ಟೆರ್ರಾದಿಂದ ಭಾರತಕ್ಕೆ ಎಲೆಕ್ಟ್ರಿಕ್ ಆಟೋ ರಿಕ್ಷಾ

ನೀವು ನೋಡುತ್ತಿರುವ ವಾಹನಗಳಿಂದ ಹೊರ ಬೀಳುವ ಹಬೆಗಳು ಹೆಚ್ಚು ಪರಿಸರ ಮಾಲಿನ್ಯಕ್ಕೆ ಕಾರಣವಾಗುತ್ತದೆ. ಇದರಿಂದಾಗಿ ಜನರ ಆರೋಗ್ಯವು ಹದೆಗೆಡುತ್ತದೆ. ಆದರೆ ಟೆರ್ರಾ ವಿದ್ಯುತ್ ಚಾಲಿತ ರಿಕ್ಷಾಗಳು ಇದಕ್ಕೊಂದು ಪರಿಹಾರವಾಗಲಿದೆ. ಈಗ ಅನಾವರಣಗೊಂಡಿರುವ ಟೆರ್ರಾ ಎಲೆಕ್ಟ್ರಿಕ್ ವಾಹನ ಒಮ್ಮೆ ಸಂಪೂರ್ಣ ಚಾರ್ಜ್ ಮಾಡಿಸಿದ್ದಲ್ಲಿ ಗರಿಷ್ಠ 100 ಕೀ.ಮೀ. ವ್ಯಾಪ್ತಿಯ ವರೆಗೆ ಚಲಿಸುವ ಸಾಮರ್ಥ್ಯ ಹೊಂದಿರಲಿದೆ.

ದೇಶದ ನಗರ ಸಾರಿಗೆಯನ್ನು ಗಮನದಲ್ಲಿಟ್ಟುಕೊಂಡಾಗ ಟೆರ್ರಾ ಆಟೋ ರಿಕ್ಷಾಗಳು ಹೆಚ್ಚು ಸೂಕ್ತವೆನಿಸಲಿದೆ. ಅಲ್ಲದೆ ಮುಂದಿನ ವರ್ಷ ಅಂದರೆ 2015ನೇ ಸಾಲಿನಲ್ಲಿ 10,000 ಯುನಿಟ್‌ಗಳನ್ನು ಮಾರಾಟ ಮಾಡುವುದು ಟೆರ್ರಾ ಇರಾದೆಯಾಗಿದೆ.

ಸ್ಮರ್ದಾತ್ಮಕ ಬೆಲೆಗಳಲ್ಲಿ ಎರಡರಿಂದ ಮೂರು ವೆರಿಯಂಟ್ ಪರಿಚಯಿಸುವುದು ಸಂಸ್ಥೆಯ ಗುರಿಯಾಗಿದೆ. ಇದರಂತೆ ಆರ್6 ಅನಾವರಣಗೊಳಿಸಲಾಗಿದೆ. ಇದು 2950 ಎಂಎಂ ಉದ್ದ, 1090 ಎಂಎಂ ಅಗಲ ಮತ್ತು 1800 ಎಂಎಂ ಎತ್ತರವನ್ನು ಹೊಂದಿದೆ.

ಇಲ್ಲಿ ಗಮನಾರ್ಹ ಸಂಗತಿಯೆಂದರೆ ಸಾಮಾನ್ಯ ಆಟೋ ರಿಕ್ಷಾಗಿಂತಲೂ ವಿಭಿನ್ನವಾಗಿ ಟೆರ್ರಾ ತ್ರಿಚಕ್ರ ವಾಹನವು ಏಳು ಮಂದಿಯ ಆಸನ ವ್ಯವಸ್ಥೆ (6 ಪ್ರಯಾಣಿಕರು ಜೊತೆಗೆ ಚಾಲಕ) ಹೊಂದಿರಲಿದೆ.

ಸಂಸ್ಥೆಯ ಪ್ರಕಾರ ಟೆರ್ರಾ ಆರ್6 ತ್ರಿಚಕ್ರ ವಾಹನವನ್ನು ಏಳು ತಾಸಿನಲ್ಲಿ ಸಂಪೂರ್ಣ ಚಾರ್ಜ್ ಮಾಡಿಸಬಹುದಾಗಿದೆ. ಇದನ್ನು ಶೇ. 80ರಷ್ಟು ಚಾರ್ಜ್ ಅನ್ನು ಕೇವಲ ಎರಡರಿಂದ ಮೂರು ತಾಸಿನಲ್ಲೇ ಪಡೆಯಬಹುದಾಗಿದೆ.

ಇನ್ನು ಪರಿಣಾಮಕಾರಿ 3.2 ಮೀಟರ್ ಟರ್ನಿಂಗ್ ರೇಡಿಯಸ್, ರೈನ್ ಕವರ್ ಮತ್ತು ರಿವರ್ಸ್ ಗೇರ್ ಸೌಲಭ್ಯವನ್ನು ಪಡೆಯಲಿದೆ.

ದೇಶದಲ್ಲಿನ ಸಾರ್ವಜನಿಕ ಸಂಚಾರ ವ್ಯವಸ್ಥೆಯು ಗಣನೀಯವಾಗಿ ಸುಧಾರಣೆ ಕಂಡುಬರುತ್ತಿದ್ದು, ಈ ನಿಟ್ಟಿನಲ್ಲಿ ಹೊಸ ವರ್ಷದಲ್ಲಿ ಬಿಡುಗಡೆಯಾಗಲಿರುವ ಟೆರ್ರಾ ಮೋಟಾರ್ಸ್ ಆರ್6 ತ್ರಿಚಕ್ರ ವಾಹನ ಮಹತ್ವದ ಪಾತ್ರ ವಹಿಸಲಿದೆ.

ಟೆರ್ರಾ ಆರ್6 ತ್ರಿಚಕ್ರ ವಾಹನವು 48 ವಾಟ್ 100ಎಎಚ್ ಬ್ಯಾಟರಿ ಪಡೆದುಕೊಂಡಿದ್ದು, 150 ಕೆ.ಜಿ ಭಾರವನ್ನು ಹೊಂದಿರುತ್ತದೆ. ಹಾಗೆಯೇ ಡ್ರಮ್ ಬ್ರೇಕ್ ಸೌಲಭ್ಯ ಹೊಂದಿರುತ್ತದೆ.