ಹೋಂಡಾ ಸಂಸ್ಥೆಗೆ ಹೊಸ ಸಾರಥಿ; ಯಾರು ಗೊತ್ತೇ?

ಜಪಾನ್‌ನ ದೈತ್ಯ ವಾಹನ ತಯಾರಿಕ ಸಂಸ್ಥೆಯಾಗಿರುವ ಹೋಂಡಾ ಇತ್ತೀಚೆಗಷ್ಟೇ ತನ್ನ ಇತಿಹಾಸದಲ್ಲೇ ಅತಿ ದೊಡ್ಡ ವಾಹನ ಹಿಂಪಡೆತಕ್ಕೆ ಗುರಿಯಾಗಿತ್ತು. ಇದು ಸಂಸ್ಥೆಗೆ ಇತ್ತೀಚೆಗಿನ ಕಾಲಘಟ್ಟದ ಅತಿ ದೊಡ್ಡ ಹಿನ್ನೆಡೆಯೆಂದೇ ಪರಿಗಣಿಸ್ಪಟ್ಟಿತ್ತು.

ಈ ನಡುವೆ ಈಗಿನ ಸಿಇಒ ಟಕನೊಬೊ ಇಟೊ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಲು ನಿರ್ಧರಿಸಿದ್ದಾರೆ. 61ರ ಹರೆಯದ ಇಟೊ ಸ್ಥಾನಕ್ಕೀಗ ಹೊಸ ಸಾರಥಿ ಆಯ್ಕೆಯಾಗಿದ್ದಾರೆ. ಅವರೇ ಟಕಹೀರೊ ಹಚಿಗೊ.

ಈ ಹಿಂದೆ ಹೋಂಡಾಗೆ ಬಾಹ್ಯ ಸಂಸ್ಥೆ ಟಕಟ ಒದಗಿಸಿರುವ ಏರ್ ಬ್ಯಾಗ್‌ನಲ್ಲಿ ಸಮಸ್ಯೆ ಕಾಣಿಸಿಕೊಂಡಿತ್ತು. ಇದರಿಂದಾಗಿ ಭಾರಿ ಸಂಖ್ಯೆಯಲ್ಲಿ ರಿಕಾಲ್‌ಗೆ ಕರೆ ನೀಡಲಾಗಿತ್ತು.