48ವಿ ಮೈಲ್ಡ್ ಹೈಬ್ರಿಡ್ ತಂತ್ರಜ್ಞಾನ ಪರಿಚಯಿಸಲಿದೆ ಮಹೀಂದ್ರಾ..!

ಸದ್ಯ ಮಹೀಂದ್ರಾ ಕಾರು ಮಾದರಿಗಳಾದ ಸ್ಕಾರ್ಪಿಯೋ ಮತ್ತು ಎಕ್ಸ್‌ಯುವಿ 500ನಲ್ಲಿ 12ವಿ ಮೈಲ್ಡ್ ಹೈಬ್ರಿಡ್ ತಂತ್ರಜ್ಞಾನ ವ್ಯವಸ್ಥೆ ಅಳವಡಿಕೆ ಇದ್ದು, ಮುಂಬರುವ ಹೈಬ್ರಿಡ್ ಮಾದರಿಗಳು 48ವಿ ಮೈಲ್ಡ್ ತಂತ್ರಜ್ಞಾನವನ್ನು ಪಡೆದುಕೊಳ್ಳಲಿವೆ.

48ವಿ ಮೈಲ್ಡ್ ಹೈಬ್ರಿಡ್ ತಂತ್ರಜ್ಞಾನ ಅಳವಡಿಕೆಯಾದಲ್ಲಿ ಕಾರಿನ ಮೈಲೇಜ್ ಮತ್ತು ಇಂಧನ ಕಾರ್ಯಕ್ಷಮತೆ ಹೆಚ್ಚಲಿದ್ದು, ಇದು ಗ್ರಾಹಕರಿಗೂ ವರದಾನವಾಗಲಿದೆ.

ಮೈಲ್ಡ್ ಹೈಬ್ರಿಡ್ ಕಾರು ಮಾದರಿಗಳಲ್ಲಿ ನಿರ್ದಿಷ್ಟ ಪ್ರಮಾಣದ ದೂರದವರೆಗೆ ಸಾಗಿದ ನಂತರ ಎಂಜಿನ್ ಮೂಡ್‌ ಪ್ರಕ್ರಿಯೆಗಳು ಬದಲಾಗಲಿದ್ದು, ಎಲೆಕ್ಟ್ರಿಕ್‌ನಿಂದ ಪೆಟ್ರೋಲ್ ಅಥವಾ ಡೀಸೆಲ್ ಎಂಜಿನ್ ಕಾರ್ಯನಿರ್ವಹಿಸುತ್ತದೆ.

ಹೀಗಾಗಿಯೇ ಅತ್ಯುತ್ತಮ ಗುಣಮಟ್ಟದ ಮೈಲ್ಡ್ ಹೈಬ್ರಿಡ್ ತಂತ್ರಜ್ಞಾನ ಪರಿಚಯಿಸಲು ಮುಂದಾಗಿರುವ ಮಹೀಂದ್ರಾ, ಸದ್ಯ ಜಾರಿಯಾಗಿರುವ ಜಿಎಸ್‌ಟಿ ಕಾಯ್ದೆಗೆ ಪೂರಕವಾಗಿ ಕಾರ್ಯನಿರ್ವಹಿಸಲಿದೆ.

ಇನ್ನು ಜಿಎಸ್‌ಟಿ ಪ್ರಕಾರ ಹೈಬ್ರಿಡ್ ಕಾರುಗಳ ಮೇಲಿನ ಶೇಕಡಾ 44ರಷ್ಟಿದ್ದ ತೆರಿಗೆಯನ್ನು ಶೇ.30.3ಕ್ಕೆ ಇಳಿಕೆ ಮಾಡಲಾಗಿದ್ದು, 48 ಮೈಲ್ಡ್ ಹೈಬ್ರಿಡ್ ತಂತ್ರಜ್ಞಾನವು ಮಹೀಂದ್ರಾ ಸ್ಕಾರ್ಪಿಯೋ ಮತ್ತು ಎಕ್ಸ್‌ಯುವಿ 500 ಮಾದರಿಗಳಿಗೆ ಮತ್ತಷ್ಟು ಶಕ್ತಿ ತುಂಬಲಿವೆ.