ಲಂಬೋ ಹೋಲುವ ನಕಲಿ ಕಾರು ನಿರ್ಮಿಸಿದ ಅಪ್ಪಟ ವಾಹನ ಪ್ರೇಮಿ

ಇಟಲಿಯ ಅತಿ ಶ್ರೇಷ್ಠ ಸೂಪರ್ ಕಾರು ನಿರ್ಮಾಣ ಸಂಸ್ಥೆಗಳಲ್ಲಿ ಲಂಬೋರ್ಗಿನಿ ಒಂದಾಗಿದೆ. ಅಲ್ಲದೆ ಜಗತ್ತಿನಾದ್ಯಂತ ಭಾರಿ ವಾಹನ ಪ್ರೇಮಿಗಳನ್ನು ತನ್ನತ್ತ ಸೆಳೆದಿದೆ.

By Nagaraja

Published: Monday, November 14, 2016, 15:51 [IST]

ಸೂಪರ್ ಕಾರುಗಳು ಕೋಟಿ ಗಟ್ಟಲೆ ರುಪಾಯಿಗಳಷ್ಟು ಬೆಲೆ ಬಾಳುವುದರಿಂದ ಜನ ಸಾಮಾನ್ಯರಿಗೆ ಕೈಗೆಟುಕುವುದು ಕಷ್ಟದ ಮಾತಾಗಿದೆ. ಇಂತಹ ಕಾರುಗಳನ್ನು ಖರೀದಿಸುವ ಯೋಚನೆಯನ್ನು ಬಿಟ್ಟು ಒಮ್ಮೆಯಾದರೂ ಚಾಲನೆ ಮಾಡುವ ಆಸೆ ಕೂಡಾ ಈಡೇರುವುದಿಲ್ಲ. ಹಾಗಿರುವಾಗ ಇಲ್ಲೊಬ್ಬ ವಾಹನ ಪ್ರೇಮಿ ನೈಜ ಸೂಪರ್ ಕಾರು ಗಿಟ್ಟಿಸಿಕೊಳ್ಳಲು ಸಾಧ್ಯವಾಗದಿದ್ದರೆ ಏನಂತೆ ? ಇದಕ್ಕೆ ಸಮಾನವಾದ ತದ್ರೂಪ ಕಾರನ್ನು ನಿರ್ಮಿಸಿ ಗಮನ ಸೆಳೆದಿದ್ದಾರೆ.

ಲಂಬೋ ಹೋಲುವ ನಕಲಿ ಕಾರು ನಿರ್ಮಿಸಿದ ಅಪ್ಪಟ ವಾಹನ ಪ್ರೇಮಿ

ದಕ್ಷಿಣ ಪೂರ್ವ ಯುರೋಪ್ ನಲ್ಲಿ ಸ್ಥಿತಗೊಂಡಿರುವ ರಿಪಬ್ಲಿಕ್ ಆಫ್ ಕೊಸೊವಾದ ಲಂಬೋರ್ಗಿನಿ ವಾಹನ ಪ್ರೇಮಿ ಡ್ರಿಟಾನ್ ಸೆಲ್ಮಾನಿ ಎಂಬವರೇ ನಕಲಿ ಕಾರನ್ನು ನಿರ್ಮಿಸಿ ಸುದ್ದಿಯಾಗಿದ್ದಾರೆ.

ಮೊದಲೇ ನೋಟಕ್ಕೆ ಥೇಟ್ ಲಂಬೋ ಕಾರಿನಂತೆ ಗೋಚರಿಸುತ್ತಿರುವ ಈ ಕಾರನ್ನು ವಾಹನ ತಜ್ಞರಿಂದ ಮಾತ್ರ ಕಂಡುಹಿಡಿಯಲು ಸಾಧ್ಯ.

ಕೌಶಲ್ಯ ಮತ್ತು ಬುದ್ಧಿವಂತಿಕೆಯಿದ್ದಲ್ಲಿ ದುಡ್ಡು ದೊಡ್ಡ ಸಮಸ್ಯೆಯೇ ಅಲ್ಲ ಎಂಬುದನ್ನಿಲ್ಲಿ ನಿರೂಪಿಸಿದ್ದಾರೆ. ಪರಿಣಾಮ ಲಂಬೋರ್ಗಿನಿ ಕಾರಿಗೆ ಹೋಲುವ ಆಕರ್ಷಕ ಕಾರು ಸಿದ್ಧಗೊಂಡಿದೆ.

ಇದರ ನಿರ್ಮಾದಲ್ಲಿ ಸಕೆಂಡ್ ಹ್ಯಾಂಡ್ ಮಿಟ್ಸುಬಿಸಿ ಎಕ್ಲಿಪ್ಸ್ ಸೇರಿದಂತೆ ಇತರೆ ಕಾರುಗಳ ಬಿಡಿಭಾಗಗಳನ್ನು ಬಳಕೆ ಮಾಡಲಾಗಿದೆ. ಹಾಗೆಯೇ ಮಿಟ್ಸುಬಿಸಿ ಗ್ಯಾಲೆಂಟ್ ಕಾರಿನ 3.0 ಲೀಟರ್ ಎಂಜಿನ್ ಜೋಡಿಸಲಾಗಿದೆ.