ಮತ್ತೆ ಬರುತ್ತಿದೆ ಡಸ್ಟರ್; ಈ ಬಾರಿ ನಿಸ್ಸಾನ್ ಕಮಾಲ್

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಮೂಲಗಳ ಪ್ರಕಾರ 'ಎನ್‌ಎಚ್79' ಕೋಡ್ ಹೆಸರು ಪಡೆದುಕೊಂಡಿರುವ ನಿಸ್ಸಾನ್ ಡಸ್ಟರ್ ಅಕ್ಟೋಬರ್ ತಿಂಗಳಲ್ಲಿ ಪ್ರವೇಶಿಸಲಿದೆ. ಇದು ಹಬ್ಬದ ಆವೃತ್ತಿಯಲ್ಲಿ ಇನ್ನಷ್ಟು ಆಕರ್ಷಣೆಗೆ ಕಾರಣವಾಗಲಿದೆ. ಸಂಪೂರ್ಣವಾಗಿಯೂ ನಿಸ್ಸಾನ್ ಶೈಲಿ ಪಡೆದುಕೊಳ್ಳಲಿರುವ ಹೊಸ ಡಸ್ಟರ್ ಸ್ಪೋರ್ಟ್ ಯುಟಿಲಿಟಿ ವಾಹನ ಉತ್ತಮ ಮಾರಾಟ ಗಿಟ್ಟಿಸಿಕೊಳ್ಳುವ ನಿರೀಕ್ಷೆಯಿದೆ.

ನೂತನ ಡಸ್ಟರ್ ಮುಂಭಾಗ ಸೇರಿದಂತೆ ಹಿಂಬದಿಯಲ್ಲಿ ಹೊಸ ವಿನ್ಯಾಸ ಪಡೆಯಲಿದ್ದು, ಸೆವೆನ್ ಸೀಟರ್ ಆಯ್ಕೆಯಲ್ಲೂ ಲಭಿಸುವ ನಿರೀಕ್ಷೆಯಿದೆ. ಇನ್ನು ಕಾರಿನ ಒಳಭಾಗವನ್ನು ಪರಿಷ್ಕೃತಗೊಳಿಸಲಾಗಿದೆ. ಇಲ್ಲಿ ನಿಸ್ಸಾನ್ ಶೈಲಿಯ ಸ್ಟೀರಿಂಗ್ ವೀಲ್, ಮ್ಯೂಸಿಕ್ ಸಿಸ್ಟಂ ಹಾಗೂ ಇನ್ಸ್ಟ್ರುಮೆಂಟ್ ಪ್ಯಾನೆಲ್ ದೊರಕಲಿದೆ.

ಅಂತಿಮವಾಗಿ ರೆನೊ ಡಸ್ಟರ್‌ಗಿಂತಲೂ ಕಡಿಮೆ ಸ್ಮರ್ಧಾತ್ಮಕ ದರಗಳಲ್ಲಿ ಲಾಂಚ್ ಮಾಡುವುದು ನಿಸ್ಸಾನ್ ಗುರಿಯಾಗಿರಲಿದೆ. ಹಾಗೆಯೇ ರೆನೊಗಿಂತ ಹೆಚ್ಚು ಪ್ರೀಮಿಯಂ ಲುಕ್ ಪಡೆಯಲಿದೆ.