ನಿಮ್ಮ ಪ್ರಯಾಣ ಸುರಕ್ಷಿತವಾಗಿರಬೇಕಾದರೆ.....

ವಾಹನ ಚಲಾಯಿಸುವಾಗ ವೇಗದ ಮಿತಿಯನ್ನು ಕಾಪಾಡಿಕೊಳ್ಳಿ. ವಾಹನ ಸ್ಥಿರತೆಯಿಂದ ಚಲಾಯಿಸಲು ಸಾಧ್ಯವಾಗುವ ವೇಗ ಕಾಪಾಡಿಕೊಳ್ಳಿ. ಅತೀ ವೇಗ ತಿಥಿ ಬೇಗ ನೆನಪಿರಲಿ.

ಎಚ್ಚರಿಕೆಯಿಂದ ಪ್ರಯಾಣಿಸಿ. ರಸ್ತೆ ಬದಿಯಲಿ ಇರುವ ಸಿಗ್ನಲ್ ಗಳ ಕುರಿತು ಗಮನವಿರಲಿ. ಅಂದರೆ ಮುಂದೆ ತಿರುವು ಇದೆ ಇತ್ಯಾದಿ ಸೂಚನೆಗಳನ್ನು ನೋಡಿಕೊಂಡು ವಾಹನದ ವೇಗ ಕಡಿಮೆಮಾಡಿಕೊಳ್ಳಿ. ಆಗಾಗ ಸೈಡ್ ಮಿರರ್ ನೋಡಿಕೊಳ್ಳಿ. ಪಾದಚಾರಿಗಳು ಸಂಚರಿಸುವ ಸ್ಥಳಗಳಲ್ಲಿ ಎಚ್ಚರಿಕೆಯಿಂದ ಡ್ರೈವಿಂಗ್ ಮಾಡಿ.

ಸಿಗ್ನಲ್ ಲೈಟ್: ಸಿಗ್ನಲ್ ಲೈಟ್ ಸಮರ್ಪಕವಾಗಿ ಬಳಸಿ. ರೈಟ್ ಇಂಡಿಕೇಟರ್, ಬೀಮ್ ಇತ್ಯಾದಿಗಳ ಮೇಲೆ ಗಮನವಿರಲಿ. ಸರಿಯಾದ ಸಮಯಕ್ಕೆ ಬ್ರೇಕ್ ಹಾಕಿ. ಎಡ ಅಥವಾ ಬಲಭಾಗಕ್ಕೆ ತಿರುಗಬೇಕಿದ್ದರೆ ವಾಹನವನ್ನು ಮುಂಚಿತವಾಗಿಯೇ ನಿಧಾನ ಮಾಡಿ ಬ್ರೇಕ್ ಬಳಸಿರಿ. (ದಿನಕ್ಕೊಂದು ಸಲಹೆ)