4 ಎಂಪಿವಿ, ಎಸ್‌ಯುವಿ ಅಭಿವೃದ್ಧಿಪಡಿಸಲಿರುವ ಮಹೀಂದ್ರ

ಕ್ರೀಡಾ ಬಳಕೆಯ ವಾಹನಗಳ ಉತ್ಪಾದನೆಯಲ್ಲಿ ಮುಂಚೂಣಿಯಲ್ಲಿರುವ ಮಹೀಂದ್ರ ಆಂಡ್ ಮಹೀಂದ್ರ ಸಂಸ್ಧೆಯು, ನಾಲ್ಕು ನೂತನ ಎಸ್‌ಯುವಿ ಹಾಗೂ ಎಂಪಿವಿ ಮಾದರಿಗಳನ್ನು ಅಭಿವೃದ್ಧಿಪಡಿಸುವ ಯೋಜನೆ ಹೊಂದಿದೆ.

ಸ್ಕಾರ್ಪಿಯೊ ಹಾಗೂ ಬೊಲೆರೊಗಳಂತಹ ಐಕಾನಿಕ್ ಕಾರುಗಳನ್ನು ಭಾರತೀಯ ಕಾರು ಜಗತ್ತಿಗೆ ಸನ್ಮಾನಿಸಿರುವ ಮಹೀಂದ್ರ, ನೂತನ ಮಾದರಿಗಳ ಮೂಲಕ ಇದೇ ನಂಬಿಕೆಯನ್ನು ಉಳಿಸಿಕೊಳ್ಳುವ ಭರವಸೆಯಲ್ಲಿದೆ.

ವರದಿಗಳ ಪ್ರಕಾರ ನೂತನ ಮಹೀಂದ್ರ ಯುಟಿಲಿಟಿ ವಾಹನಗಳು ಹೊಸ ಲುಕ್ ಪಡೆದುಕೊಳ್ಳಲಿದೆ. ಈ ಪೈಕಿ ಮಹೀಂದ್ರ ನೂತನ ಕಾರುಗಳು ಸ್ಯಾಂಗ್ಯೊಂಗ್ ಎಕ್ಸ್100, ಎಕ್ಸ್‌ಯುವಿ500 ಹಾಗೂ ಕ್ಸೈಲೋ ತಲಹದಿಯಲ್ಲಿ ನಿರ್ಮಾಣವಾಗುವ ಸಾಧ್ಯತೆಯಿದೆ. ಹಾಗೆಯೇ 2015-16ರ ಅವಧಿಯಲ್ಲಿ ರಸ್ತೆ ಪ್ರವೇಶಿಸಲಿದೆ.