ಇಂಡೋನೇಷ್ಯಾದಲ್ಲೂ ಸುಜುಕಿ ಎರ್ಟಿಗಾ ಕಮಾಲ್

ದೇಶದಲ್ಲಿ ಮಾರುತಿ ಸುಜುಕಿ ಎರ್ಟಿಗಾ ಎಂಪಿವಿಗೆ ಅತ್ಯುತ್ತಮ ಪ್ರತಿಕ್ರಿಯೆ ದೊರಕಿದೆ. ಇಲ್ಲಿವರೆಗೆ ಸುಮಾರು 10 ಸಾವಿರಕ್ಕೂ ಹೆಚ್ಚು ಜನರು ಎರ್ಟಿಗಾ ಬುಕ್ಕಿಂಗ್ ಮಾಡಿಕೊಂಡಿದ್ದಾರೆ. ಮಾರುತಿ ಸುಜುಕಿ ಕಂಪನಿಯು ಇಂಡೋನೇಷ್ಯಾಕ್ಕೆ ಸಿಕೆಡಿ ಹಾದಿ ಮೂಲಕ ರಫ್ತು ಮಾಡಿದೆ.

ಮಾರುತಿ ಸುಜುಕಿ ಎರ್ಟಿಗಾವು ಜಿಎ, ಜಿಎಲ್ ಮತ್ತು ಜಿಎಕ್ಸ್ ಎಂಬ ಮೂರು ಆವೃತ್ತಿಗಳಲ್ಲಿ ದೊರಕುತ್ತದೆ. ಇಂಡೋನೇಷ್ಯಾದಲ್ಲಿ ಈ ಆವೃತ್ತಿಗಳ ದರ ಕ್ರಮವಾಗಿ 8.27 ಲಕ್ಷ ರು., 8.85 ಲಕ್ಷ ರುಪಾಯಿ ಮತ್ತು 9.55 ಲಕ್ಷ ರುಪಾಯಿ ಆಗಿದೆ.

ಆದರೆ ಮಾರುತಿ ಸುಜುಕಿ ಎರ್ಟಿಗಾ ಪೆಟ್ರೋಲ್ ಆವೃತ್ತಿಗೆ ಭಾರತದಲ್ಲಿ ಆರಂಭಿಕ ದರ 5.89 ಲಕ್ಷ ರುಪಾಯಿ ಆಗಿದೆ. ಡೀಸೆಲ್ ಆವೃತ್ತಿ ದರ ಸುಮಾರು 7.30 ಲಕ್ಷ ರುಪಾಯಿ. ಎರ್ಟಿಗಾ ವೇಟಿಂಗ್ ಪಿರೆಯಿಡ್ ಸುಮಾರು 3-4 ತಿಂಗಳು. ಈ ಕಾರಿನ ಸಂಪೂರ್ಣ ವಿಮರ್ಶೆ, ಬೆಂಗಳೂರು ದರದ ಬಗ್ಗೆ ತಿಳಿಯಲು ಈ ಲಿಂಕ್ ಪ್ರವೇಶಿಸಿರಿ.