Bajaj: ಫುಲ್‌ ಟ್ಯಾಂಕ್ ಮಾಡಿಸಿ ತಿಂಗಳು ಪೂರ್ತಿ ಓಡಿಸಿ: ಭಾರತದ ಬೆಸ್ಟ್ ಮೈಲೇಜ್ ಬೈಕ್!

ಭಾರತೀಯ ಮೋಟಾರ್ ಸೈಕಲ್ ಮಾರುಕಟ್ಟೆಯು ವೈವಿಧ್ಯಮಯ ಆಯ್ಕೆಗಳನ್ನು ನೀಡುತ್ತದೆ. ಆದರೆ, ಎಲ್ಲಾ ಬೈಕುಗಳು ಉತ್ತಮ ಮೈಲೇಜ್ ನೀಡುವ ಬೈಕ್‌ಗಳು ಆಗಿರುವುದಿಲ್ಲ. ಅಸಾಧಾರಣ ಇಂಧನ ದಕ್ಷತೆಗಾಗಿ, ಕೆಲವು ಬೈಕುಗಳು ಮಾತ್ರ ತಮ್ಮ ವಿಭಾಗಗಳಲ್ಲಿ ಹೆಚ್ಚಿನ ಮೈಲೇಜ್ ನೀಡುತ್ತವೆ. ಅದರಲ್ಲೂ ಬಜಾಜ್ (Bajaj) ಬಾಳಿಕೆ ಬರುವ ಮತ್ತು ದಕ್ಷ ಮೋಟಾರ್ ಸೈಕಲ್‌ಗಳಿಗೆ ಹೆಸರುವಾಸಿಯಾಗಿದೆ. ಬಜಾಜ್ ನೀಡುವ ಬೆಸ್ಟ್‌ ಮೈಲೇಜ್ ಬೈಕ್ ಆಗಿ ಪ್ಲಾಟಿನಾ ಮುಂದುವರಿಯುತ್ತಿದೆ. ಸದ್ಯ ಪ್ಲಾಟಿನಾ 100 ಸಿಸಿ ಹಾಗೂ 110 ಸಿಸಿ ಎಂಬ ಎರಡು ಮಾಡಲ್‌ಗಳನ್ನು ಹೊಂದಿದೆ. ಇವೆರಡು ಬೆಸ್ಟ್ ಮೈಲೇಜ್ ಬೈಕ್‌ಗಳಾಗಿದ್ದು, ಅಗ್ಗದ ಬೆಲೆಗೆ ಸಿಗುತ್ತವೆ.

ಬೆಂಗಳೂರಿನಲ್ಲಿ ಬಜಾಜ್ ಪ್ಲಾಟಿನಾ 100 (bajaj platina 100) ಆನ್‌ರೋಡ್ ಬೆಲೆಯು ರೂ. 90,555 ಇದೆ. ಹಾಗೆಯೇ ಬಜಾಜ್ ಪ್ಲಾಟಿನಾ 110 ಆನ್‌ರೋಡ್‌ ಬೆಲೆಯು ರೂ. 93,136 ಇದೆ. ಬಜಾಜ್ ಪ್ಲಾಟಿನಾ 100 ಬೈಕ್ 102 ಸಿಸಿ ಎಂಜಿನ್ ಹೊಂದಿದ್ದು, 7.79 ಬಿಹೆಚ್ ಪವರ್ ಉತ್ಪಾದಿಸುತ್ತದೆ. ಬಜಾಜ್ ಪ್ಲಾಟಿನಾ 110 ಬೈಕ್ 115.45 ಸಿಸಿ ಎಂಜಿನ್ ಹೊಂದಿದ್ದು, 8.48 ಬಿಹೆಚ್ ಪವರ್ ಉತ್ಪಾದಿಸುತ್ತದೆ.

ಬಜಾಜ್ ಪ್ಲಾಟಿನಾ 100: ಪ್ಲಾಟಿನಾ 100 ಪ್ರಸ್ತುತ ಅತ್ಯಂತ ಕೈಗೆಟುಕುವ ಮೋಟಾರ್ ಸೈಕಲ್ ಆಗಿದ್ದು, ನೋ ಫ್ರಿಲ್ ವಿನ್ಯಾಸದೊಂದಿಗೆ ಹೆಚ್ಚಿನ ಮೈಲೇಜ್‌ಗೆ ಹೆಸರುವಾಸಿಯಾಗಿದೆ. ಇದನ್ನು ಕಿಕ್ ಸ್ಟಾರ್ಟ್ ಮತ್ತು ಎಲೆಕ್ಟ್ರಿಕ್ ಸ್ಟಾರ್ಟ್ ಎಂಬ ಎರಡು ರೂಪಾಂತರಗಳಲ್ಲಿ ಮಾರಾಟ ಮಾಡಲಾಗುತ್ತದೆ. ಅತಿ ಹೆಚ್ಚು ಮೈಲೇಜ್ ಹಾಗೂ ಅಗ್ಗದ ಬೈಕ್ ಹುಡುಕುತ್ತಿರುವ ಗ್ರಾಹಕರು ಇದನ್ನು ಕಣ್ಣುಮುಚ್ಚಿ ಖರೀದಿಸಬಹುದು.

ಈ ಬೈಕ್ ಬಿಎಸ್ 6 - ಕಾಂಪ್ಲೈಂಟ್ ಫ್ಯೂಯಲ್ ಇಂಜೆಕ್ಟೆಡ್ ಎಂಜಿನ್‌ ಹೊಂದಿದ್ದು, ಈ ಎಂಜಿನ್ ನೊಂದಿಗೆ 4-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಅನ್ನು ಅಳವಡಿಸಲಾಗಿದೆ. ಭಾರತದ ಅತ್ಯಂತ ಇಂಧನ ದಕ್ಷತೆಯ ಬೈಕ್‌ಗಳಲ್ಲಿ ಒಂದಾಗಿರುವ ಈ ಬೈಕ್ ಪ್ರತಿ ಲೀಟರ್‌ಗೆ 72 ಕಿ.ಮೀ ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿದೆ. ಬಜೆಟ್ ಪ್ರಜ್ಞೆಯುಳ್ಳ ಸವಾರರಿಗೆ ಇದು ಸೂಕ್ತ ಆಯ್ಕೆಯಾಗಿದೆ.

ಬಜಾಜ್ ಪ್ಲಾಟಿನಾ 110: ಪ್ಲಾಟಿನಾ 110 ಹೆಚ್-ಗೇರ್ ಪ್ರೀಮಿಯಂ ಕಮ್ಯೂಟರ್ ಬೈಕ್ ಆಗಿದ್ದು, ಪ್ಲಾಟಿನಾ 100 ಗಿಂತ ಹೆಚ್ಚಿನ ಪವರ್ ಒದಗಿಸುತ್ತದೆ. ಈ ಬೈಕಿನ ಪ್ರಮುಖ ಆಕರ್ಷಣೆಯೆಂದರೆ 5-ಸ್ಪೀಡ್ ಗೇರ್ ಬಾಕ್ಸ್, ಇದು ಹೆದ್ದಾರಿಯಲ್ಲಿ ಪ್ರಯಾಣವನ್ನು ಸುಲಭಗೊಳಿಸುತ್ತದೆ. ಈ ಬೈಕಿನಲ್ಲಿ ಎಲೆಕ್ಟ್ರಾನಿಕ್ ಇಂಜೆಕ್ಷನ್ ಹೊಂದಿರುವ ಸಿಂಗಲ್ ಸಿಲಿಂಡರ್ ಎಂಜಿನ್ ಅಳವಡಿಸಲಾಗಿದೆ.

ಸಸ್ಪೆಂಷನ್ ಸಿಸ್ಟಂಗಳನ್ನು ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್‌ಗಳು ಮತ್ತು ಹಿಂಭಾಗದಲ್ಲಿ ಟ್ವಿನ್ ಶಾಕ್‌ಗಳನ್ನು ಅಳವಡಿಸಲಾಗಿದೆ. ಈ ಬೈಕಿನ ಮುಂಭಾಗದಲ್ಲಿ ಡಿಸ್ಕ್ ಮತ್ತು ಹಿಂಭಾಗದಲ್ಲಿ ಡ್ರಮ್ ಬ್ರೇಕ್ ಅನ್ನು ಅಳವಡಿಸಲಾಗಿದೆ. ಈ ಬೈಕ್ ಪ್ರತಿ ಲೀಟರ್‌ಗೆ 70 ಕಿ.ಮೀ ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿದೆ.

ಮೂಲಭೂತ ವೈಶಿಷ್ಟ್ಯಗಳಲ್ಲಿ ರಾಜಿ ಮಾಡಿಕೊಳ್ಳದೆ ಮೈಲೇಜ್ ನೀಡುವ ಇದರ ಸಾಮರ್ಥ್ಯವು ಗ್ರಾಹಕರಿಗೆ ಆದ್ಯತೆಯ ಆಯ್ಕೆಯನ್ನಾಗಿ ಮಾಡುತ್ತದೆ. ಇಂಧನ ದಕ್ಷತೆಯ ಮೋಟಾರ್ ಸೈಕಲ್‌ಗಳನ್ನು ಬಯಸುವವರಿಗೆ, ಬಜಾಜ್ ಪ್ಲಾಟಿನಾ ಯೋಗ್ಯವಾಗಿದೆ. ದೈನಂದಿನ ಪ್ರಯಾಣಿಕರಾಗಿರಲಿ ಅಥವಾ ಬಜೆಟ್ ಪ್ರಜ್ಞೆಯುಳ್ಳ ವ್ಯಕ್ತಿಯಾಗಿರಲಿ, ಈ ಹೆಚ್ಚಿನ ಮೈಲೇಜ್ ಬೈಕ್‌ಗಳು ನಿರೀಕ್ಷೆಗಳನ್ನು ಪೂರೈಸುವುದರ ಜೊತೆಗೆ ವೆಚ್ಚವನ್ನು ಕಡಿಮೆ ಮಾಡುತ್ತವೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.