ಅನಾವರಣವಾಯ್ತು ಹೊಸ ಟೊಯೊಟಾ ಕೊರೊಲ್ಲಾ ಜಿಆರ್ ಸ್ಪೋರ್ಟ್ ಆವೃತ್ತಿ

ಸಾಮಾನ್ಯ ಕೊರೊಲ್ಲಾ ಮಾದರಿಗೆ ಹೋಲಿಸಿದರೆ ಜಿಆರ್ ಸ್ಪೋರ್ಟ್ ವಿನ್ಯಾಸದಲ್ಲಿ ಕೆಲವು ಬದಲಾವಣೆಗಳನ್ನು ಹೊಂದಿದೆ. ಟೊಯೊಟಾ ಕೊರೊಲ್ಲಾ ಜಿಆರ್ ಸ್ಪೋರ್ಟ್ ಆವೃತ್ತಿಯು ಸಾಮಾನ್ಯ ಮಾದರಿಯಲ್ಲಿದ್ದ ಕ್ರೋಮ್ ಬಿಟ್‌ಗಳನ್ನು ಬದಲಾಯಿಸಿ ಪಿಯಾನೋ-ಬ್ಲ್ಯಾಕ್ ಫಿನಿಶಿಂಗ್ ಅನ್ನು ಹೊಂದಿದೆ. ಇನ್ನು ಮುಂಭಾಗದಲ್ಲಿ ಗ್ರಿಲ್, ಒಆರ್‌ವಿಎಂಗಳು, ಸೈಡ್ ಸಿಲ್ಗಳು, ಬಿ-ಪಿಲ್ಲರ್ ಮತ್ತು ಬಂಪರ್‌ನಲ್ಲಿನ ಏರ್ ಡ್ಯಾಮ್ ಬ್ಲ್ಯಾಕ್ ಬಣ್ಣದ ಫಿನಿಶಿಂಗ್ ಅನ್ನು ಹೊಂದಿದೆ. ಇದು ಕಾರಿಗೆ ಇನ್ನಷ್ಟು ಸ್ಪೋರ್ಟಿ ಲುಕ್ ಅನ್ನು ನೀಡಿದೆ.

ಈ ಹೊಸ ಟೊಯೊಟಾ ಜಿಆರ್ ಸ್ಪೋರ್ಟ್ ಡ್ಯುಯಲ್-ಟೋನ್ ಫಿನಿಶೀಂಗ್ ನೊಂದಿಗೆ ಹೊಸ 17 ಇಂಚಿನ ಅಲಾಯ್ ವ್ಹೀಲ್ ಗಳನ್ನು ಹೊಂದಿದೆ. ಇನ್ನು ಗ್ರಾಹಕರು 18 ಇಂಚಿನ ಅಲಾಯ್ ವ್ಹೀಲ್ ಅನ್ನು ಸಹ ಆಯ್ಕೆ ಮಾಡಿಕೊಳ್ಳಬಹುದಾಗಿದೆ.

MOST READ: ಮೊದಲ ಬಾರಿಗೆ ಸ್ಪಾಟ್ ಟೆಸ್ಟ್​ನಲ್ಲಿ ಕಾಣಿಸಿಕೊಂಡ ಟೊಯೊಟಾ ಫಾರ್ಚೂನರ್ ಫೇಸ್‌ಲಿಫ್ಟ್‌

ಈ ಕಾರಿನ ಹಿಂಭಾಗದಲ್ಲಿ ಬೂಟ್ ಲಿಟ್ ನಲ್ಲಿ ಸಣ್ಣ ಸ್ಪಾಯ್ಲರ್ ಅನ್ನು ಸಂಯೋಜಿಸಲಾಗಿದೆ. ಬೂಟ್ ಮತ್ತು ಟೈಲ್ ಲೈಟ್ ಗಳ ಸುತ್ತಲೂ ಬ್ಕ್ಯಾಕ್ ಬಣ್ಣದ ಅಂಶಗಳನ್ನು ಹೊಂದಿದೆ.

ಟೊಯೊಟಾ ಕೊರೊಲ್ಲಾ ಜಿಆರ್ ಸ್ಪೋರ್ಟ್ ಇಂಟಿರಿಯರ್ ಆಕರ್ಷಕವಾಗಿದೆ. ಆಲ್-ಬ್ಲ್ಯಾಕ್ ಬಣ್ಣದ ಆಯ್ಕೆಯು ಕ್ಯಾಬಿನ್‌ಗೆ ಸ್ಪೋರ್ಟಿ ಲುಕ್ ನೀಡುತ್ತದೆ. ಲೆದರ್ ಸ್ಟೀಯರಿಂಗ್ ವ್ಹೀಲ್ ಅನ್ನು ಹೊಂದಿದೆ. ಇನ್ನು ಆಂಬಿಯೆಂಟ್ ಕ್ಯಾಬಿನ್ ಲೈಟಿಂಗ್ ಅನ್ನು ಒಳಗೊಂಡಿದೆ.

MOST READ: ಅನಾವರಣವಾಯ್ತು ಬಿಎಂಡಬ್ಲ್ಯು ಎಕ್ಸ್7 ಡಾರ್ಕ್ ಶ್ಯಾಡೋ ಎಸ್‍ಯುವಿ

ಕಾರಿನ ಎಂಜಿನ್ ನಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಿಲ್ಲ, ಸಾಮಾನ್ಯ ಕೊರೊಲ್ಲಾ ಕಾರಿನಲ್ಲಿರುವ 1.6-ಲೀಟರ್ ಪೆಟ್ರೋಲ್ ಮೋಟಾರ್ ಮತ್ತು 1.8-ಲೀಟರ್ ಪೆಟ್ರೋಲ್/ಎಲೆಕ್ಟ್ರಿಕ್ ಹೈಬ್ರಿಡ್ ಸಿಸ್ಟಂ ಅನ್ನು ಹೊಂದಿದೆ.

ಇದರಲ್ಲಿ 1.6-ಲೀಟರ್ ಪೆಟ್ರೋಲ್ ಮೋಟಾರ್ 132 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸಿದರೆ, ಎರಡನೇ ಮೋಟಾರ್ 120 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸುತ್ತದೆ. ಈ ಎರಡು ಮೋಟಾರ್ ಗಳೊಂದಿಗೆ ಇ-ಸಿವಿಟಿಯನ್ನು ಜೋಡಿಸಲಾಗಿದೆ.

MOST READ: ಗ್ಲೋಬಲ್ ಎನ್‌ಸಿಎಪಿಯ ಸುರಕ್ಷತಾ ಟೆಸ್ಟ್​ನಲ್ಲಿ ಅಗ್ರಸ್ಥಾನಗಳಿಸಿದ ಮಹೀಂದ್ರಾ ಕಾರು

ಕೊರೊಲ್ಲಾ ಜಿಆರ್ ಸೆಡಾನ್ ಉತ್ಪಾದನೆಯನ್ನು ಈ ವರ್ಷದ ನವೆಂಬರ್ ತಿಂಗಳಲ್ಲಿ ಪ್ರಾರಂಭಿಸಲಿದೆ. ಇನ್ನು ಮುಂದಿನ ವರ್ಷದ ಪ್ರಾರಂಭದಲ್ಲಿ ಈ ಟೊಯೊಟಾ ಕೊರೊಲ್ಲಾ ಜಿಆರ್ ಸ್ಪೋರ್ಟ್ ಆವೃತ್ತಿಯ ವಿತರಣೆಯನ್ನು ಪ್ರಾರಂಭಿಸಬಹುದು.

ಕೊರೊಲ್ಲಾ ಜಿಆರ್ ಸೆಡಾನ್ ಯುರೋಪಿನ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುವುದು ಖಚಿತವಾಗಿದೆ. ಆದರೆ ಈ ಟೊಯೊಟಾ ಕೊರೊಲ್ಲಾ ಕಾರನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸುವ ಸಾಧ್ಯತೆಗಳು ಕಡಿಮೆಯಾಗಿದೆ.