ಮೆಟ್ರೋ ಸ್ಟೇಷನ್‍‍ಗಳಲ್ಲಿ ಎಲೆಕ್ಟ್ರಿಕ್ ಆಟೋರಿಕ್ಷಾ ಸೇವೆ ಆರಂಭಿಸಲಿದೆ ಇ‍‍‍ಟಿ‍ಒ ಮೋಟಾರ್ಸ್

ಎಲೆಕ್ಟ್ರಿಕ್ ವಾಹನ ಸೇವಾ ಕಂಪನಿಯಾದ ಇ‍‍ಟಿ‍ಒ ಮೋಟಾರ್ಸ್ ದೆಹಲಿಯಲ್ಲಿರುವ ಕೆಲವು ಮೆಟ್ರೋ ಸ್ಟೇಷನ್‍‍ಗಳಲ್ಲಿ ಇ-ರಿಕ್ಷಾ ಸೇವೆಯನ್ನು ಆರಂಭಿಸುವುದಾಗಿ ತಿಳಿಸಿದೆ. ಇದರನ್ವಯ ಈ ಯೋಜನೆಯಲ್ಲಿ ಮೊದಲ ಹಂತದಲ್ಲಿ 100 ಇ-ರಿಕ್ಷಾಗಳನ್ನು ಅಳವಡಿಸುವುದಾಗಿ ತಿಳಿಸಿದೆ.

ಈ ಯೋಜನೆಯಲ್ಲಿ ಇಟಿ‍ಒ ಮೋಟಾರ್ಸ್ ಜೊತೆಗೆ ಗೊಯಂಕಾ ಎಲೆಕ್ಟ್ರಿಕ್ ಮೋಟಾರ್ ಹಾಗೂ ದೆಹಲಿ ಮೆಟ್ರೋ ರೈಲು ಕಾರ್ಪೊರೇಷನ್ (ಡಿ‍ಎಂ‍ಆರ್‍‍ಸಿ) ಸಹ ಕೈಜೋಡಿಸಿವೆ. ಇ‍‍ಟಿ‍ಒ ಮೋಟಾರ್ಸ್ ಈ ಸೇವೆಯನ್ನು ಮೂರು ಕಂಪನಿಗಳು ಒಟ್ಟಿಗೆ ನೀಡುವುದಾಗಿ ತಿಳಿಸಿದೆ.

ಇ‍‍ಟಿ‍ಒ ಮೋಟಾರ್ಸ್ ಈ ಸೇವೆಯು ಮಾರ್ಚ್ 20ರಂದು ಶುರುವಾಗುವುದಾಗಿ ತಿಳಿಸಿದೆ. ಇ-ರಿಕ್ಷಾಗಳ ಸಾಮರ್ಥ್ಯ ಹಾಗೂ ಕಾರ್ಯಾಚರಣೆಯ ಬಗ್ಗೆ ತೃಪ್ತಿ ವ್ಯಕ್ತಪಡಿಸಿದ ನಂತರ ಜನವರಿ 13ರಂದು ಡಿ‍ಎಂ‍ಆರ್‍‍ಸಿ ಈ ಸೇವೆಗೆ ಹಸಿರು ನಿಶಾನೆ ತೋರಿಸಿದೆ.

ಇ-ರಿಕ್ಷಾ ಸೇವೆಗಳು ದೆಹಲಿಯಲ್ಲಿರುವ ಯಮುನಾ ಬ್ಯಾಂಕ್, ಸುಖ್‍‍ದೇವ್ ವಿಹಾರ್, ಜಮಿಯಾ ಮಿಲಿಯಾ ಇಸ್ಲಾಮಿಯಾ ಹಾಗೂ ಜಸೋಲಾ ವಿಹಾರ್ ಶಾಹೀನ್‍‍ಬಾಗ್ ಮೆಟ್ರೋ ಸ್ಟೇಷನ್‍‍ಗಳಲ್ಲಿ ಆರಂಭವಾಗಲಿವೆ.

ಈ ರಿಕ್ಷಾಗಳಿಗೆ ಪಾರ್ಕಿಂಗ್ ವ್ಯವಸ್ಥೆಯನ್ನು ಸಂಬಂಧಪಟ್ಟ ಮೆಟ್ರೋ ಸ್ಟೇಷನ್‍‍ಗಳಲ್ಲಿ ನೀಡಲಾಗುವುದು. ಪಾರ್ಕಿಂಗ್ ಮಾಡಲಾಗುವ ಮೆಟ್ರೋ ಸ್ಟೇಷನ್‍‍ಗಳಲ್ಲಿಯೇ ಈ ಎಲೆಕ್ಟ್ರಿಕ್ ರಿಕ್ಷಾಗಳಿಗೆ ಚಾರ್ಜಿಂಗ್ ಪಾಯಿಂಟ್‍‍ಗಳನ್ನು ನೀಡಲಾಗುವುದು.

ಈ ಬಗ್ಗೆ ಮಾತನಾಡಿರುವ ಇ‍‍ಟಿ‍ಒ ಮೋಟಾರ್ಸ್‍‍ನ ಸಿ‍ಇ‍ಒ ಬಿಜು ಮ್ಯಾಥ್ಯೂಸ್‍‍ರವರು ಡಿ‍ಎಂ‍ಆರ್‍‍ಸಿ ಈ ಸೇವೆ ಆರಂಭಿಸಲು ನಮಗೆ ಅನುಮತಿ ನೀಡಿರುವುದು, ನಮಗೆ ಸಂತಸವನ್ನು ತಂದಿದೆ ಎಂದು ಹೇಳಿದರು.

ಡಿ‍ಎಂಆರ್‍‍ಸಿ ಈ ಸೇವೆಯನ್ನು ದೆಹಲಿಯ ನಾಲ್ಕು ಮೆಟ್ರೋ ಸ್ಟೇಷನ್‍‍ಗಳಲ್ಲಿ ಆರಂಭಿಸಲು ಅನುಮತಿ ನೀಡಿದೆ. ಗ್ರಾಹಕರಿಗೆ ಕೈಗೆಟಕುವ ದರದಲ್ಲಿ ಸೇವೆಯನ್ನು ನೀಡಲಾಗುವುದು. ಈ ಸೇವೆಯಿಂದ ಪ್ರತಿದಿನ 25,000 ಜನರಿಗೆ ಅನುಕೂಲವಾಗಲಿದೆ ಎಂದು ಅವರು ಹೇಳಿದರು.

ಸೂಚನೆ: ಇಲ್ಲಿರುವ ಚಿತ್ರಗಳನ್ನು ರೆಫರೆನ್ಸ್ ಗಾಗಿ ಬಳಸಲಾಗಿದೆ.