ಮಗದೊಂದು 'ಡಕಾರ್' ಅಗ್ನಿಪರೀಕ್ಷೆಗೆ ನಮ್ಮೂರಿನ ಹುಡುಗ ಸಂತೋಷ್ ರೆಡಿ

ಕಳೆದ ವರ್ಷ ಡಕಾರ್ ರಾಲಿಯಲ್ಲಿ ಭಾಗವಹಿಸಿದ ಚುಂಚನಗುಪ್ಪೆ ಶಿವಶಂಕರ್ ಸಂತೋಷ್, ವಿಶ್ವದ ಅತ್ಯಂತ ಕಠಿಣ ಕ್ರಾಸ್ ಕಂಟ್ರಿ ಡಕಾರ್ ರಾಲಿಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ ಪ್ರಪ್ರಥಮ ಭಾರತೀಯನೆಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದರು. ಇದಕ್ಕೂ ಮೊದಲು ಇದೇ ಸಾಹಸಮಯ ರಾಲಿಯಲ್ಲಿ ಭಾಗವಹಿಸಿದ ಚೊಚ್ಚಲ ಭಾರತೀಯನೆಂಬ ಗೌರವಕ್ಕೂ ಪಾತ್ರವಾಗಿದ್ದರು.

ಈ ಬಾರಿ ಅಂದರೆ 2016ನೇ ವರ್ಷಾರಂಭದಲ್ಲಿ ನಡೆಯಲಿರುವ ಡಕಾರ್ ರಾಲಿಯಲ್ಲಿ ಸಂತೋಷ್ ಸುಜುಕಿ 450 ರಾಲಿ ಮೋಟಾರ್ ಸೈಕಲ್ ನಲ್ಲಿ ಕಣಕ್ಕಿಳಿಯಲಿದ್ದಾರೆ. ಅವರ ಈ ಸಾಹಸ ಸ್ಪರ್ಧೆಗೆ ರೆಡ್ ಬುಲ್ ಇಂಡಿಯಾ ಹಾಗೂ ಸಿಯೆಟ್ ಟೈರ್ ಪ್ರಾಯೋಜಕತ್ವ ವಹಿಸಲಿದೆ.

ಕಳೆದ ಬಾರಿ 165ಕ್ಕೂ ಹೆಚ್ಚು ಸ್ಪರ್ಧಾಳುಗಳು ಭಾಗವಹಿಸಿದ್ದರು. ಈ ಬಾರಿಯೂ ಸಂತೋಷ್ 52 ಎಂಬ ಸ್ಪರ್ಧಾ ಸಂಖ್ಯೆಯೊಂದಿಗೊ ರಾಲಿಗಿಳಿಯಲಿದ್ದಾರೆ. ಅವರು ಕಳೆದ ಬಾರಿ ಕೆಟಿಎಂ 450 ಬೈಕ್ ಬಳಕೆ ಮಾಡಿದ್ದರು.

ವಿಶ್ವ ವಿಖ್ಯಾತ ಕ್ರಾಸ್ ಕಂಟ್ರಿ ಡಕಾರ್ ರಾಲಿ ಅರ್ಜೇಂಟೀನಾ, ಚಿಲಿ ಹಾಗೂ ಬೊಲಿವಿಯಾದ ಅತ್ಯಂತ ಕಠಿಣ ಪ್ರದೇಶಗಳಲ್ಲಿ ಆಯೋಜನೆಯಾಗುತ್ತಿದೆ. ಇದರಂತೆ ಅಮೋಘ ದೈಹಿಕ ಜೊತೆಗೆ ಮಾನಸಿಕ ಬಲ ತೋರ್ಪಡಿಸಿರುವ ಸಂತೋಷ್ ಅಂತಿಮವಾಗಿ ರೇಸ್ ಪೂರ್ಣಗೊಳಿಸಿರುವ 79 ಸ್ಪರ್ಧಿಗಳಲ್ಲಿ ಓರ್ವರೆನಿಸಿಕೊಂಡಿದ್ದರು.

ಕಳೆದ ಬಾರಿ ಜನವರಿ 5ರಿಂದ 17ರ ವೆರೆಗೆ ಸಾಗಿದ ಡಕಾರ್ ರಾಲಿಯಲ್ಲಿ ಸಂತೋಷ್ ಬರೋಬ್ಬರಿ 9,295 ಕೀ.ಮೀ. ಹಾದಿಯನ್ನು ಕ್ರಮಿಸಿದ್ದರು. ಅಲ್ಲದೆ 36ನೇಯವರಾಗಿ ಗುರಿ ಮುಟ್ಟಿದ್ದ ಸಂತೋಷ್ ಈ ದೂರವನ್ನು 60 ತಾಸು, 39 ನಿಮಿಷ ಹಾಗೂ 20 ಸೆಕೆಂಡುಗಳಲ್ಲಿ ತಲುಪಿದ್ದರು.

2015 ಡಕಾರ್ ರಾಲಿಯಲ್ಲಿ ಸಂತೋಷ್ ಸಾಧನೆ:

1ನೇ ಹಂತ: 85

ಒಟ್ಟಾರೆ ರಾಂಕಿಂಗ್: 85

2ನೇ ಹಂತ: 49

ಒಟ್ಟಾರೆ ರಾಂಕಿಂಗ್: 49

3ನೇ ಹಂತ: 68

ಒಟ್ಟಾರೆ ರಾಂಕಿಂಗ್: 53

4ನೇ ಹಂತ: 58

ಒಟ್ಟಾರೆ ರಾಂಕಿಂಗ್: 50

5ನೇ ಹಂತ:

55 ಒಟ್ಟಾರೆ ರಾಂಕಿಂಗ್: 51

6ನೇ ಹಂತ: 64

ಒಟ್ಟಾರೆ ರಾಂಕಿಂಗ್: 52

7ನೇ ಹಂತ: 65

ಒಟ್ಟಾರೆ ರಾಂಕಿಂಗ್: 49

8ನೇ ಹಂತ: 32

ಒಟ್ಟಾರೆ ರಾಂಕಿಂಗ್: 42

9ನೇ ಹಂತ: 55

ಒಟ್ಟಾರೆ ರಾಂಕಿಂಗ್: 42

10ನೇ ಹಂತ: 36

ಒಟ್ಟಾರೆ ರಾಂಕಿಂಗ್: 38

11ನೇ ಹಂತ: 32

ಒಟ್ಟಾರೆ ರಾಂಕಿಂಗ್: 36

12ನೇ ಹಂತ: 30

ಒಟ್ಟಾರೆ ರಾಂಕಿಂಗ್: 36

13ನೇ ಹಂತ: 51

ಒಟ್ಟಾರೆ ರಾಂಕಿಂಗ್: 36

2015 ಡಕಾರ್ ರಾಲಿ: ಇತಿಹಾಸ ಬರೆದ ಸಂತೋಷ್