ಮಾರಿ ಕಣ್ಣು ಹೋರಿ ಮ್ಯಾಗೆ, ನಿಮ್ಮ ಕಣ್ಣು..?

ನಿಮ್ಮ ಕಣ್ಣು ರಸ್ತೆ ಮೇಲಿರಲಿ: ಕೆಲವರು ಕಾರು ಚಲಾಯಿಸುತ್ತಿರುವಾಗ ಚಂಚಲರಾಗುತ್ತಾರೆ. ರಸ್ತೆಯನ್ನು ದಿಟ್ಟಿಸಿನೋಡುವುದು ಸಾಕೆನಿಸಿ ಗಮನವನ್ನು ಎತ್ತೆತ್ತಲೋ ಹರಿಸುತ್ತಾರೆ. ಕೆಲವೊಮ್ಮೆ ಕಣ್ಣು ರಸ್ತೆಯನ್ನು ನೋಡುತ್ತಿದ್ದರೂ ಯಾವುದೋ ಲೋಕದಲ್ಲಿ ಇರುತ್ತಾರೆ. ಕಾರು ಡ್ರೈವಿಂಗ್ ಮಾಡುವಾಗ ಕಲ್ಪನಾ ಲೋಕಕ್ಕೆ ಜಾರಿ ಹೋಗಬಾರದು.

ಡ್ರೈವಿಂಗ್ ಮಾಡುವಾಗ ಪ್ರಮುಖ ಅಗತ್ಯ ವಸ್ತುಗಳನ್ನು ಕೈಗೆಟುಕುವಷ್ಟು ಹತ್ತಿರದಲ್ಲಿಡಿ (ಸನ್ ಗ್ಲಾಸ್, ನೀರಿನ ಬಾಟಲು ಇತ್ಯಾದಿ). ಡ್ರೈವಿಂಗ್ ಮಾಡುತ್ತಲೇ ಹಿಂದಿನ ಸೀಟಿನಲ್ಲಿರುವ ಬ್ಯಾಗ್ ತೆರೆಯುವುದು ಸಲ್ಲದು. ಆಗಾಗ ಎಫ್ಎಂ ಸ್ಟೇಷನ್ ಬದಲಾಯಿಸುತ್ತ, ಸಿಡಿ ಬದಲಾಯಿಸುತ್ತ ರಸ್ತೆ ಮೇಲಿನ ಗಮನವನ್ನು ಕಳೆದುಕೊಳ್ಳದಿರಿ. ಎಚ್ಚರಿಕೆಯಿಂದ ಡ್ರೈವಿಂಗ್ ಮಾಡಿರಿ (ದಿನಕ್ಕೊಂದು ಸಲಹೆ)