500 ಕಿಮಿ ಮೈಲೇಜ್ ನೀಡುವ ಎಲೆಕ್ಟ್ರಿಕ್ ಕಾರುಗಳನ್ನು ನಿರ್ಮಿಸಲಿದೆ ಹ್ಯುಂಡೈ..!!

ಮೊನ್ನೆಯಷ್ಟೇ ಅಮೆರಿಕದ ಜನಪ್ರಿಯ ಕಾರು ಉತ್ಪಾದನಾ ಸಂಸ್ಥೆ ಟೆಸ್ಲಾ ಬಿಡುಗಡೆ ಮಾಡಿರುವ ಮಾಡೆಲ್ 3 ಕಾರಿನ ಮೈಲೇಜ್ ವಿಚಾರವಾಗಿ ಆಟೋ ಉದ್ಯಮದಲ್ಲಿ ಹೊಸ ಹೊಸ ಯೋಜನೆಗಳಿಗೆ ನಾಂದಿ ಹಾಡಿದ್ದು, ಎಲೆಕ್ಟ್ರಿಕ್ ಕಾರುಗಳ ಉತ್ಪಾದನೆಗೆ ಎಲ್ಲಿಲ್ಲದ ಬೇಡಿಕೆ ಸೃಷ್ಠಿಯಾಗಿದೆ.

ಸದ್ಯ ಟೆಸ್ಲಾ ಮಾಡೆಲ್ 3 ಕಾರು ಒಂದು ಬಾರಿ ಚಾರ್ಜ್ ಮಾಡಿದಲ್ಲಿ 560 ಕಿಮಿ ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿದ್ದು, ಇದೇ ನಿಟ್ಟಿನಲ್ಲಿ ಹ್ಯಂಡೈ ಕೂಡಾ ಕನಿಷ್ಠ 500 ಕಿ.ಮಿ ಮೈಲೇಜ್ ನೀಡುವ ಎಲೆಕ್ಟ್ರಿಕ್ ಕಾರುಗಳನ್ನು ನಿರ್ಮಾಣ ಮಾಡುವ ಗುರಿಹೊಂದಿದೆ.

ಇದಕ್ಕಾಗಿಯೇ ಕಿಯಾ ಮೋಟಾರ್ಸ್ ಜೊತೆ ಕೈಜೋಡಿಸಿರುವ ಹ್ಯುಂಡೈ ಸಂಸ್ಥೆಯು 2021ರ ಬಳಿಕವಷ್ಟೇ ಹೊಸ ಮಾದರಿಯ ಎಲೆಕ್ಟ್ರಿಕ್ ಕಾರುಗಳನ್ನು ಬಿಡುಗಡೆ ಮಾಡುವ ಬಗ್ಗೆ ಮಹತ್ವದ ಸುಳಿವು ನೀಡಿದೆ.

ಈ ಹಿನ್ನಲೆ ಬೃಹತ್ ಯೋಜನೆಗಾಗಿ ಈಗಿನಿಂದಲೇ ಪೂರ್ವ ತಯಾರಿ ನಡೆಸುತ್ತಿರುವ ಹ್ಯುಂಡೈ, ಸದ್ಯ ಟೆಸ್ಲಾ 3 ಮತ್ತು ಜನರಲ್ ಮೋಟಾರ್ಸ್‌ನ ಎಲೆಕ್ಟ್ರಿಕ್ ಕಾರುಗಳಿಂತಲೂ ಹೆಚ್ಚಿನ ಕಾರ್ಯಕ್ಷಮತೆ ಹೊಂದಿರುವ ಕಾರುಗಳನ್ನು ಬಿಡುಗಡೆಗೊಳಿಸುವ ಆಶಯ ವ್ಯಕ್ತಪಡಿಸಿದೆ.

ಇದರ ಜೊತೆ ಉತ್ತರ ಕೋರಿಯಾದಲ್ಲಿ ಮುಂದಿನ ವರ್ಷ ಫ್ಯೂಲ್ ಸೆಲ್ ತಂತ್ರಜ್ಞಾನ ಪ್ರೇರಿತ ಎಸ್‌ಯುವಿ ಕಾರುಗಳನ್ನು ಬಿಡುಗಡೆ ಮಾಡಲಿರುವ ಹ್ಯುಂಡೈ, ಪ್ರತಿ ಚಾರ್ಜಿಂಗ್‌ಗೆ 800ಕಿಮಿ ಮೈಲೇಜ್ ನೀಡುವ ಸಾಮರ್ಥ್ಯ ಬ್ಯಾಟರಿಗಳನ್ನು ಉತ್ಪಾದನೆ ಮಾಡಿದೆ.

ಆದ್ರೆ ದುಬಾರಿ ಬೆಲೆಯ ಕಾರು ಮಾದರಿಯಾಗಿದ್ದು, ಇದಕ್ಕಾಗಿಯೇ ಮಧ್ಯಮ ಗಾತ್ರದ ಎಲೆಕ್ಟ್ರಿಕ್ ಕಾರುಗಳನ್ನು ಅಭಿವೃದ್ಧಿ ಮಾಡಲು ಎದುರು ನೋಡುತ್ತಿರುವ ಹ್ಯುಂಡೈ, ಕನಿಷ್ಠ ಮಟ್ಟ 500 ಕಿ.ಮಿ ಮೈಲೇಜ್ ಸಾಮರ್ಥ್ಯದ ಎಂಜಿನ್‌ಗಳನ್ನು ಅಭಿವೃದ್ಧಿ ಮಾಡವುದರಲ್ಲಿ ಯಾವುದೇ ಅನುಮಾನವಿಲ್ಲ.