಲೆಯಲ್ಲಿ, ಇದು ಈಗ ನಮ್ಮ ಎಲೆಕ್ಟ್ರಿಕ್ ಪೋರ್ಟ್‌ಫೋಲಿಯೊದ ಪ್ರಮುಖ ಭಾಗವಾಗಿದೆ. ಮುಂಬರುವ ತಿಂಗಳುಗಳಲ್ಲಿ ಚೇತಕ್ ಕುಟುಂಬಕ್ಕೆ ಇನ್ನೂ ಹೆಚ್ಚಿನ ಸವಾರರನ್ನು ಸ್ವಾಗತಿಸಲು ನಾವು ಎದುರು ನೋಡುತ್ತಿದ್ದೇವೆ" ಎಂದರು.

ಡ್ರೈವ್‌ ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋ ಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.