ಸಾಗರವೆಂಬ ಮಾಯಾಲೋಕದಲ್ಲಿ ಜಲಾಂತರ್ಗಾಮಿ ಪ್ರವಾಸ

ಸಾಗರವೆಂಬ ವಿಸ್ಮಯ ನಗರಿಗೆ ನೀವು ಕಾಲಿಡಬಹುದು. ಅದು ಹೇಗೆ ಅಂತೀರಾ? ಹೌದು, ಪೂರ್ವ ಕೆರೆಬಿಯನ್ ದ್ವೀಪ ರಾಷ್ಟ್ರದಲ್ಲಿ ಇಂತಹದೊಂದು ಕನಸನ್ನು ನನಸಾಗಿಸುವಲ್ಲಿ ಅಟ್ಲಾಂಟಿಸ್ ಸಬ್ ಮರೈನ್ ಯಶಸ್ವಿಯಾಗಿದೆ.

ಬಾರ್ಬಡೋಸ್ ಉತ್ತರ ಅಮೆರಿಕದ ಪುಟ್ಟ ದ್ವೀಪವಾಗಿದ್ದು, ಉತ್ತರ ಅಟ್ಲಾಂಟಿಕ್‌ನ ಪಶ್ಛಿಮ ಭಾಗದಲ್ಲಿ ಸ್ಥಿತಗೊಂಡಿದೆ. ಪ್ರಸ್ತುತ ದ್ವೀಪವೀಗ ನೆಚ್ಚಿನ ಜಲಾಂತರ್ಗಾಮಿ ಪ್ರವಾಸಿ ತಾಣವಾಗಿ ಮಾರ್ಪಟ್ಟಿದೆ.

ಇಲ್ಲಿಗೆ ಬರುವ ಪ್ರವಾಸಿಗಳಿಗಾಗಿ ಅಟ್ಲಾಂಟಿಸ್ ಜಲಾಂತರ್ಗಾಮಿ ಸಾಗರದೊಳಗೆ ವಿಶೇಷ ಪ್ರವಾಸವನ್ನು ಏರ್ಪಡಿಸುತ್ತಿದೆ.

ಅಟ್ಲಾಂಟಿಸ್ ಜಲಾಂತರ್ಗಾಮಿ ನೈಜವಾದ ಅನನ್ಯ, ವಿನೋದ, ಕುಟುಂಬ ಸ್ನೇಹಿ, ನೈಸರ್ಗಿಕ ನೀರಿನ ಕೆರಿಬಿಯನ್ ಸಾಹಸಗಳನ್ನು ನೀಡುತ್ತದೆ.

ಇಲ್ಲಿ ಸಬ್ ಮರೈನ್ ಡೇ ಡ್ರೈವ್, ಸಬ್ ಮರೈನ್ ನೈಟ್ ಡ್ರೈವ್, ಖಾಸಗಿ ಪ್ರವಾಸ, ಕ್ರೂಸ್ ಗೆಸ್ಟ್ ಮುಂತಾದ ವಿಶೇಷ ಪ್ಯಾಕೇಜ್ ಗಳನ್ನು ಒದಗಿಸುತ್ತಿದೆ.

ವಿವಾಹದ ಬಳಿಕ ಹೊಸದಾಗಿ ವೈವಾಹಿಕ ಜೀವನಕ್ಕೆ ಕಾಲಿರಿಸುತ್ತಿರುವ ನವದಂಪತಿಗೆ ಪರಿಪೂರ್ಣ ಮಧುಚಂದ್ರದ ಪ್ರವಾಸದ ಅನುಭವ ಇಲ್ಲಿ ದೊರೆಯುತ್ತದೆ.

ವರದಿಗಳ ಪ್ರಕಾರ ಜಗತ್ತಿನೆಲ್ಲೆಡೆಯಿಂದ ಇಲ್ಲಿಗೆ ಭೇಟಿ ಕೊಡುತ್ತಿರುವ ಪ್ರವಾಸಿಗರ ಸಂಖ್ಯೆಯಲ್ಲಿ ವರ್ಷದಿಂದ ವರ್ಷಕ್ಕೆ ಹೆಚ್ಚಾಗುತ್ತಲೇ ಇದೆ. ಈ ಮೂಲಕ ಜಲಾಂತರ್ಗಾಮಿ ಪಯಣವನ್ನು ಸ್ಮರಣೀಯವಾಗಿಸಬಹುದಾಗಿದೆ.

ಕೇವಲ ಬಾರ್ಬಡೋಸ್ ನಲ್ಲಿ ಮಾತ್ರವಲ್ಲದೆ ಅಟ್ಲಾಂಟಿಸ್ ಸಬ್ ಮರೈನ್, ಗ್ರಾಂಡ್ ಕೇಮ್ಯಾನ್, ಅರುಬಾ, ಗುಯಾಮ್, ಸೈಂಟ್ ಥಾಮಸ್, ಕೊಝುಮೆಲ್ ಮತ್ತು ಹವಾಯಿ ದ್ವೀಪದಲ್ಲೂ ತನ್ನ ಸೇವೆಯನ್ನು ಒದಗಿಸುತ್ತಿದೆ.

ಇದುವರೆಗೆ 12 ಮಿಲಿಯನ್ ಗಿಂತಲೂ ಹೆಚ್ಚು ಮಂದಿ ಪ್ರಯಾಣಿಕರು ಅಂಟ್ಲಾಟಿಂಸ್ ಜಲಾಂತರ್ಗಾಮಿ ಪ್ರವಾಸದ ರುಚಿ ಅನುಭವಿಸಿದ್ದಾರೆ. ನೀರಿನೊಳಗಿನ ಪಯಣ ಇದರ ಪ್ರಮುಖ ವೈಶಿಷ್ಟ್ಯವಾಗಿದೆ.

ಒಟ್ಟಿನಲ್ಲಿ ಸಾಗರದೊಳಗೆ ಇಂತಹ ಜಲಾಂತರ್ಗಾಮಿಯಲ್ಲಿ ಪ್ರವಾಸ ಕೈಗೊಳ್ಳುವ ಮೂಲಕ ನೀವು ನಿಮ್ಮ ಕನಸನ್ನು ನನಸಾಗಿಸಿಕೊಳ್ಳಬಹುದಾಗಿದೆ.

ನಿಗೂಢ ರಹಸ್ಯ ಭೇದಿಸಿದ ಆಫ್ರಿಕಾದ ಹಡಗು ಸ್ಮಶಾನ