Just In
- 6 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 7 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 8 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 8 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Movies "ನಾವು ದಕ್ಷಿಣ ಭಾರತದವರಾಗಿದ್ರೂ ಭಾಷೆ ಬರುತ್ತೆ, ಸುಂದರವಾಗಿಯೂ ಇದ್ದೇವೆ"; ನಟಿ ಪ್ರಿಯಾಮಣಿ
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಾರ್ ಡೋರ್ಗಳನ್ನು ತೆಗೆಯುವ ಡಚ್ ರೀಚ್ ಬಗ್ಗೆ ನಿಮಗೆಷ್ಟು ಗೊತ್ತು?
ಪ್ರತಿದಿನ ಪ್ರಪಂಚದ್ಯಾಂತ ಲಕ್ಷಾಂತರ ಕಾರುಗಳು ಚಲಿಸುತ್ತಿರುತ್ತವೆ. ಕಾರುಗಳ ಒಳಗೆ ಹೋಗಲು ಅಥವಾ ಹೊರಗಡೆ ಬರಲು ಡೋರ್ಗಳನ್ನು ತೆಗೆಯುವುದು ಅವಶ್ಯಕ. ಡೋರು ತೆಗೆಯುವುದು ಏನು ಮಹಾ ಅಂದು ಕೊಳ್ಳುತ್ತಿದ್ದೀರಾ? ಈಗ ನಾವು ಹೇಳುತ್ತಿರುವ ವಿಷಯವನ್ನು ಕೇಳಿದರೆ ಇಷ್ಟು ದಿನ ನೀವು ಕಾರುಗಳ ಡೋರುಗಳನ್ನು ತೆಗೆಯುತ್ತಿದ್ದ ರೀತಿಯೇ ತಪ್ಪು ಎಂದೆನಿಸದೇ ಇರದು.
ಕಾರುಗಳ ಡೋರ್ಗಳನ್ನು ಸರಿಯಾದ ರೀತಿಯಲ್ಲಿ ತೆರೆಯದಿದ್ದರೇ ಏನೆಲ್ಲಾ ತೊಂದರೆಗಳಾಗಬಹುದು ಎಂಬುದನ್ನು ಈ ಲೇಖನದಲ್ಲಿ ತಿಳಿಯೋಣ. ಕಾರಿನ ಡೋರ್ ತೆಗೆಯುವುದು ಸುಲಭವಾದ ಕೆಲಸವೆಂದು ಅನಿಸಬಹುದು. ಆದರೆ ಕಾರಿನ ಹಿಂದೆ ಬರುತ್ತಿರುವವರನ್ನು ನೋಡದೇ ಡೋರ್ಗಳನ್ನು ತೆಗೆದರೆ ಅಪಾಯ ಕಟ್ಟಿಟ್ಟ ಬುತ್ತಿ.
ಕಾರುಗಳ ಡೋರ್ಗಳನ್ನು ತೆಗೆದಾಗ ಡೋರುಗಳು ಸಾಕಷ್ಟು ಸ್ಥಳವನ್ನು ಆಕ್ರಮಿಸಿಕೊಳ್ಳುತ್ತವೆ. ಅವುಗಳನ್ನು ಏಕಾಏಕಿ ತೆಗೆದಾಗ ಆ ಕಾರಿನ ಹಿಂದೆ ಬರುತ್ತಿರುವವರು ಡೋರ್ಗಳಿಗೆ ಗುದಿಯುವ ಸಾಧ್ಯತೆಗಳಿವೆ. ಇದರಿಂದಾಗಿ ಕೆಳಗೆ ಬಿದ್ದು ಗಾಯಗಳಾಗಬಹುದು, ಇಲ್ಲವೇ ಪ್ರಾಣವೇ ಹೋಗಬಹುದು.
ಯೂಟ್ಯೂಬ್ನಲ್ಲಿ ಈ ಕುರಿತಾದ ಹಲವಾರು ವೀಡಿಯೊಗಳಿವೆ. ಅವುಗಳಲ್ಲಿ ಕಾರಿನಲ್ಲಿರುವವರು ಹಿಂದೆ ಬರುವವರನ್ನು ಗಮನಿಸದೇ ಡೋರುಗಳನ್ನು ತೆಗೆದಾಗ ಅವಘಡಗಳಾಗಿರುವ ಸಾಕಷ್ಟು ಸನ್ನಿವೇಶಗಳನ್ನು ಕಾಣಬಹುದು.
ಈ ರೀತಿಯ ಘಟನೆಗಳು ಭಾರತಕ್ಕೆ ಮಾತ್ರ ಸೀಮಿತವಾಗಿಲ್ಲ. ಸಂಚಾರಿ ನಿಯಮಗಳನ್ನು ಪಾಲಿಸದ ಜಗತ್ತಿನ ಹಲವೆಡೆ ಈ ರೀತಿಯ ಘಟನೆಗಳು ನಡೆದಿವೆ. ಸಿಸಿಟಿವಿಯಲ್ಲಿ ಸೆರೆಯಾಗಿರುವ ಫುಟೇಜ್ನಲ್ಲಿ ಕಾರ್ ಅನ್ನು ಪಾರ್ಕ್ ಮಾಡುತ್ತಿರುವುದನ್ನು ಕಾಣಬಹುದು.
ಆ ಕಾರಿನ ಚಾಲಕನು ತನ್ನ ಕಾರಿನ ಡೋರ್ ಅನ್ನು ತೆಗೆದಾಗ ಸೈಕಲ್ ಸವಾರನು ಕಾರಿನ ಡೋರಿಗೆ ಗುದ್ದಿ ನಿಯಂತ್ರಣ ಕಳೆದುಕೊಂಡು ಕೆಳಗೆ ಬೀಳುತ್ತಾನೆ. ಪಕ್ಕದಲ್ಲೇ ಒಂದು ಕಾರು ಹಾದು ಹೋಗುತ್ತದೆ. ಸ್ವಲ್ಪದರಲ್ಲೇ ಸೈಕಲ್ ಸವಾರನು ಪ್ರಾಣ ಉಳಿಸಿಕೊಳ್ಳುತ್ತಾನೆ. ಯಾವುದಾದರೂ ವಾಹನಗಳು ವೇಗವಾಗಿ ಆ ರಸ್ತೆಯಲ್ಲಿ ಬಂದಿದ್ದರೇ ಸೈಕಲ್ ಸವಾರನ ಪ್ರಾಣ ಹೋಗುವ ಸಾಧ್ಯತೆಗಳಿದ್ದವು.
ಈ ಹಿಂದೆ ಭಾರತದಲ್ಲಿ ನಡೆದಿದ್ದ ಇದೇ ರೀತಿಯ ಘಟನೆಯಲ್ಲಿ ಕಾರಿನ ಚಾಲಕನು ಏಕಾಏಕಿ ಡೋರ್ ತೆಗೆದ ಕಾರಣ, ಕಾರಿನ ಡೋರಿಗೆ ಗುದ್ದಿದ ಬೈಕಿನಲ್ಲಿದ್ದ ಮೂವರು ನಿಯಂತ್ರಣ ತಪ್ಪಿ ಕೆಳಗೆ ಬಿದ್ದಾಗ ಅವರ ಮೇಲೆ ಟ್ರಕ್ವೊಂದು ಹರಿದಿತ್ತು.
MOST READ: ಜೆಸಿಬಿ ಯಂತ್ರವು ಹಳದಿ ಬಣ್ಣದಲ್ಲೇ ಏಕಿರುತ್ತೆ?
ಈ ರೀತಿಯ ಘಟನೆಗಳನ್ನು ಸರಳವಾದ ವಿಧಾನವನ್ನು ಅನುಸರಿಸುವ ಮೂಲಕ ತಡೆಗಟ್ಟಬಹುದು. ಯಾವುದೇ ಕಾರಿನ ಡ್ರೈವರ್ ಆಗಲಿ, ಅಥವಾ ಕಾರಿನಿಂದ ಇಳಿಯುತ್ತಿರುವವರೇ ಆಗಲಿ, ತಮ್ಮ ಹಿಂದೆ ಯಾರಾದರೂ ಬರುತ್ತಿದಾರೆಯೇ ಎಂಬುದನ್ನು ಪರೀಕ್ಷಿಸಿ ನಂತರ ಡೋರ್ಗಳನ್ನು ತೆಗೆಯುವುದು ಒಳಿತು.
MOST READ: ವಾಹನ ಸವಾರರೇ ಎಚ್ಚರ: ನಕಲಿ ಪೊಲೀಸರಿಂದ ಹಗಲು ದರೋಡೆ
ಒಂದು ವೇಳೆ ಕಾರಿನ ಹಿಂದೆ ಯಾರಾದರೂ ಬರುತ್ತಿದ್ದರೆ, ಯಾವುದಾದರೂ ವಾಹನಗಳಿದ್ದರೆ ಅವುಗಳು ಮುಂದೆ ತೆರಳಿದ ನಂತರ ಡೋರ್ಗಳನ್ನು ತೆಗೆಯುವುದು ಕ್ಷೇಮ. ಇಲ್ಲಿ ಗಮನಿಸಬೇಕಾದ ಸಂಗತಿಯೆಂದರೆ ಹಲವಾರು ದೇಶಗಳಲ್ಲಿ ರಸ್ತೆಯ ಕಡೆಗೆ ಡೋರ್ಗಳನ್ನು ತೆಗೆಯುವುದು ಕಾನೂನು ಬಾಹಿರ. ಆದರೆ ಇನ್ನೂ ಹಲವು ದೇಶಗಳಲ್ಲಿ ಈ ರೀತಿಯ ಯಾವುದೇ ಕಾನೂನು ಇಲ್ಲ.
MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್
ಈ ದೇಶಗಳಲ್ಲಿ ಕಾರು ಚಾಲಕರು ಸರಳವಾದ ವಿಧಾನವನ್ನು ಅನುಸರಿಸಬೇಕು. ಸುರಕ್ಷಿತವಾಗಿ ಕಾರುಗಳ ಬಾಗಿಲುಗಳನ್ನು ತೆಗೆಯುವ ವಿಧಾನಕ್ಕೆ ಡಚ್ ರೀಚ್ ವಿಧಾನವೆಂದು ಹೇಳುತ್ತಾರೆ. ಈ ವಿಧಾನವನ್ನು ಮೊದಲ ಬಾರಿಗೆ ನೆದೆರ್ಲ್ಯಾಂಡ್ನಲ್ಲಿ ಆರಂಭಿಸಲಾಯಿತು.
ಈ ವಿಧಾನವು ಅಲ್ಲಿರುವ ಸ್ಕೂಲ್ಗಳಲ್ಲಿ ಪಠ್ಯದ ವಿಷಯವಾಗಿದೆ. ಈ ವಿಧಾನದ ಮೂಲಕ ಕೈಗಳನ್ನು ಉದ್ದಕ್ಕೆ ಚಾಚಿ ಡೋರ್ಗಳ ಹ್ಯಾಂಡಲ್ಗಳ ಮೂಲಕ ಡೋರ್ಗಳನ್ನು ತೆರೆಯಬಹುದು. ಇದರಿಂದಾಗಿ ಬಾಗಿಲು ತೆಗೆಯಲು ಯತ್ನಿಸುತ್ತಿರುವ ವ್ಯಕ್ತಿಯ ದೇಹವು ಸಹಜವಾಗಿ ಹಿಂದಕ್ಕೆ ತಿರುಗುತ್ತದೆ.
ಇದರಿಂದಾಗಿ ಕಾರಿನ ಹಿಂಭಾಗದಲ್ಲಿ ಯಾರಾದರೂ ಬರುತ್ತಿದ್ದಾರೆಯೇ ಎಂಬುದನ್ನು ನೋಡಬಹುದು. ಭಾರತದಲ್ಲಾದರೆ, ನೀವು ಚಾಲಕನ ಜಾಗದಲ್ಲಿ ಕುಳಿತಿದ್ದರೆ, ನಿಮ್ಮ ಎಡಗೈಯನ್ನು ಚಾಚಿ ಡೋರ್ಗಳನ್ನು ತೆಗೆಯಿರಿ. ಇದರಿಂದ ನೀವೂ ಸಹ ಈ ವಿಧಾನವನ್ನು ಪಾಲಿಸಬಹುದು.