ಅಗ್ಗದ ಬೆಲೆಯಲ್ಲಿ ಬಿಡುಗಡೆಯಾಗಲಿದೆ ಹೊಸ ಹ್ಯುಂಡೈ ಎಸ್‍ಯುವಿ

ಈ ಹೊಸ ಹ್ಯುಂಡೈ ಬಯೋನ್ ಎಸ್‍ಯುವಿಯ ಟೀಸರ್ ಚಿತ್ರಗಳಲ್ಲಿ ಹೈಟೆಕ್ ಲುಕ್ ಅನ್ನು ಹೊಂದಿದೆ. ಟೀಸರ್ ಚಿತ್ರಗಳಲ್ಲಿ ಈ ಹೊಸ ಹ್ಯುಂಡೈ ಎಸ್‍ಯುವಿ ವಿನ್ಯಾಸದ ಕೆಲವು ಮಾಹಿತಿಗಳು ಬಹಿರಂಗವಾಗಿವೆ. ಬಯೋ ಎಸ್‍ಯುವಿ ಸ್ಪೋರ್ಟಿನೆಸ್ ವಿನ್ಯಾಸವನ್ನು ಹೊಂದಿರುವ ಮಾದರಿಯಾಗಿರಲಿದೆ. ಈ ಹೊಸ ಹ್ಯುಂಡೈ ಬಯೋನ್ ಎಸ್‍ಯುವಿಯ ಮುಂಭಾಗದಲ್ಲಿ ವಿಸ್ತರಿಸಿರುವ ಏರ್ ಇಂಟೆಕ್ ಬ್ಯಾಂಡ್ ಅನ್ನು ಹೊಂದಿದೆ.

ಇನ್ನು ಈ ಬಯೋನ್ ಎಸ್‍ಯುವಿಯಲ್ಲಿ ಹೆಡ್‌ಲ್ಯಾಂಪ್ ಜೊತೆ ಕಿರಿದಾದ ಡಿಆರ್ಎಲ್ ಮತ್ತು ಮುಂಭಾಗದಲ್ಲಿ ವಿಶಾಲವಾದ ಗ್ರಿಲ್ ಅನ್ನು ಹೊಂದಿದೆ. ಈ ಹೊಸ ಹ್ಯುಂಡೈ ಎಸ್‍ಯುವಿಯ ಮುಂಭಾಗ ಸಂಪ್ರದಾಯಕ ವಿನ್ಯಾಸದೊಂದಿಗೆ ಹೈಟಿಕ್ ಟೆಜ್ ಅನ್ನು ನೀಡಿದೆ.

MOST READ: 2020ರ ಡಿಸೆಂಬರ್ ತಿಂಗಳ ಮಾರಾಟದಲ್ಲಿ ಬೆಳವಣಿಗೆ ಸಾಧಿಸಿದ ಮಹೀಂದ್ರಾ ಎಕ್ಸ್‌ಯುವಿ300

ಹ್ಯುಂಡೈ ಬಯೋನ್ ಎಸ್‍ಯುವಿಯ ಹಿಂಭಾಗ ಏರೋ ಆಕಾರದ ಬ್ರೇಕ್ ಲೈಟ್ ತೆಳುವಾದ ರೆಡ್ ಲೈನ್ ನೊಂದಿಗೆ ಕನೆಕ್ಟ್ ಆಗಿದೆ. ಇದು ಹಿಂಭಾಗದ ಗ್ರಾಫಿಕ್ ಅನ್ನು ಇನ್ನಷ್ಟು ಅತ್ಯುತ್ತಮವಾಗಿಸುತ್ತದೆ.

ಹ್ಯುಂಡೈ ತನ್ನ ಈ ಹೊಸ ಬಯೋನ್ ಎಸ್‍ಯುವಿಯನ್ನು ಈ ವರ್ಷದಲ್ಲಿ ಯುರೋಪಿನ ಬಿಡುಗಡೆಗೊಳಿಸಲಾಗುತ್ತದೆ. ಪಸ್ತುತ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಎಲ್ಲಾ ಹ್ಯುಂಡೈ ಎಸ್‌ಯುವಿಗಳಿಗಿಂತ ಇದು ಕೈಗೆಟುಕುವ ಮಾದರಿಯಾಗಿರಲಿದೆ ಎಂದು ಹ್ಯುಂಡೈ ಹೇಳಿದೆ.

MOST READ: ಅನಾವರಣವಾಯ್ತು ಟೊಯೊಟಾ ಕೊರೊಲ್ಲಾ ಟೂರಿಂಗ್ ರಿಬ್ಯಾಡ್ಜ್ ಆವೃತ್ತಿ ಸುಜುಕಿ ಸ್ವೇಸ್

ಹ್ಯುಂಡೈ ಬಯೋನ್ ಕಂಪನಿಯ ಯುರೋಪಿಯನ್ ಕ್ರಾಸ್ಒವರ್ ತಂಡವನ್ನು ಸೇರಿಕೊಳ್ಳುತ್ತದೆ. ಈ ಹೊಸ ಎಸ್‍ಯುವಿಯು ಕಂಪನಿಯ ಕೋನಾ, ಟ್ಯೂಸಾನ್, ನೆಕ್ಸೋ ಮತ್ತು ಸಂತಾ ಫೆ ಮಾದರಿಗಳ ಸರಣಿಗೆ ಸೇರಲಿದೆ.

ಹ್ಯುಂಡೈ ಕಂಪನಿಯು ಮೊದಲಿಗೆ ಈ ಹೊಸ ಎಸ್‍ಯುವಿಯನ್ನು ಯುರೋಪಿನ ಮಾರುಕಟ್ಟೆಗಳಲ್ಲಿ ಬಿಡುಗಡೆಗೊಳಿಸಲಾಗುತ್ತದೆ. ಇದೇ ಕಾರಣದಿಂದ ಯುರೋಪಿನ ನಗರವಾದ ಬಯೋನ್ ಸಿಟಿಯ ಹೆಸರನ್ನು ಈ ಹೊಸ ಮಾದರಿಗೆ ಇಡಲಾಗಿದೆ.

MOST READ: ಮಾರಾಟದಲ್ಲಿ ಹೊಸ ಮೈಲಿಗಲ್ಲು ಸಾಧಿಸಿದ ಹೋಂಡಾ ಆಮೇಜ್ ಕಾರು

ಇನ್ನು ಈ ಹೊಸ ಹ್ಯುಂಡೈ ಬಯೋನ್ ಎಸ್‍ಯುವಿಯು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುವ ಸಾಧ್ಯತೆಗಳಿಲ್ಲ. ಅಲ್ಲದೇ ಹ್ಯುಂಡೈ ಕಂಪನಿಯು ಭಾರತದಲ್ಲಿ ತನ್ನ ಐ30 ಮಾದರಿಯನ್ನು ಕೂಡ ಬಿಡುಗಡೆಗೊಳಿಸಲು ನಿರ್ಧರಿಸಿಲ್ಲ.

ಭಾರತೀಯ ಮಾರುಕಟ್ಟೆಯಲ್ಲಿ ಹ್ಯುಂಡೈ ಕಂಪನಿಯ ಐ20, ವೆನ್ಯೂ ಮತ್ತು ಕ್ರೆಟಾ ಮಾದರಿಗಳು ದಾಖಲೆಯ ಮಟ್ಟದಲ್ಲಿ ಮಾರಾಟವಾಗುತ್ತಿದೆ. ಈ ಮಾದರಿಗಳು ಕಂಪನಿಗೆ ಕಾರು ಮಾರಾಟದಲ್ಲಿ ದೊಡ್ಡ ಕೊಡುಗೆಯನ್ನು ನೀಡುತ್ತಿದೆ. ಇದರಿಂದಾಗಿ ಇದೇ ವಿಭಾಗದಲ್ಲಿ ಮತ್ತೊಂದು ಮಾದರಿಯನ್ನು ಬಿಡುಗಡೆಗೊಳಿಸಲು ಹ್ಯುಂಡೈ ಹಿಂದೇಟು ಹಾಕಿದ್ದಾರೆ.