Click it and Unblock the Notifications
ಮಾರುತಿ ಸುಜುಕಿ ರಿಟ್ಜ್: ಸಣ್ಣಕಾರಿನ ದೊಡ್ಡಸ್ತಿಕೆ
ಸ್ಟೈಲಿಶ್ ಮತ್ತು ಸ್ಪೋರ್ಟಿ ವಿನ್ಯಾಸದ ಈ ಕಾರಿನಲ್ಲಿ ಐದು ಜನರು ಕುಳಿತುಕೊಳ್ಳಬಹುದು. ಇದರ ಇಂಟಿರಿಯರ್ ಹೆಚ್ಚು ಸ್ಥಳಾವಕಾಶ ಹೊಂದಿದ್ದು, ಆರಾಮವಾಗಿ ಪ್ರಯಾಣಿಸಬಹುದಾಗಿದೆ. ಆದರೆ ಇದರ ಹಿಂಭಾಗದ ಸೀಟು ಆಟೋ ಸೀಟಿನಂತೆ ಇದೆ. ಹಿಂಬದಿ ಸವಾರರು ದೂರ ಪ್ರಯಾಣದಲ್ಲಿ ತುಸು ಕಿರಿಕ್ ಅನುಭವಿಸಬಹುದು. ಈ ಕಾರಿನ ಗ್ರೌಂಡ್ ಕ್ಲಿಯರೆನ್ಸ್ 170 ಮಿ.ಮಿ. ಇದೆ.
ಕಾರಿನೊಳಗೆ ಕೆಲವು ಫೀಚರುಗಳು ಗಮನಸೆಳೆಯುತ್ತವೆ. ಅಂದರೆ ಸೀಟಿನ ಹಿಂಭಾಗದ ಪಾಕೆಟ್, ಮುಂಭಾಗದ ಸೀಟಿನ ಕೆಳಭಾಗದಲ್ಲಿ ಟ್ರೇ, ಸ್ಪೀಕರ್ ಜೊತೆಗೆ ರೆಡಿಯೋ ಮತ್ತು ಸಿಡಿ ಕೂಡ ಇದರಲ್ಲಿದೆ. ಸೀಟ್ ಹೊಂದಣಿಕೆ ಮುಂತಾದ ಆರಾಮದಾಯಕತೆಯ ಫೀಚರುಗಳೂ ರಿಟ್ಜ್ ಕಾರಿನಲ್ಲಿವೆ. ಉಳಿದಂತೆ ಕಪ್ ಹೋಲ್ಡರ್, ರಿಮೋಟ್ ಫ್ಯೂಯಲ್ ಲಿಡ್ ಓಪನರ್, ಆಂಟೆನಾ ಇತ್ಯಾದಿ ಸಣ್ಣಪುಟ್ಟ ಫೀಚರುಗಳಿವೆ.
ಮಾರುತಿ ಸುಜುಕಿ ರಿಟ್ಜ್ ಕಾರಿನ ಸ್ಟಿಯರಿಂಗ್ ವೀಲ್ ನಲ್ಲಿಯೇ ಆಡಿಯೋ ಕಂಟ್ರೋಲ್ ಮಾಡಬಹುದು. ಮಾರುತಿ ಸುಜುಕಿ ರಿಟ್ಜ್ ಕಾರು ಎಲ್ಎಕ್ಸ್ಐ, ವಿಎಕ್ಸ್ಐ, ಎಲ್ ಡಿಐ ಮತ್ತು ವಿಡಿಐ ಆವೃತ್ತಿಗಳಲ್ಲಿ ದೊರಕುತ್ತದೆ. ಝಡ್ ಎಕ್ಸ್ ಐ ಮತ್ತು ಝಡ್ ಡಿಐ ರಿಟ್ಜ್ ಆವೃತ್ತಿಗಳು ಅಲಾಯ್ ವೀಲ್ ಹೊಂದಿವೆ. ಅಲಾಯ್ ವೀಲ್ ಇರುವ ರಿಟ್ಜ್ ಸೌಂದರ್ಯ ಇನ್ನಷ್ಟು ಹೆಚ್ಚಾಗಿದೆ.
ಮಾರುತಿ ಸುಜುಕಿ ರಿಟ್ಜ್ ಕಾರಿನ ಸೌಂಡ್ ಓಕೆ. ಜೊತೆಗೆ ಡೈನಾಮಿಕ್ ಬ್ರೇಕಿಂಗ್ ಸಿಸ್ಟಮ್ ಹೊಂದಿದೆ. ಇದರಿಂದಾಗಿ ಹೆಚ್ಚು ಸುರಕ್ಷಿತವಾಗಿ ಪ್ರಯಾಣಿಸಬಹುದು. ಮುಂಭಾಗದ ಚಕ್ರಗಳು ಡಿಸ್ಕ್ ಬ್ರೇಕ್ ಮತ್ತು ಹಿಂಭಾಗಕ್ಕೆ ಡ್ರಮ್ ಬ್ರೇಕ್ ಹೊಂದಿದೆ. ರಿಟ್ಜ್ ಟಾಪ್ ಎಂಡ್ ಆವೃತ್ತಿಯಲ್ಲಿ ಆಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಮ್ ಮತ್ತು ಇಬಿಡಿ ಬ್ರೇಕ್ ಅಸಿಸ್ಟ್ ಇತ್ಯಾದಿ ಸ್ಟಾಂಡರ್ಡ್ ಫೀಚರುಗಳಿವೆ.
Continue with Google