ಬರಲಿದೆ ಮಹಿಂದ್ರಾ ಸಂಸ್ಥೆಯಿಂದ ಮತ್ತೊಂದು ಎಲೆಕ್ಟ್ರಿಕ್ ಕಾರು..

ಈಗಾಗಲೇ ಭಾರತೀಯ ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ಕಾರುಗಳನ್ನು ಪರಿಚಯಿಸಿರುವ ಮಹಿಂದ್ರಾ ಸಂಸ್ಥೆಯು ಇದೀಗ ಫೋರ್ಡ್ ಇಂಡಿಯಾ ಜೊತೆಗೂಡಿ ಫೀಗೊ ಆಸ್ಫೈರ್ ಕಾರಿನ ಎಲೆಕ್ಟ್ರಿಕ್ ಆವೃತ್ತಿಯನ್ನು ಶೀಘ್ರದಲ್ಲೇ ಮಾರುಕಟ್ಟೆಗೆ ಪರಿಚಯಿಸುವ ಯೋಜನೆ ರೂಪಿಸಿದೆ.

ಮಾಹಿತಿಗಳ ಪ್ರಕಾರ ಸಂಸ್ಥೆಯು ಫೋರ್ಡ್‍ ಇಂಡಿಯಾ ಸಂಸ್ಥೆಯು ಬಿ562 ಫ್ಯಾಟ್‌ಫಾರ್ಮ್ ಅಡಿ ಹೊಸ ಎಲೆಕ್ಟ್ರಿಕ್ ಸೆಡಾನ್ ಕಾರನ್ನು ನಿರ್ಮಾಣಗೊಳಿಸಿದ್ದು, ಇದರ ಬಗ್ಗೆ ಮುಂಬರುವ ದಿನಗಳಲ್ಲಿ ಮಹೀಂದ್ರಾ ಮತ್ತಷ್ಟು ಮಾಹಿತಿಯನ್ನು ಹೊರಹಾಕಲಿದೆ.

ಇದಲ್ಲದೇ ಮಾರುಕಟ್ಟೆಯಲ್ಲಿ ಈಗಾಗಲೇ ಫೋರ್ಡ್ ಫಿಗೊ ಆಸ್ಫೈರ್ ಕಾರಿನ ಪೆಟ್ರೋಲ್ ಮತ್ತು ಟರ್ಬೋಚಾರ್ಜ್ಡ್ ಡೀಸೆಲ್ ಎಂಜಿನ್ ಆವೃತ್ತಿಯಲ್ಲಿ ಲಭ್ಯವಿದ್ದು, ಎಲೆಕ್ಟ್ರಿಕ್ ಆವೃತ್ತಿಯನ್ನು ತಯಾರಿಸಲು ಹೆಚ್ಚು ವೆಚ್ಚ ಬೇಕಾಗಿಲ್ಲ ಎನ್ನಬಹುದು.

ಹೊಸ ಫೋರ್ಡ್ ಎಲೆಕ್ಟ್ರಿಕ್ ಸೆಡಾನ್ ಕಾರು ಮಹಿಂದ್ರಾ ಸಂಸ್ಥೆಯ ಎಲೆಕ್ಟ್ರಿಕ್ ವೆಹಿಕಲ್ ಟೆಕ್ನಾಲಜಿಯನ್ನು ನಿಯೊಜಿಸಲಾಗಿದ್ದು, ಇ-ವೆರಿಟೊ ಕಾರಿನ ಎಲೆಕ್ಟ್ರಿಕ್ ಆವೃತ್ತಿಯನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಪರಿಚಯಿಸಿ ಇಇಎಸ್ ಸರಕಾರಿ ಸಂಸ್ಥೆಗೆ ಸರಬರಾಜು ಮಾಡಲಾಗುತ್ತಿದೆ.

ಮಹಿಂದ್ರಾ ವೆರಿಟೊ ಕಾರುಗಳು ಭಾರತೀಯ ಮಾರುಕಟ್ಟಯಲ್ಲಿ ಸದ್ಯಕ್ಕೆ ರೆನಾಲ್ಟ್ ಲೋಗನ್ ಆಧರಿತವಾಗಿ ಸಿದ್ದವಾಗಲಿದ್ದು, ಇದಕ್ಕೆ ಭಿನ್ನವಾಗಿರುವ ಪೋರ್ಡ್ ಫಿಗೋ ಆಸ್ಫೈರ್ ಸೆಡಾನ್ ಕಾರುಗಳು ಹೊಸ ರೂಪದೊಂದಿಗೆ ಮತ್ತಷ್ಟು ಗ್ರಾಹಕರನ್ನು ಆಕರ್ಷಿಸಲಿದೆ.

ಜೊತೆಗೆ ಎಲೆಕ್ಟ್ರಿಕ್ ಆವೃತ್ತಿಯ ಫಿಗೋ ಆಸ್ಫೈರ್ ಕಾರು ಮಾರುಕಟ್ಟೆಯಲ್ಲಿ ಕೈಗಟ್ಟುವ ಬೆಲೆಯಲ್ಲಿ ದೊರೆಯಲಿದೆ ಎಂದು ಊಹಿಸಲಾಗಿದ್ದು, ಈ ಮೂಲಕ ಇವಿ ಕಾರುಗಳ ಮಾರುಕಟ್ಟೆಯಲ್ಲಿ ಮಹೀಂದ್ರಾ ಮತ್ತಷ್ಟು ಮುನ್ನಡೆ ಕಾಯ್ದುಕೊಳ್ಳಲಿದೆ.

ಇನ್ನು ಫೋರ್ಡ್ ಮತ್ತು ಮಹಿಂದ್ರಾ ಸಂಸ್ಥೆಗಳ ಮಾದರಿಯಲ್ಲೇ ಟೊಯೊಟಾ ಹಾಗು ಮಾರುತಿ ಸುಜುಕಿ ಸಂಸ್ಥೆಗಳು ಸಹ ಸಹಭಾಗಿತ್ವದಲ್ಲಿ ಇವಿ ಕಾರನ್ನು ಅಭಿವೃದ್ಧಿ ಮಾಡುತ್ತಿದ್ದು, ಉತ್ತಮ ಮೈಲೇಜ್ ನೀಡಬಲ್ಲ ಲಿಥಿಯಂ ಅಯಾನ್ ಬ್ಯಾಟರಿ ಮಾದರಿಯನ್ನು ಬಳಸಲಾಗುತ್ತಿರುವುದು ಗ್ರಾಹಕರ ಸ್ನೇಹಿಯಾಗಲಿವೆ.