Click it and Unblock the Notifications
ಹೊಸ ಸ್ಕೋಡಾ ರ್ಯಾಪಿಡ್ ರೈಡರ್ ಪ್ಲಸ್ ರೂಪಾಂತರ ಬಿಡುಗಡೆ
ಸ್ಕೋಡಾ ಆಟೋ ಕಂಪನಿಯು ಹೊಸ ರ್ಯಾಪಿಡ್ 1.0-ಲೀಟರ್ ಟಿಎಸ್ಐ ಸೆಡಾನ್ ಅನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಇತ್ತೀಚೆಗೆ ಬಿಡುಗಡೆಗೊಳಿಸಿತ್ತು. ಇದೀಗ ಈ ರ್ಯಾಪಿಡ್ 1.0-ಲೀಟರ್ ಟಿಎಸ್ಐ ಸೆಡಾನ್ನ ಹೊಸ ರೂಪಾಂತರವಾದ ರೈಡರ್ ಪ್ಲಸ್ ಅನ್ನು ಬಿಡುಗಡೆಗೊಳಿಸಿದೆ.
ಈ ಹೊಸ ಸ್ಕೋಡಾ ರ್ಯಾಪಿಡ್ ರೈಡರ್ ಪ್ಲಸ್ ರೂಪಾಂತರದ ಬೆಲೆಯು ದೆಹಲಿ ಎಕ್ಸ್ ಶೋರೂಂ ಪ್ರಕಾರ ರೂ.7.99 ಲಕ್ಷಗಳಾಗಿದೆ. ಈ ಹೊಸ ರೈಡರ್ ಪ್ಲಸ್ ರೂಪಾಂತರವನ್ನು ರ್ಯಾಪಿಡ್ ಬೇಸ್ ಸ್ಪೆಕ್ಗೆ ಹೋಲಿಸಿದರೆ ಹಲವಾರು ಹೆಚ್ಚುವರಿ ಫೀಚರುಗಳನ್ನು ಹೊಂದಿದೆ. ಈ ಹೊಸ ಸ್ಕೋಡಾ ರ್ಯಾಪಿಡ್ ರೈಡರ್ ಪ್ಲಸ್ ರೂಪಾಂತರ ಕ್ಯಾಂಡಿ ವೈಟ್, ಕಾರ್ಬನ್ ಸ್ಟೀಲ್, ಬ್ರಿಲಿಯಂಟ್ ಸಿಲ್ವರ್ ಮತ್ತು ಟೋಫಿ ಬ್ರೌನ್ ಎಂಬ ನಾಲ್ಕು ಬಣ್ಣಗಳಲ್ಲಿ ಲಭ್ಯವಿರಲಿದೆ.
ಹೊಸ ಸ್ಕೋಡಾ ರ್ಯಾಪಿಡ್ ರೈಡರ್ ಪ್ಲಸ್ ರೂಪಾಂತರದಲ್ಲಿ ಕಾಸ್ಮೆಟಿಕ್ ಅಪ್ಡೇಟ್ ಮಾಡಲಾಗಿದೆ. ಈ ರೂಪಾಂತರದಲ್ಲಿ ಸಿಗ್ನೇಚರ್ ಬ್ಲ್ಯಾಕ್ ಗ್ರಿಲ್, ನವೀಕರಿಸಿದ ಸೈಡ್ ಫಾಯಿಲ್, ಬ್ಲ್ಯಾಕ್ ಔಟ್ ಬಿ-ಪಿಲ್ಲರ್ ಮತ್ತು ವಿಂಡೋ-ಲೈನ್ ಸುತ್ತಲೂ ಪ್ರೀಮಿಯಂ ಕ್ರೋಮ್ ಅನ್ನು ಅಳವಡಿಸಿದೆ.
MOST READ: ಸ್ಥಗಿತಗೊಂಡಿಲ್ಲ ಫೋಕ್ಸ್ವ್ಯಾಗನ್ ಕಾರಿನ ಈ ಮಾದರಿಗಳು
ಸ್ಕೋಡಾ ರ್ಯಾಪಿಡ್ ರೈಡರ್ ಪ್ಲಸ್ ರೂಪಾಂತರದ ಇಂಟಿರಿಯರ್ ನಲ್ಲಿ 6.5-ಇಂಚಿನ ಟಚ್ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಂನೊಂದಿಗೆ ಆಪಲ್ ಕಾರ್ ಪ್ಲೇ, ಆಂಡ್ರಾಯ್ಡ್ ಆಟೋ ಮತ್ತು ಸ್ಮಾರ್ಟ್-ಲಿಂಕ್ ಕನೆಕ್ಟಿವಿಟಿಯನ್ನು ಹೊಂದಿದೆ.
ಇದರೊಂದಿಗೆ ಇಂಟಿರಿಯರ್ ನಲ್ಲಿ ಡ್ಯುಯಲ್ ಟೋನ್ ಎಬೊನಿ ಸ್ಯಾಂಡ್ ಕ್ಯಾಬಿನ್, ಆಟೋಮ್ಯಾಟಿಕ್ ಕ್ಲೈಮೆಂಟ್ ಕಂಟ್ರೋಲ್, ಹೊಂದಾಣಿಕೆ ಮಾಡಬಹುದಾದ ಹೆಡ್ರೆಸ್ಟ್ಗಳು, ಡ್ಯುಯಲ್ ಏರ್ಬ್ಯಾಗ್, ಎಬಿಎಸ್, ರಿಯರ್ ಪಾರ್ಕಿಂಗ್ ಸೆನ್ಸರ್ಗಳು ಮತ್ತು ಕೆಲವು ಇತರ ಫೀಚರುಗಳನ್ನು ಒಳಗೊಂಡಿದೆ.
MOST READ: ಮರ್ಸಿಡಿಸ್ ಬೆಂಝ್ ಜಿಎಲ್ಇ ಎಸ್ಯುವಿಯ ಎರಡು ಹೊಸ ರೂಪಾಂತರಗಳು ಬಿಡುಗಡೆ
ಸ್ಕೋಡಾ ರ್ಯಾಪಿಡ್ ಸೆಡಾನ್ನ ಇತರ ರೂಪಾಂತರಗಳಲ್ಲಿ ಇರುವಂತೆ ಹೊಸ ‘ರೈಡರ್ ಪ್ಲಸ್' ನಲ್ಲಿ 1.0-ಲೀಟರ್ ಟಿಎಸ್ಐ ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 109 ಬಿಹೆಚ್ಪಿ ಪವರ್ ಮತ್ತು 175 ಎನ್ಎಂ ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ, ಈ ಎಂಜಿನ್ ಅನ್ನು 6-ಸ್ಪೀಡ್ ಮ್ಯಾನುವಲ್ ಗೇರ್ಬಾಕ್ಸ್ಗೆ ಜೋಡಿಸಲಾಗಿದೆ.
ಹೊಸ ಸ್ಕೋಡಾ ರ್ಯಾಪಿಡ್ ರೈಡರ್ ಪ್ಲಸ್ ರೂಪಾಂತರದ ಬಗ್ಗೆ ಸ್ಕೋಡಾ ಆಟೋ ಇಂಡಿಯಾದ ಬ್ರ್ಯಾಂಡ್ ಡೈರೆಕ್ಟರ್ ಝ್ಯಾಕ್ ಹೋಲಿಸ್ ಅವರು ಮಾತನಾಡಿ, ಇತ್ತೀಚೆಗೆ ಹೊಸ ರ್ಯಾಪಿಡ್ ಟಿಎಸ್ಐ ಮಾದರಿಯನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದ್ದೇವೆ.
MOST READ: ಬೆಂಗಳೂರಿನಲ್ಲಿ ಸ್ಪಾಟ್ ಟೆಸ್ಟ್ ನಡೆಸಿದ ನಿಸ್ಸಾನ್ ಮ್ಯಾಗ್ನೆಟ್ ಎಸ್ಯುವಿ
ಈ 1.0 ಟಿಎಸ್ಐ ಪೆಟ್ರೋಲ್ ಎಂಜಿನ್ ಅತ್ಯುತ್ತಮ ಇಂಧನ ದಕ್ಷತೆಯನ್ನು ಹೊಂದಿದೆ. ಇನ್ನು ಈ ಹೊಸ ರ್ಯಾಪಿಡ್ ರೈಡರ್ ಪ್ಲಸ್ ರೂಪಾಂತರ ಬ್ರ್ಯಾಂಡ್ನ ಭಾವನಾತ್ಮಕ ವಿನ್ಯಾಸ, ಸೊಗಸಾದ ಇಂಟಿರಿಯರ್ ಮತ್ತು ಆಕರ್ಷಕ ಫೀಚರುಗಳನ್ನು ಹೊಂದಿದೆ ಎಂದು ಹೇಳಿದರು.
ಈ ಹೊಸ 'ರೈಡರ್ ಪ್ಲಸ್' ರ್ಯಾಪಿಡ್ 1.0-ಲೀಟರ್ ಟಿಎಸ್ಐ ಸೆಡಾನ್ನ ಹೊಸ ರೂಪಾಂತರವಾಗಿದೆ. ಸ್ಕೋಡಾ ರ್ಯಾಪಿಡ್ ಭಾರತೀಯ ಮಾರುಕಟ್ಟೆಯಲ್ಲಿ ಹ್ಯುಂಡೈ ವೆರ್ನಾ, ಫೋಕ್ಸ್ವ್ಯಾಗನ್ ವೆಂಟೊ ಮತ್ತು ಹೋಂಡಾ ಸಿಟಿ ಕಾರುಗಳಿಗೆ ಪೈಪೋಟಿಯನ್ನು ನೀಡುತ್ತದೆ.
Continue with Google