ಬರುತ್ತಿದೆ ಟಾಟಾ 'ಒಸ್ಪ್ರೆ' ಮಿನಿ ಎಸ್‌ಯುವಿ; ಎಕ್ಸ್ ಕ್ಲೂಸಿವ್ ಚಿತ್ರಗಳು

ಟಾಟಾ ಬಿಡುಗಡೆ ಮಾಡಲಿರುವ ಮಿನಿ ಎಸ್‌ಯುವಿ 'ಒಸ್ಪ್ರೆ' ಎಂಬ ಕಡಲು ಹಕ್ಕಿಯ ಕೋಡ್ ಪಡೆದುಕೊಂಡಿದೆ. ಟಾಟಾದ ಈ ಹಿಂದಿನ ಮಾದರಿಗಳನ್ನು ಗಮನಕ್ಕೆ ತೆಗೆದುಕೊಂಡಾಗ ಹಕ್ಕಿಗಳ ಹೆಸರಿನ ಜೊತೆಗಿನ ನಂಟು ಬಯಲಾಗುತ್ತದೆ. ಇದಕ್ಕೂ ಮೊದಲು ಫಾಲ್ಕನ್, ಪೆಲಿಕನ್, ಕೈಟ್ ಎಂಬ ಹೆಸರುಗಳನ್ನು ಟಾಟಾ ತನ್ನ ಬಹುನಿರೀಕ್ಷಿತ ಮಾದರಿಗಳಿಗೆ ಹೆಸರಿಸಿರುವುದನ್ನು ನೀವಿಲ್ಲಿ ನೆನಪಿಸಿಕೊಳ್ಳಬಹುದಾಗಿದೆ.

ಈ ಹಿಂದೆ 2014 ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಂಡಿರುವ ನೆಕ್ಸನ್ ಅಥವಾ ಎಕ್ಸ್104 ಕಾನ್ಸೆಪ್ಟ್ ಕಾರೇ ಇದಾಗಿದೆ ಎಂಬುದನ್ನು ಆಟೋ ವಲಯದ ತಜ್ಞರು ಅಭಿಪ್ರಾಯಪಡುತ್ತಾರೆ.

ಇದು ನಾಲ್ಕು ಮೀಟರ್ ಪರಿಧಿಯೊಳಗೆ ಟಾಟಾ ಬಿಡುಗಡೆ ಮಾಡುತ್ತಿರುವ ಮೊದಲ ಎಸ್‌ಯುವಿ ಎಂಬ ಖ್ಯಾತಿಗೂ ಪಾತ್ರವಾಗಲಿದೆ. ಈ ಮೂಲಕ ಈ ವಿಭಾಗದಲ್ಲಿ ಗರಿಷ್ಟ ಮಾರಾಟವನ್ನು ಗುರಿಯಾಗಿರಿಸಿಕೊಳ್ಳಲಿದೆ.

ಚಿತ್ರ ಕೃಪೆ: AutoColumn

ನೂತನ ಕಾರು ಟೆಸ್ಟಿಂಗ್ ವೇಳೆ ಕ್ಯಾಮೆರಾದ ರಹಸ್ಯ ಕಣ್ಣುಗಳಿಗೆ ಸೆರೆ ಸಿಕ್ಕಿದ್ದು, ಹೊರಮೈ ಜೊತೆಗೆ ಒಳಮೈ ಹೆಚ್ಚು ಪರಿಣಾಮಕಾರಿಯೆನಿಸಿಕೊಂಡಿದೆ.

ಚಿತ್ರ ಕೃಪೆ: AutoColumn

ಟಾಟಾ ಈ ಮೊದಲೇ ತಿಳಿಸಿರುವಂತೆಯೇ ನೆಕ್ಸನ್ ನಿರ್ಮಾಣ ಹಂತ ತಲುಪುವಾಗ ಕಾನ್ಸೆಪ್ಟ್ ಮಾದರಿಯಲ್ಲಿ ಗುರುತಿಸಿರುವುದಕ್ಕಿಂತಲೂ ವಿಭಿನ್ನವಾಗಿ ಗೋಚರಿಸಲಿದೆ.

ಟಾಟಾದ ಹೊಸ ವಿನ್ಯಾಸ ತಂತ್ರಗಾರಿಕೆಯನ್ನು ಇದರಲ್ಲಿ ಅನುಸರಿಸಲಾಗಿದ್ದು, ಕಾಂಪಾಕ್ಟ್ ಎಸ್‌ಯುವಿ ವಿಭಾಗದಲ್ಲಿ ಹೆಚ್ಚು ಪ್ರಭಾವಿ ಎನಿಸಿಕೊಳ್ಳಲಿದೆ.

ಚಿತ್ರ ಕೃಪೆ: AutoColumn

ಎಲ್ಲ ಟಾಟಾ ಕಾರುಗಳಂತೆ ಇಲ್ಲೂ ಗರಿಷ್ಠ ಕ್ಯಾಬಿನ್ ಸ್ಥಳಾವಕಾಶಕ್ಕೆ ಆದ್ಯತೆ ಕೊಡಲಾಗಿದೆ. ವಿನ್ಯಾಸದ ವಿಚಾರಕ್ಕೆ ಬಂದಾಗ ಇದು ಇನ್ನಷ್ಟೇ ಬಿಡುಗಡೆಯಾಗಲಿರುವ ಝಿಕಾ ಹ್ಯಾಚ್ ಬ್ಯಾಕ್ ಕಾರಿಗೆ ಕೆಲವೊಂದು ಸಾಮತ್ಯೆಗಳನ್ನು ಪಡೆದುಕೊಂಡಿದೆ.

ಚಿತ್ರ ಕೃಪೆ: AutoColumn

ಝಿಕಾ ಜೊತೆಗೆ ತಳಹದಿಯನ್ನು ಹಂಚಿಕೊಳ್ಳಲಿರುವ ಒಸ್ಪ್ರೆ 1.2 ಲೀಟರ್ ಟರ್ಬೊ ರೆವೊಟ್ರಾನ್ ಪೆಟ್ರೋಲ್ ಜೊತೆಗೆ 1 ಲೀಟರ್ 3 ಸಿಲಿಂಡರ್ ಡೀಸೆಲ್ ಎಂಜಿನ್ ಪಡೆಯುವ ಸಾಧ್ಯತೆಯಿದೆ. ಇನ್ನು ಆಟೋಮ್ಯಾಟಿಕ್ ಮ್ಯಾನುವಲ್ ಟ್ರಾನ್ಸ್ ಮಿಷನ್ (ಎಎಂಟಿ) ಆಯ್ಕೆಯಲ್ಲಿ ಬರುವ ಸಾಧ್ಯತೆ ಹೆಚ್ಚಾಗಿದೆ.

ಚಿತ್ರ ಕೃಪೆ: AutoColumn

ಅಂತಿಮವಾಗಿ ಬೆಲೆ ಇತ್ಯಾದಿ ಮಾಹಿತಿಗಳು ಇನ್ನಷ್ಟೇ ಲಭ್ಯವಾಗಬೇಕಿದೆ. ಈ ಸಂಬಂಧ ಕ್ಷಣಕ್ಷಣದ ಮಾಹಿತಿಗಾಗಿ ಡ್ರೈವ್ ಸ್ಪಾರ್ಕ್ ಓದುತ್ತಿರಿ.

ಟಿಯುವಿ300, ಇಕೊಸ್ಪೋರ್ಟ್ ಪ್ರತಿಸ್ಪರ್ಧಿ ಟಾಟಾ ಮಿನಿ ಎಸ್‌ಯುವಿ ಮುಂದಕ್ಕೆ ಓದಿ