ಪ್ರಯಾಣದ ವೇಳೆ ಮಂಜು ಸಮಸ್ಯೆಯೇ? ಕಾರಿನ ವಿಂಡ್‌ಶೀಲ್ಡ್ ಡಿಫಾಗ್ ಮಾಡಲು ಸಿಂಪಲ್ ಟಿಪ್ಸ್

ನಮ್ಮಲ್ಲಿ ಹಲವರು ಬಹುಶಃ ಮಳೆಯಲ್ಲಿ ಕಾರ್ ಪ್ರಯಾಣಗಳನ್ನು ಇಷ್ಟಪಡುತ್ತಾರೆ. ಆದರೆ ಮಳೆಗಾಲದಲ್ಲಿ ಕಾರಿನ ವಿಂಡ್ ಶೀಲ್ಡ್ ಮೇಲಿರುವ ಮಂಜು ಚಾಲಕನಿಗೆ ಆಗಾಗ ಕಿರಿಕಿರಿ ಉಂಟುಮಾಡುತ್ತದೆ.

ಹೊಸ ಕಾರುಗಳಲ್ಲಿ ಇದು ಸಮಸ್ಯೆಯಾಗದಿದ್ದರೂ, ಕೆಲವೊಮ್ಮೆ ಹಳೆಯ ಕಾರುಗಳನ್ನು ಬಳಸುವವರಿಗೆ ವಿಂಡ್‌ಶೀಲ್ಡ್‌ನಲ್ಲಿ ಮಂಜನ್ನು ನಿವಾರಿಸುವುದು ಕಷ್ಟವಾಗುತ್ತದೆ. ಮಳೆಗಾಲ ಮತ್ತು ಚಳಿಗಾಲದಲ್ಲಿ ಕಾರಿನ ವಿಂಡ್‌ಶೀಲ್ಡ್‌ಗಳು ಮಂಜು ಕವಿಯುವುದು ತುಂಬಾ ಸಾಮಾನ್ಯವಾಗಿದೆ.

image for representation purposes only
ಮಂಜು ಕೂರುವುದರಿಂದ ವಿಂಡ್‌ಶೀಲ್ಡ್ ಗೋಚರತೆಯು ತುಂಬಾ ಮಂಕಾಗುತ್ತದೆ. ಇದು ಸಖತ್ ಕಿರಿಕಿರಿಯುಂಟುಮಾಡುವುದಲ್ಲದೆ, ಡ್ರೈವರ್‌ನ ನೋಟಕ್ಕೆ ಅಡ್ಡಿಯಾಗುವುದರಿಂದ ಸುರಕ್ಷತೆಯ ಮೇಲೂ ಪರಿಣಾಮ ಬೀರುತ್ತದೆ. ಇದಕ್ಕೆ ಮುಖ್ಯ ಕಾರಣ ಕಾರಿನ ಒಳ ಮತ್ತು ಹೊರಭಾಗದ ತೇವಾಂಶ ಮತ್ತು ತಾಪಮಾನದಲ್ಲಿನ ವ್ಯತ್ಯಾಸದಿಂದ ಹೀಗಾಗುತ್ತದೆ. ತಣ್ಣನೆಯ ಗಾಜಿನ ಜೊತೆಗೆ, ಆಂತರಿಕ ತಾಪಮಾನದೊಂದಿಗೆ ಬಾಹ್ಯ ಸಂಪರ್ಕವು ವಿಂಡ್ ಷೀಲ್ಡ್‌ನಲ್ಲಿ ಫಾಗಿಂಗ್‌ಗೆ ಕಾರಣವಾಗುತ್ತದೆ.

ಹೊರಗಿನ ಗಾಳಿಯು ಕಾರಿನ ವಿಂಡ್‌ಶೀಲ್ಡ್‌ನೊಂದಿಗೆ ಸಂಪರ್ಕಕ್ಕೆ ಬಂದಾಗ, ಅದು ಹಬೆಯನ್ನು ಬಿಡುಗಡೆ ಮಾಡಿ ಘನೀಕರಿಸುತ್ತದೆ. ಆಗ ಕಾರಿನೊಳಗೆ ಎಸಿ ಆನ್ ಆಗಿದ್ದರೆ, ಕ್ಯಾಬಿನ್ ಮತ್ತು ಹೊರಭಾಗದ ನಡುವಿನ ತಾಪಮಾನ ವ್ಯತ್ಯಾಸವು ಬದಲಾಗುತ್ತದೆ. ಹಾಗಾಗಿ ವಿಂಡ್ ಶೀಲ್ಡ್ ಫಾಗಿಂಗ್ ಅನ್ನು ಕಾರ್ ಎಸಿ ಮೂಲಕವೂ ನಿವಾರಿಸಬಹುದು. ಕಾರಿನಲ್ಲಿನ AC ಮತ್ತು ಇತರ ವಿಧಾನಗಳನ್ನು ಬಳಸಿಕೊಂಡು ನಿಮ್ಮ ಕಾರಿನ ವಿಂಡ್‌ಶೀಲ್ಡ್ ಅನ್ನು ಡಿಫಾಗ್ ಮಾಡಲು ಅನುಸರಿಸುವ ಕೆಲವು ಸರಳ ಹಂತಗಳು ಇಲ್ಲಿವೆ.

AC ತಾಪಮಾನವನ್ನು ಹೆಚ್ಚಿಸಿ
ಕಾರಿನ ಕ್ಯಾಬಿನ್ ಒಳಗೆ AC ಹೀಟಿಂಗ್ ಹೆಚ್ಚಿಸುವುದರಿಂದ ವಿಂಡ್ ಶೀಲ್ಡ್ ಅನ್ನು ಡಿಫಾಗ್ ಮಾಡಲು ಒಂದು ಸುಲಭ ಮಾರ್ಗವಾಗಿದೆ. ಇದು ಬಿಸಿ ಗಾಳಿಯನ್ನು ಕ್ಯಾಬಿನ್‌ಗೆ ಬೀಸುತ್ತದೆ, ವಿಂಡ್‌ಷೀಲ್ಡ್ ಫಾಗ್ ಅನ್ನು ಒಡೆದು ತಾಪಮಾನವನ್ನು ಹೆಚ್ಚಿಸುತ್ತದೆ. ಕಾರಿನ ಹೀಟರ್ ಮತ್ತು ವಿಂಡ್‌ಶೀಲ್ಡ್‌ನ ಕೆಳಭಾಗದಲ್ಲಿರುವ ದ್ವಾರಗಳನ್ನು ಬಳಸಿ ಇದನ್ನು ಮಾಡಬಹುದು. ವಿಶೇಷವಾಗಿ ಮಳೆಗಾಲದಲ್ಲಿ ಹೊರಗಿನ ಗಾಜಿನ ಮೇಲೆ ಘನೀಕರಣವನ್ನು ತಡೆಗಟ್ಟಲು ಇದು ಉತ್ತಮ ಮಾರ್ಗವಾಗಿದೆ.

ಸ್ವಲ್ಪ ಸಮಯದವರೆಗೆ ಕಿಟಕಿ ತೆರೆದಿಡಿ
ಹೊರಗಿನ ತೇವಾಂಶವು ಕಾರಿನ ಕ್ಯಾಬಿನ್‌ಗಿಂತ ಕಡಿಮೆಯಿದ್ದರೆ ಕ್ಯಾಬಿನ್ ಒಳಗೆ ನೀರಿನ ಪ್ರಮಾಣವನ್ನು ಹೆಚ್ಚಿಸುತ್ತದೆ. ಒಂದು ಅಥವಾ ಹೆಚ್ಚಿನ ಕಾರಿನ ಕಿಟಕಿಗಳನ್ನು ತೆರೆಯುವ ಮೂಲಕ ಇದನ್ನು ಕಡಿಮೆ ಮಾಡಬಹುದು. ಹೀಗೆ ಮಾಡುವುದರಿಂದ ಕಾರಿನೊಳಗೆ ಗಾಳಿಯು ಮುಕ್ತವಾಗಿ ಸಂಚರಿಸಲು ಅನುವು ಮಾಡಿಕೊಡುತ್ತದೆ. ಇದು ಕಾರ್ ಕ್ಯಾಬಿನ್‌ನೊಳಗಿನ ಮಂಜನ್ನು ತ್ವರಿತವಾಗಿ ಕಡಿಮೆ ಮಾಡಿ ವಿಂಡ್‌ಶೀಲ್ಡ್‌ನಲ್ಲಿನ ಮಂಜನ್ನು ನಿವಾರಿಸುತ್ತದೆ.

AC ಅನ್ನು ಡಿಹ್ಯೂಮಿಡಿಫೈಯರ್ ಆಗಿ ಬಳಸಿ
ಕಾರ್ ಕ್ಯಾಬಿನ್ ಒಳಗೆ ಎಸಿಯನ್ನು ಡಿಹ್ಯೂಮಿಡಿಫೈಯರ್ ಆಗಿ ಬಳಸಬಹುದು. ಇತ್ತೀಚೆಗೆ ಬಿಡುಗಡೆಯಾಗಿರುವ ಹೆಚ್ಚಿನ ಆಧುನಿಕ ಕಾರುಗಳು ಕ್ಲೈಮೆಟ್ ಕಂಟ್ರೋಲ್ ಆಧುನಿಕ ವೈಶಿಷ್ಟ್ಯದೊಂದಿಗೆ ಬರುತ್ತವೆ. ಇದರ ಮೂಲಕ ಡಿಫ್ರಾಸ್ಟ್ ಸೆಟ್ಟಿಂಗ್‌ಗಳಿಗೆ ಬದಲಾಯಿಸುವ ಮೂಲಕ AC ಸಿಸ್ಟಮ್‌ಗಳನ್ನು ಆಟೋಮ್ಯಾಟಿಕ್ ಆಗಿ ಆನ್ ಮಾಡಲು ಇದು ಅನುಮತಿಸುತ್ತದೆ. ಕ್ಯಾಬಿನ್ ಒಳಗೆ ಬೆಚ್ಚಗಿನ ಗಾಳಿಯನ್ನು ಬಯಸಿದರೆ AC ಮೊದಲು ಆಂತರಿಕ ಗಾಳಿಯನ್ನು ಡಿಹ್ಯೂಮಿಡಿಫೈ ಮಾಡುತ್ತದೆ.

ನಂತರ ಹೀಟರ್‌ನಿಂದ ಶಾಖದ ಗಾಳಿ ಬರುತ್ತದೆ. AC ಅನ್ನು ಆನ್ ಮಾಡಿ ಮತ್ತು ಕೂಲಿಂಗ್ ಮೋಡ್‌ಗೆ ಹೊಂದಿಸಿದರೆ, ವಿಂಡ್‌ಶೀಲ್ಡ್‌ನಲ್ಲಿರುವ ತಂಪಾದ ಗಾಳಿಯು ತೇವಾಂಶವನ್ನು ನಿಧಾನವಾಗಿ ತೆಗೆದುಹಾಕುತ್ತದೆ, ಏಕೆಂದರೆ ತಂಪಾದ ಗಾಳಿಯು ಬೆಚ್ಚಗಿನ ಗಾಳಿಯಷ್ಟು ನೀರನ್ನು ಹಿಡಿದಿಟ್ಟುಕೊಳ್ಳುವುದಿಲ್ಲ. ಇದನ್ನು ಒಮ್ಮೆ ನೀವು ಅನುಸರಿಸಿದರೆ ಖಂಡಿತವಾಗಿಯು ಉಪಯುಕ್ತವಾಗಿರುವುದನ್ನು ನೀವು ಅರಿಯಬಹದು.

ಎಂಜಿನ್ ತಾಪಮಾನವನ್ನು ಬಳಸಿ
ಎಂಜಿನ್ ತಾಪಮಾನವು ಸುಮಾರು 90 ಡಿಗ್ರಿ ಸೆಲ್ಸಿಯಸ್ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಇದು ಕಾರಿನ ವಿಂಡ್‌ಶೀಲ್ಡ್ ಅನ್ನು ತ್ವರಿತವಾಗಿ ಮತ್ತು ನಿಖರವಾಗಿ ಡಿಫೊ ಮಾಡಲು ಅನುಮತಿಸುತ್ತದೆ. ಎಂಜಿನ್ ತಾಪಮಾನದೊಂದಿಗೆ ಸಂಯೋಜಿಸಿ, ಹವಾನಿಯಂತ್ರಣ ವ್ಯವಸ್ಥೆಯು ವಿಂಡ್‌ಸ್ಕ್ರೀನ್ ಅನ್ನು ಡಿಫಾಗ್ ಮಾಡಲು ಸುಲಭವಾಗುತ್ತದೆ. ಕಾರಿನ ವಿಂಡ್‌ಶೀಲ್ಡ್‌ನಿಂದ ಮಂಜನ್ನು ಕೈಯಿಂದ ಒರೆಸುವುದು ತಪ್ಪು, ಏಕೆಂದರೆ ಇದರಿಂದ ಗಾಜು ಕೊಳಕಾಗುವ ಸಾಧ್ಯತೆ ಇರುವುದಿಂದ ಎಂದೂ ಇದನ್ನು ಮಾಡಬೇಡಿ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲದ್ದರೇ ಕೂಡಲೇ ನಿಮ್ಮ ನೆಚ್ಚಿನ ಆಟೋ ಸುದ್ದಿಗಳನ್ನು ಪಡಿಯಬಹುದು.