Click it and Unblock the Notifications
ಅಂಬಾಸಡರ್ ಮಾರಾಟ ದ್ವಿಗುಣ: ಹಿಂದೂಸ್ತಾನ್ ಮೋಟರ್ಸ್ ಗುರಿ
ಸುಮಾರು 6 ಹೊಸ ಮಾದರಿಗಳನ್ನು ಪರಿಚಯಿಸಲಾಗುತ್ತಿದ್ದು, ಅಂಬಾಸಿಡರ್ ನದ್ದೇ 4 ಹೊಸ ವಿನ್ಯಾಸದ ಮಾದರಿಗಳು ಮಾರುಕಟ್ಟೆ ಪ್ರವೇಶಿಸಲಿದೆ. ಉಳಿದಂತೆ ವಾಣಿಜ್ಯ ಉದ್ದೇಶಿತ ವಾಹನ ಹಾಗೂ ಸಾರ್ವಜನಿಕ ವಾಹನಗಳ ಮಾದರಿಗಳು ಹೊರ ಬರಲಿದೆ. 2011 ರ ಆರ್ಥಿಕ ವರ್ಷದ ಪ್ರಥಮ ತ್ರೈಮಾಸಿಕದಲ್ಲಿ ಈ ಎಲ್ಲಾ ಮಾದರಿಗಳ ತಯಾರಿಕೆ ಆರಂಭವಾಗಲಿದೆ.
ಪಶ್ಚಿಮ ಬಂಗಾಳದ ಘಟಕದಿಂದ ಹೊರ ಬಂದ ಹಿಂದೂಸ್ತಾನ್ ಮೋಟರ್ಸ್ ನ ಅಂಬಾಸಡರ್ ದೇಶದ ನೆಚ್ಚಿನ ಕಾರು ಎನಿಸಿದ್ದು ಈಗ ಇತಿಹಾಸ. ಈಗ ಹೊಸ ತಂತ್ರಜ್ಞಾನದ ಜೊತೆ ಕೈ ಜೋಡಿಸಿರುವ ಎಚ್ ಎಂ ಸಂಸ್ಥೆ ಜಪಾನಿನ ಕಾರು ಉತ್ಪಾದಕ ಸಂಸ್ಥೆ ಮಿಟ್ಸುಭಿಷಿ ಜೊತೆಗೂಡಿ ಚೆನ್ನೈ ಘಟಕದಲ್ಲೂ ತನ್ನ ಹೊಸ ಮಾದರಿಗಳನ್ನು ವಿನ್ಯಾಸಗೊಳಿಸಲಿದೆ. ಮಿಟ್ಸುಭಿಷಿಯ ಲ್ಯಾನ್ಸರ್ ಹಾಗೂ ಪಜೆರೂ ಮಾರುಕಟ್ಟೆಯಲ್ಲಿ ಸುಸ್ಥಿತಿ ಕಾಯ್ದುಕೊಂಡಿದೆ. ಇತ್ತೀಚೆಗೆ ಹಿಂದೂಸ್ತಾನ್ ಮೋಟರ್ಸ್ ನ ಜೊತೆ ಸೇರಿ ಜಂಟಿಯಾಗಿ 49.95ಲಕ್ಷ ರು ಬೆಲೆಯ ಲ್ಯಾನ್ಸರ್ ಎವೊಲ್ಯೂಷನ್ ಎಕ್ಸ್ ಸೆಡಾನ್ ಮಾದರಿ ಹಾಗೂ 38.95 ಲಕ್ಷ ರು ಬೆಲೆಯ ಮಾಂಟೆರೋ SUVಗಳನ್ನು ಪರಿಚಯಿಸಿದೆ. ಅಲ್ಲದೇ ಇದೇ ಘಟಕದಲ್ಲಿ SUV ಮಾದರಿ ಔಟ್ ಲ್ಯಾಂಡರ್ ಕೂಡಾ ಜೋಡಣೆ ಕಾರ್ಯ ಕೂಡಾ ನಡೆಯುತ್ತಿದೆ.
ಹಿಂದೂಸ್ತಾನ್ ಮೋಟರ್ಸ್ ಗೆ ಇದಲ್ಲದೆ ಮಧ್ಯಪ್ರದೇಶ ಹಾಗೂ ಪಶ್ಚಿಮ ಬಂಗಾಳಗಳಲ್ಲಿ ಘಟಕಗಳಿವೆ. ಸಾಲದ ಸುಳಿದಲ್ಲಿ ಸಿಲುಕಿದ್ದ ಮಧ್ಯಪ್ರದೇಶದ ಇಂದೋರ್ ಘಟಕ, ಶೀಘ್ರದಲ್ಲೇ ಸುಸ್ಥಿತಿ ಮರಳಲಿದೆ. ಹೊಸ ಮಾದರಿ ಕಾರುಗಳು ಮಾರುಕಟ್ಟೆ ಪ್ರವೇಶಿಸತೊಡಗಿದಂತೆ, ಪ್ರಗತಿ ಪ್ರಮಾಣ ಗಣನೀಯವಾಗಿ ಹೆಚ್ಚಲಿದೆ. ಆಟೋ ಕಾಂಪೋನೆಂಟ್ ಗಳ ಮಾರಾಟ ಕೂಡಾ ಹೆಚ್ಚಾಗಿದ್ದು ಸುಮಾರು 100 ಟನ್ ಗಳಷ್ಟು ಫೋರ್ಜಿಂಗ್ ಹಾಗೂ ಕ್ಯಾಸ್ಟಿಂಗ್ ಗಳನ್ನು ಮಾರುವ ಸ್ಥಿತಿಯಲ್ಲಿದೆ. 2011ರಲ್ಲಿ ಅಂಬಾಸಡರ್ ಗೆ ಶುಭಕಾಲ ಆರಂಭವಾಗಲಿದೆ. ಭಾರತದ ರಸ್ತೆಗಳಲ್ಲಿ ಮತ್ತೆ ರಾಜನಾಗಿ ಮೆರೆಯುವ ಕಾಲ ಬರಲಿದೆ ಎಂಬ ಆತ್ಮವಿಶ್ವಾಸವನ್ನು ಸಂಸ್ಥೆ ಎಂಡಿ ವ್ಯಕ್ತಪಡಿಸಿದ್ದಾರೆ.
Continue with Google