2025 EICMA ನಲ್ಲಿ ತನ್ನ ಎಲ್ಲಾ ಬ್ರ್ಯಾಂಡ್‌ಗಳ ಹೊಸ ವಾಹನಗಳನ್ನು ಪ್ರದರ್ಶಿಸಿದ ಪಿಯಾಜಿಯೊ

ಮಿಲನ್‌ನಲ್ಲಿ ನಡೆಯುತ್ತಿರುವ 2025 EICMA ನಲ್ಲಿ ಪ್ರಮುಖ ವಾಹನ ತಯಾರಕ ಕಂಪನಿಯಾದ ಪಿಯಾಜಿಯೊ ಗ್ರೂಪ್, ತನ್ನ ಅಡಿಯಲ್ಲಿ ಬರುವ ಎಲ್ಲಾ ಬ್ರ್ಯಾಂಡ್‌ಗಳ ಹೊಸ ದ್ವಿಚಕ್ರ ವಾಹನಗಳ ಸರಣಿಯನ್ನು ಪ್ರದರ್ಶಿಸಿದೆ. 2025 ರಲ್ಲಿ ಪೂರ್ಣಗೊಂಡ ತಮ್ಮ ಮೋಟಾರ್‌ಸೈಕಲ್ ಶ್ರೇಣಿಗಳ ಯಶಸ್ವಿ ನವೀಕರಣದ ನಂತರ ಎಪ್ರಿಲಿಯಾ ಮತ್ತು ಮೋಟೋ ಗುಝಿ EICMA ಗೆ ಆಗಮಿಸಿವೆ. ಹಾಗಾದ್ರೆ EICMA 2025 ರಲ್ಲಿ ಪಿಯಾಜಿಯೊ ಗ್ರೂಪ್ ಯಾವೆಲ್ಲಾ ಪ್ರಮುಖ ಹೊಸ ಉತ್ಪನ್ನಗಳನ್ನು ಪ್ರದರ್ಶಿಸಿದೆ ಹಾಗೂ ಅವುಗಳ ವಿಶೇಷತೆಗಳನ್ನು ನೋಡೋಣ.

ಎಪ್ರಿಲಿಯಾ SR GT 400: ಹೊಸ ಎಪ್ರಿಲಿಯಾ SR GT 400 ಅನ್ನು ಪ್ರದರ್ಶಿಸಿದ್ದು, ಇದು ಆಧುನಿಕ ಲಿಕ್ವಿಡ್-ಕೂಲ್ಡ್ ಸಿಂಗಲ್-ಸಿಲಿಂಡರ್ ಎಂಜಿನ್‌ ಹೊಂದಿದ್ದು, 36 hp ಪವರ್ ಉತ್ಪಾದಿಸುತ್ತದೆ. 5-ಇಂಚಿನ TFT ಡಿಸ್ಪ್ಲೇ, ಕೀಲೆಸ್ ಸಿಸ್ಟಮ್, ಟ್ರಾಕ್ಷನ್ ಕಂಟ್ರೋಲ್ ಮತ್ತು ABS ಅನ್ನು ಒಳಗೊಂಡಿದೆ. ಸೀಟಿನ ಕೆಳಗಿರುವ ವಿಭಾಗವು ಪೂರ್ಣ-ಮುಖದ ಹೆಲ್ಮೆಟ್ ಮತ್ತು ಇತರ ವಸ್ತುಗಳನ್ನು ಹಿಡಿದಿಟ್ಟುಕೊಳ್ಳಬಹುದು, ಹಾಗೆಯೇ ವಿಂಡ್‌ಸ್ಕ್ರೀನ್ ಐದು ವಿಭಿನ್ನ ಎತ್ತರಗಳಿಗೆ ಹೊಂದಿಸಬಹುದಾಗಿದೆ.

ಎಪ್ರಿಲಿಯಾ RS 457 GP ರೆಪ್ಲಿಕಾ: ಯುವ ಸವಾರರಲ್ಲಿ ಅತ್ಯಂತ ಅಪೇಕ್ಷಿತ ಸ್ಪೋರ್ಟ್ಸ್ ಬೈಕ್ ಆಗಿರುವ ಪ್ರಸಿದ್ಧ RS 457 ನ ವಿಶೇಷ ಆವೃತ್ತಿಯನ್ನು ಪ್ರದರ್ಶಿಸಲಾಗಿದೆ. ಇದು MotoGP ನಲ್ಲಿ ಸ್ಪರ್ಧಿಸುವ RS-GP ನಿಂದ ಸ್ಫೂರ್ತಿ ಪಡೆದ ಗ್ರಾಫಿಕ್ಸ್ ಒಳಗೊಂಡಿದೆ. ಇದು ಲಿಕ್ವಿಡ್-ಕೂಲ್ಡ್, ಟ್ವಿನ್-ಸಿಲಿಂಡರ್ ಎಂಜಿನ್‌ನಿಂದ ಚಾಲಿತವಾಗಿದ್ದು, 35 kW ಪವರ್ ಹೊರಹಾಕುತ್ತದೆ. ರೈಡ್-ಬೈ-ವೈರ್ ಥ್ರೊಟಲ್, ಮೂರು ರೈಡಿಂಗ್ ಮೋಡ್‌ಗಳು, ABS ಮತ್ತು ಟ್ರಾಕ್ಷನ್ ಕಂಟ್ರೋಲ್ ಹೊಂದಿದೆ.

ಏಪ್ರಿಲಿಯಾ ಫ್ಯಾಕ್ಟರಿ ರೇಂಜ್-ಹೊಸ ಗ್ರಾಫಿಕ್ ವೇರಿಯೆಂಟ್‌ಗಳು: ಒಂದೆಡೆ ಏಪ್ರಿಲಿಯಾ ಫ್ಯಾಕ್ಟರಿ ಫ್ಯಾಮಿಲಿಯಾದ ಪ್ರೀಮಿಯಂ V4 ಮಾಡಲ್‌ಗಳು RSV4 ಮತ್ತು Tuono V4 ಇದ್ದರೆ, ಮತ್ತೊಂದೆಡೆ ಮಧ್ಯಮ ಗಾತ್ರದ RS 660 ಮತ್ತು Tuono 660 ಎರಡೂ ಇದ್ದವು. ಇತ್ತೀಚೆಗೆ ತಾಂತ್ರಿಕ ದೃಷ್ಟಿಕೋನದಿಂದ ಇವನ್ನು ಅಪ್‌ಡೇಟ್ ಮಾಡಲಾಗಿದೆ, 2026 ಕ್ಕೆ ಹೊಸ ಮತ್ತು ಗಮನಾರ್ಹ ಗ್ರಾಫಿಕ್ಸ್ ಅನ್ನು ಪಡೆದು ಬರಲಿವೆ.

ಮೋಟೋ ಗುಝಿ ರೇಂಜ್ - ಹೊಸ ಗ್ರಾಫಿಕ್ಸ್: ಇತ್ತೀಚಿನ ವರ್ಷಗಳಲ್ಲಿ ಮೋಟೋ ಗುಝಿ ರೇಂಜ್ ಸಂಪೂರ್ಣ ನವೀಕರಣವನ್ನು ಪಡೆದಿದೆ, ಇತ್ತೀಚೆಗೆ V7 ಸ್ಪೋರ್ಟ್‌ನ ಪರಿಚಯದೊಂದಿಗೆ - V7 ಸಾಲಿನಲ್ಲಿ ಅತ್ಯಂತ ಸ್ಪೋರ್ಟಿ ಮಾಡಲ್ - ಯುಎಸ್‌ಡಿ ಫೋರ್ಕ್‌ಗಳು, ಡ್ಯುಯಲ್ ಫ್ರಂಟ್ ಬ್ರೇಕ್ ಡಿಸ್ಕ್‌ಗಳು ಮತ್ತು ಮಲ್ಟಿ-ಮ್ಯಾಪ್ ರೈಡ್-ಬೈ-ವೈರ್ ಸಿಸ್ಟಮ್‌ನೊಂದಿಗೆ ಇನ್ನೂ ಹೆಚ್ಚು ಸುಧಾರಿತ ಎಲೆಕ್ಟ್ರಾನಿಕ್ ಪ್ಯಾಕೇಜ್ ಅನ್ನು ಒಳಗೊಂಡಿದೆ.

ಪಿಯಾಜಿಯೊ ಬೆವರ್ಲಿ 25 ಆನಿವರ್ಸರಿ: ಮೊದಲ ಮಾದರಿಯ ಬಿಡುಗಡೆಯ 25 ವರ್ಷಗಳನ್ನು ಆಚರಿಸಲು ಸಾರ್ವಕಾಲಿಕ ಅತ್ಯಂತ ಜನಪ್ರಿಯ ಮತ್ತು ಹೆಚ್ಚು ಮಾರಾಟವಾಗುವ ಹೈ-ವೀಲ್ ಸ್ಕೂಟರ್‌ಗಳಲ್ಲಿ ಒಂದಾದ ಬೆವರ್ಲಿಯ ವಿಶೇಷ ಆವೃತ್ತಿಯನ್ನು ಪಿಯಾಜಿಯೊ ಪ್ರದರ್ಶಿಸಿದೆ. ಇತ್ತೀಚಿನ 310 ಎಚ್‌ಪಿಇ ಮತ್ತು 400 ಎಚ್‌ಪಿಇ ಎಂಜಿನ್‌ಗಳೊಂದಿಗೆ ಲಭ್ಯವಿರುವ ಪಿಯಾಜಿಯೊ ಬೆವರ್ಲಿ 25 ನೇ ಆನಿವರ್ಸರಿ ಎಡಿಷನ್ ಸ್ಪೋರ್ಟಿ ಲುಕ್‌ನಲ್ಲಿ ಕಂಡಿತು.

ಹೊಸ ವೆಸ್ಪಾ ಪ್ರೈಮಾವೆರಾ ಮತ್ತು ಸ್ಪ್ರಿಂಟ್ ಎಸ್: ಸಣ್ಣ ಮಾಡಲ್‌ಗಳಾದ ಪ್ರೈಮಾವೆರಾ ಮತ್ತು ಸ್ಪ್ರಿಂಟ್ ಪ್ರದರ್ಶನಕ್ಕೆ ನಿಂತಿದ್ದವು. ಹೊಸ ವೆಸ್ಪಾ ಪ್ರೈಮಾವೆರಾ ಮತ್ತು ಸ್ಪ್ರಿಂಟ್ ಎಸ್ ಕೂಡ ಸುರಕ್ಷಿತವಾಗಿದ್ದು, ಈಗ ಹಿಂಭಾಗದ ಡಿಸ್ಕ್ ಬ್ರೇಕ್ ಅನ್ನು ಹೊಂದಿದೆ. ವೆಸ್ಪಾ ಪ್ರೈಮಾವೆರಾ ಮತ್ತು ವೆಸ್ಪಾ ಸ್ಪ್ರಿಂಟ್ ಎಸ್ ಎರಡೂ ಹೊಸ ಎಲ್‌ಸಿಡಿ ಕ್ಲಸ್ಟರ್‌ಗಳನ್ನು ಹೊಂದಿವೆ. ಮೂರು ಎಂಜಿನ್ ಗಾತ್ರಗಳಲ್ಲಿ(50, 125, ಮತ್ತು 150) ಮತ್ತು ಎರಡು ಇವಿ ಆವೃತ್ತಿಗಳಲ್ಲಿ ಲಭ್ಯವಿದೆ.

80ನೇ ವೆಸ್ಪಾ: 2026 ರಲ್ಲಿ, ವೆಸ್ಪಾ ತನ್ನ ಎಂಬತ್ತನೇ ಆನಿವರ್ಸರಿ ಎಡಿಷನ್ ಆಚರಿಸಿತು, ಇದರ ಭಾಗವಾಗಿ ವೆಸ್ಪಾ 80ನೇ ಪ್ರೈಮಾವೆರಾ ಮತ್ತು ವೆಸ್ಪಾ 80ನೇ ಜಿಟಿಎಸ್ ಪ್ರದರ್ಶನಕ್ಕೆ ನಿಂತಿದ್ದವು. "80ನೇ" ಎಂಬ ಸ್ಮರಣಾರ್ಥ ಬ್ಯಾಡ್ಜ್ ಅನ್ನು ಮುಂಭಾಗದ ಶೀಲ್ಡ್‌ನಲ್ಲಿ ಐಕಾನಿಕ್ ವೆಸ್ಪಾ ಲೋಗೋ ಜೊತೆಗೆ ಪ್ರಮುಖವಾಗಿ ಪ್ರದರ್ಶಿಸಲಾಗಿದೆ, ಒಳಗಿನ ಲೆಗ್ ಶೀಲ್ಡ್ "80 ವರ್ಷಗಳ ವೆಸ್ಪಾ ಸ್ಥಾಪನೆ 1946" ಲೋಗೋವನ್ನು ಹೊಂದಿದೆ.