ಟಾಟಾ ಜೆಸ್ಟ್ ಬೆಂಗ್ಳೂರಲ್ಲಿ ಟೆಸ್ಟಿಂಗ್; ರಿಂಗ್‌ಟೋನ್ ಡೌನ್‌ಲೋಡ್ ಮಾಡಿ

ಎಕ್ಸ್‌ಕ್ಲೂಸಿವ್ ಚಿತ್ರ: ಟಾಟಾ ಜೆಸ್ಟ್ ಬೆಂಗಳೂರಿನಲ್ಲಿ ಪರೀಕ್ಷೆ

ಕೇವಲ ಜೆಸ್ಟ್ ಕಾಂಪಾಕ್ಟ್ ಸೆಡಾನ್ ಕಾರು ಮಾತ್ರವಲ್ಲ. ಇದೇ ಸಂದರ್ಭದಲ್ಲಿ ಬೋಲ್ಟ್ ಹ್ಯಾಚ್‌ಬ್ಯಾಕ್ ಕಾರನ್ನು ಲಾಂಚ್ ಮಾಡುವ ಮಹತ್ತರ ಯೋಜನೆಯನ್ನು ಟಾಟಾ ಹೊಂದಿದೆ.

ಬಲ್ಲ ಮೂಲಗಳ ಪ್ರಕಾರ ಪ್ರಸಕ್ತ ಸಾಲಿನ ದ್ವಿತಿಯಾರ್ಧದಲ್ಲಿ ಅಂದರೆ ಹಬ್ಬದ ಆವೃತ್ತಿ ವೇಳೆ ಟಾಟಾ ಜೆಸ್ಟ್ ಹಾಗೂ ಬೋಲ್ಟ್ ಮಾರುಕಟ್ಟೆ ಪ್ರವೇಶಿಸಲಿದೆ. ಇವೆರಡನ್ನು ಏಕಕಾಲಕ್ಕೆ ಬಿಡುಗಡೆ ಮಾಡಲಾಗುವುದೇ ಎಂಬುದು ತಿಳಿದು ಬಂದಿಲ್ಲ.

ಈ ಹಿಂದೆ 2014 ಫೆಬ್ರವರಿ ತಿಂಗಳಲ್ಲಿ ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ನಡೆದ ಆಟೋ ಎಕ್ಸ್‌ಪೋದಲ್ಲಿ ಟಾಟಾ ಜೆಸ್ಟ್ ಹಾಗೂ ಬೋಲ್ಟ್ ಭರ್ಜರಿ ಪ್ರದರ್ಶನ ಕಂಡಿದ್ದವು.

ದೇಶದ ಮಾರುಕಟ್ಟೆಯಲ್ಲಿ ಕಾಂಪಾಕ್ಟ್ ಸೆಡಾನ್ ಹಾಗೂ ಹ್ಯಾಚ್‌ಬ್ಯಾಕ್ ಕಾರುಗಳಿಗೆ ಭಾರಿ ಬೇಡಿಕೆಯಿದೆ. ಈ ಹಿನ್ನಲೆಯಲ್ಲಿ ಟಾಟಾದ ಹೊಸ ಆವೃತ್ತಿಗಳು ಉತ್ತಮ ಮಾರಾಟ ಕಾಯ್ದುಕೊಳ್ಳುವ ನಿರೀಕ್ಷೆಯನ್ನಿಟ್ಟುಕೊಳ್ಳಲಾಗಿದೆ.

ಇದುವರೆಗೆ ಟಾಟಾ ಕಾರುಗಳ ಗುಣಮಟ್ಟತೆ ಬಗ್ಗೆ ಆರೋಪಗಳೆದಿದ್ದವು. ಇವೆಲ್ಲವನ್ನೂ ಟಾಟಾ ಜೆಸ್ಟ್ ಹಾಗೂ ಬೋಲ್ಟ್ ಮೂಲಕ ಸರಿದೂಗಿಸುವ ಇರಾದೆಯನ್ನು ಕಂಪನಿ ಹೊಂದಿದೆ.

ನೂತನ ಜೆಸ್ಟ್ 1.2 ಲೀಟರ್ ಟರ್ಬೊಚಾರ್ಜ್ಡ್ ರೆವೋಟ್ರಾನ್ ಎಂಜಿನ್‌ನಿಂದ ನಿಯಂತ್ರಿಸ್ಪಡಲಿದ್ದು 85 ಅಶ್ವಶಕ್ತಿ (140 ಎನ್‌ಎಂ ಟಾರ್ಕ್) ಉತ್ಪಾದಿಸಲಿದೆ. ಇದರ 1.3 ಲೀಟರ್ ಕ್ವಾಡ್ರಾಜೆಟ್ ಡೀಸೆಲ್ ಎಂಜಿನ್ 90 ಹಾರ್ಸ್ ಪವರ್ (200 ಎನ್‌ಎಂ ಟಾರ್ಕ್) ಉತ್ಪಾದಿಸಲಿದೆ.

ದೇಶದ ಮಾರುಕಟ್ಟೆಗೆ ಹೊಸತೆನಿಸಿರುವ ಕ್ರೂಸ್, ಇಕೊ, ಸ್ಪೋರ್ಟ್ಸ್ ಹಾಗೂ ಟಾಪ್ ಎಂಡ್ ವೆರಿಯಂಟ್‌ ಡ್ರೈವಿಂಗ್ ಮೋಡ್‌ಗಳಲ್ಲಿ ಜೆಸ್ಟ್ ಎಂಟ್ರಿ ಕೊಡಲಾಗಿದೆ. ಹಾಗೆಯೇ ಡೀಸೆಲ್ ಆಟೋಮ್ಯಾಟಿಕ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಆವೃತ್ತಿಯನ್ನು ಎದುರು ನೋಡಲಾಗುತ್ತಿದೆ.

ಟಾಟಾ ಜೆಸ್ಟ್ ರಿಂಗ್‌ಟೋನ್ ಡೌನ್‌ಲೋಡ್ ಮಾಡಿರಿ

http://tatamotorszest.com/download-gallery.php

ಟಾಟಾ ಬೋಲ್ಟ್ ರಿಂಗ್‌ಟೋನ್ ಡೌನ್‌ಲೋಡ್ ಮಾಡಿರಿ

http://tatamotorsbolt.com/download-gallery.php