ದರ್ಶನ್ ಭಾಗ್ಯರೇಖೆ ಬದಲಾಯಿಸಿದ ಬುಲ್ ಬುಲ್

ದುಬಾರಿ ಬೈಕ್ ತಮ್ಮದಾಗಿಸಿಕೊಳ್ಳುವುದು ದರ್ಶನ್ ಕನಸಾಗಿತ್ತು. ಇದೇ ಕಾರಣಕ್ಕಾಗಿ ಹರ್ಲಿ ಡೇವಿಡ್ಸನ್ ಬೈಕ್ ಉಡುಗೊರೆಯಾಗಿ ನೀಡಲಾಗುತ್ತಿದೆ ಎಂದು ದಿನಾಕರ್ ತಿಳಿಸಿದ್ದಾರೆ.

ಸ್ವಿಜರ್ಲೆಂಡ್‌ನಲ್ಲಿ ಬುಲ್ ಬುಲ್ ಚಿತ್ರದ ಶೂಟಿಂಗ್ ವೇಳೆಯೂ ದರ್ಶನ್ ಗಮನ ಪೂರ್ತಿ ಬೈಕ್ ಮೇಲಿತ್ತು. ಅಷ್ಟೇ ಅಲ್ಲದೆ ಹಾಡುಗಾರ ಕವಿರಾಜ್ ಜತೆಸೇರಿ ಗಂಟೆಗಟ್ಟಲೆ ಬೈಕ್ ನೋಡುವುದರಲ್ಲೇ ಕಾಲ ಕಳೆದಿದ್ದರು.

ಅಂದ ಹಾಗೆ ದರ್ಶನ್ ಜನ್ಮದಿನವಾದ ಫೆಬ್ರವರಿ 16ಕ್ಕೆ ಬೈಕ್ ಉಡುಗೊರೆ ನೀಡುವುದು ಚಿತ್ರ ತಂಡದ ಉದ್ದೇಶವಾಗಿತ್ತು. ಆದರೆ ದುಡ್ಡನ್ನೆಲ್ಲ ಚಿತ್ರದಲ್ಲಿ ಹೂಡಿಕೆ ಮಾಡಿದ್ದರಿಂದ ಅಂದು ಸಾಧ್ಯವಾಗಿರಲಿಲ್ಲ. ಇದೀಗ ಬುಲ್ ಬುಲ್ ಚಿತ್ರ ಯಶಸ್ವಿ 50 ದಿನಗಳನ್ನು ಕಾಲಿರಿಸಿದ ಬಳಿಕ ಜುಲೈ 12ರಂದು ನೂತನ ಬೈಕ್ ಹಸ್ತಾಂತರಿಸಲಾಗುತ್ತಿದೆ.

ಹರ್ಲಿ ಡೇವಿಡ್ಸನ್ ಹೆರಿಟೇಜ್ ಸಾಫ್ಟೈಲ್ ಬೈಕ್ ಏರ್ ಕೂಲ್ಡ್ ಟ್ವಿನ್ ಕ್ಯಾಮ್ 103ಬಿ ಎಂಜಿನ್ ಹೊಂದಿದೆ. ಅಲ್ಲದೆ ಇದರಲ್ಲಿ ಕಸ್ಟಮೈಸ್ಡ್ ಮಾಡುವ ಆಯ್ಕೆಗಳಿವೆ.

ಕೆಲವು ತಿಂಗಳುಗಳ ಹಿಂದೆಯಷ್ಟೇ ಸ್ಯಾಂಡಲ್‌ವುಡ್ ನಟ ಸುದೀಪ್ ಕೂಡಾ ಹರ್ಲಿ ಡೇವಿಡ್ಸನ್ ಬೈಕ್ ತಮ್ಮದಾಗಿಸಿಕೊಂಡಿದ್ದರು.

ಇವನ್ನೂ ಓದಿ: ಒಲವಿನ ದೊರೆಗೆ ಪ್ರೇಮದ ಉಡುಗೊರೆ

ಇವನ್ನೂ ಓದಿ: ಆವೇಶದ ಹಮ್ಮರ್ ಹಮ್ಮೀರ ದರ್ಶನ್ ತೂಗುದೀಪ

ಇವನ್ನೂ ಓದಿ: ಆಭರಣ ಅಂಗಡಿಗೆ ಫಾರ್ಚ್ಯುನರ್‌ನಲ್ಲಿ ಬಂದ ದರ್ಶನ್