ಮೋಟೋ ಮೊರಿನಿ ಸೀಮೆಝೋ 650 ಬೈಕ್‌ಗಳ ಮೇಲೆ 2 ಲಕ್ಷ ರೂ. ಬೆಲೆ ಇಳಿಕೆ!

ಆದೀಶ್ವರ್ ಆಟೋ ರೈಡ್ ಇಂಡಿಯಾ (AARI) ಭಾರತದಲ್ಲಿ ಮೋಟೋ ಮೊರಿನಿ ಸೀಮೆಝೋ 650 ಲೈನ್-ಅಪ್‌ ಮೋಟಾರ್‌ಸೈಕಲ್‌ಗಳಾದ ಸೀಮೆಝೋ 650 ಸ್ಕ್ರ್ಯಾಂಬ್ಲರ್ ಮತ್ತು ರೆಟ್ರೊ ಸ್ಟ್ರೀಟ್ ಬೈಕ್ ಮೇಲೆ ಬೆಲೆ ಇಳಿಕೆಯನ್ನು ಘೋಷಿಸಿದೆ. ಈ ಬೆಲೆ ಇಳಿಕೆಯು ಪ್ರೀಮಿಯಂ ಇಟಾಲಿಯನ್ ಮೋಟಾರ್‌ಸೈಕಲ್‌ಗಳನ್ನು ಖರೀದಿಸುವ ಉತ್ಸಾಹಿಗಳಿಗೆ ಹೆಚ್ಚು ಕೈಗೆಟುಕುವಂತೆ ಮಾಡಿದೆ. ಈ ಮೂಲಕ ಮೋಟೋ ವಾಲ್ಟ್ ಮತ್ತು ಮೋಟೋ ಮೊರಿನಿ, ಭಾರತೀಯ ಮಾರುಕಟ್ಟೆಯಲ್ಲಿ ಬ್ರ್ಯಾಂಡ್‌ನ ವ್ಯಾಪ್ತಿ ಮತ್ತು ಆಕರ್ಷಣೆಯನ್ನು ವಿಸ್ತರಿಸುವ ತನ್ನ ಬದ್ಧತೆಯನ್ನು ಬಲಪಡಿಸಿಕೊಳ್ಳುತ್ತಿವೆ.

ಇಟಾಲಿಯನ್ ವಿನ್ಯಾಸ, ಕಾರ್ಯಕ್ಷಮತೆ ಮತ್ತು ಪರಂಪರೆಯನ್ನು ಮೆಚ್ಚುವ ಸವಾರರಿಗಾಗಿ ಇಂದಿನಿಂದಲೇ ಸೀಮೆಝೋ 650 ಸ್ಕ್ರ್ಯಾಂಬ್ಲರ್ ಮತ್ತು ರೆಟ್ರೊ ಸ್ಟ್ರೀಟ್ ಮಾದರಿಗಳ ಹೊಸ ಬೆಲೆಗಳನ್ನು ಪರಿಚಯಿಸಿದೆ. MM ಸೀಮೆಝೋ 650 ರೆಟ್ರೋ ಸ್ಟ್ರೀಟ್ ಬೈಕ್ ಬೆಲೆಯು ಎಕ್ಸ್‌ಶೋರೂಂ ಪ್ರಕಾರ ರೂ.4,99,000 (₹2,00,000 ಕಡಿತ) ಹಾಗೂ MM ಸೀಮೆಝೋ 650 ಸ್ಕ್ರ್ಯಾಂಬ್ಲರ್ ಎಕ್ಸ್‌ ಶೋರೂಂ ಬೆಲೆಯು ರೂ.5,20,000 (₹1,90,000 ಕಡಿತ) ಇದೆ.

ಈ ಪರಿಷ್ಕೃತ ಬೆಲೆಗಳು ಲಭ್ಯವಿರುವ ಎಲ್ಲಾ ಬಣ್ಣ ಆಯ್ಕೆಗಳಲ್ಲಿ ಅನ್ವಯವಾಗುತ್ತವೆ, ಗ್ರಾಹಕರು ಗಮನಾರ್ಹವಾಗಿ ಕಡಿಮೆ ಬೆಲೆಯಲ್ಲಿ ಅದೇ ಪ್ರೀಮಿಯಂ ಅನುಭವವನ್ನು ಆನಂದಿಸಬಹುದು. ಈ ಬೆಲೆ ನವೀಕರಣದೊಂದಿಗೆ, ಸೀಮೆಝೋ 650 ಶ್ರೇಣಿಯು ಪ್ರೀಮಿಯಂ ಮೋಟಾರ್‌ಸೈಕಲ್ ವಿಭಾಗದಲ್ಲಿ ಹೆಚ್ಚಿನ ಮೌಲ್ಯದ ಬೈಕಿಂಗ್ ಆಗಿ ತನ್ನ ಸ್ಥಾನವನ್ನು ಬಲಪಡಿಸಿಕೊಂಡಿದೆ ಎಂದು ಕಂಪನಿ ಹೇಳಿದೆ.

ಬೆಲೆ ಇಳಿಕೆಯ ಕುರಿತು ಮಾತನಾಡಿದ AARI ನ ವ್ಯವಸ್ಥಾಪಕ ನಿರ್ದೇಶಕ ವಿಕಾಸ್ ಝಬಖ್, "ಮೋಟೋ ಮೊರಿನಿ ಶ್ರೀಮಂತ ಇಟಾಲಿಯನ್ ಪರಂಪರೆಯನ್ನು ಹೊಂದಿದೆ, ಈ ಅಸಾಧಾರಣ ಮೋಟಾರ್‌ಸೈಕಲ್‌ಗಳನ್ನು ಭಾರತೀಯ ಸವಾರರು ಹೆಚ್ಚು ಖರೀದಿಸುವಂತೆ ಮಾಡಲು ನಾವು ಉತ್ಸುಕರಾಗಿದ್ದೇವೆ. ಈ ಬೆಲೆ ಪರಿಷ್ಕರಣೆಯು ಶೈಲಿ, ಕಾರ್ಯಕ್ಷಮತೆ ಮತ್ತು ಮೌಲ್ಯದ ಅಜೇಯ ಸಂಯೋಜನೆಯನ್ನು ನೀಡುವ ಪ್ರೀಮಿಯಂ ಉತ್ಪನ್ನಗಳನ್ನು ತಲುಪಿಸುವ ನಮ್ಮ ಬದ್ಧತೆಗೆ ಹೊಂದಿಕೆಯಾಗುತ್ತದೆ ಎಂದರು.

ಆದೀಶ್ವರ್ ಆಟೋ ರೈಡ್ ಇಂಡಿಯಾ ಬಗ್ಗೆ: ಮಹಾವೀರ್ ಗ್ರೂಪ್‌ನ ಭಾಗವಾಗಿರುವ ಆದೀಶ್ವರ್ ಆಟೋ ರೈಡ್ ಇಂಡಿಯಾ (AARI) ಭಾರತದಲ್ಲಿ ಪ್ರಮುಖ ಆಟೋಮೋಟಿವ್ ವಿತರಕ ಕಂಪನಿಯಾಗಿದೆ. AARI ಬೆನೆಲ್ಲಿ ಮತ್ತು ಕೀವೇಯಂತಹ ಬ್ರ್ಯಾಂಡ್‌ಗಳ ಕಾರ್ಯಾಚರಣೆಯನ್ನು ನಿರ್ವಹಿಸುತ್ತದೆ. 20,000 ಕ್ಕೂ ಹೆಚ್ಚು ಸಂತೃಪ್ತ ಗ್ರಾಹಕರ ಬೆಳೆಯುತ್ತಿರುವ ನೆಲೆಯೊಂದಿಗೆ 59 ಡೀಲರ್‌ಶಿಪ್‌ಗಳ ಜಾಲವನ್ನು ಯಶಸ್ವಿಯಾಗಿ ಸ್ಥಾಪಿಸಿದೆ.

ಕಂಪನಿಯು ಭಾರತದಲ್ಲಿ ತಮ್ಮ ಉತ್ಪನ್ನಗಳನ್ನು ತಯಾರಿಸಲು ಮತ್ತು ವಿತರಿಸಲು ಮೋಟೋ ಮೊರಿನಿ, ಜೋಂಟೆಸ್ ಮತ್ತು QJ ಮೋಟಾರ್‌ನಂತಹ ಜಾಗತಿಕ ಮೋಟಾರ್‌ಸೈಕಲ್ ಬ್ರಾಂಡ್‌ಗಳೊಂದಿಗೆ ಪಾಲುದಾರಿಕೆ ಹೊಂದಿದೆ. ಹಾಗಾಗಿ ಗ್ರಾಹಕರು ದೇಶಾದ್ಯಂತದ ಮೋಟೋ ವಾಲ್ಟ್ ಡೀಲರ್‌ಶಿಪ್‌ಗಳಿಗೆ ಭೇಟಿ ನೀಡಿ ಹೊಸ, ಸ್ಪರ್ಧಾತ್ಮಕ ಬೆಲೆಯಲ್ಲಿ ಸೀಮೆಝೋ 650 ಬೈಕ್ ಖರೀದಿಸಬಹುದು.

ಮೋಟೋ ಮೊರಿನಿ ಬಗ್ಗೆ: ಇಟಾಲಿಯನ್ ಮೋಟಾರ್‌ಸೈಕಲ್ ಬ್ರಾಂಡ್ ಆಗಿರುವ ಮೋಟೋ ಮೊರಿನಿಯನ್ನು1937 ರಲ್ಲಿ ಇಟಲಿಯ ಬೊಲೊಗ್ನಾದಲ್ಲಿ ಅಲ್ಫೊನ್ಸೊ ಮೊರಿನಿ ಸ್ಥಾಪಿಸಿದರು. ಬಲವಾದ ರೇಸಿಂಗ್ ಪರಂಪರೆ ಮತ್ತು ಹೆಚ್ಚಿನ ಕಾರ್ಯಕ್ಷಮತೆಯ ಮೋಟಾರ್‌ಸೈಕಲ್‌ ಖ್ಯಾತಿಯೊಂದಿಗೆ, ಮೋಟೋ ಮೊರಿನಿ 350 ಸಿಸಿಯಿಂದ 600 ಸಿಸಿ ವರೆಗಿನ ತನ್ನ ಮೋಟಾರ್‌ಸೈಕಲ್‌ಗಳಿಗೆ ತ್ವರಿತವಾಗಿ ಹೆಸರುವಾಸಿಯಾಯಿತು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.