ಚೀನಾ ಚಂಡಮಾರುತ: ನದಿಯಲ್ಲಿ ಮುಳುಗಿದ ಹಡಗು; 400 ಪ್ರಯಾಣಿಕರು ನಾಪತ್ತೆ?

ಇದುವರೆಗೆ ಕ್ಯಾಪ್ಟನ್ ಹಾಗೂ ಮುಖ್ಯ ಎಂಜಿನಿಯರ್ ಸೇರಿದಂತೆ 50ಕ್ಕೂ ಹೆಚ್ಚು ಪ್ರಯಾಣಿಕರನ್ನು ರಕ್ಷಿಸಲಾಗಿದ್ದು, ಸುರಕ್ಷಿತವಾಗಿ ದಡ ಸೇರಿಸಲಾಗಿದೆ.

ಬಳಿಕ ಪ್ರತ್ಯಕ್ಷದರ್ಶಿ ಹಡಗಿನ ಕ್ಯಾಪ್ಟನ್ ನೀಡಿರುವ ಮಾಹಿತಿಯಂತೆ, ಪ್ರಭಾವಿ ಚಂಡಮಾರುತ ಬೀಸಿದ ಒಂದೆರಡು ನಿಮಿಷದಲ್ಲೇ ಹಡಗು ಮುಳುಗಿತ್ತು. ಇದರಿಂದಾಗಿ ಯಾತ್ರಿಕರಿಗೆ ಲೈಫ್ ಜಾಕೆಟ್ ಧರಿಸುವಷ್ಟು ಸಮಯ ಲಭಿಸದಂತಾಗಿದೆ.

ಪ್ರಾಥಮಿಕ ವರದಿಯ ಪ್ರಕಾರ ಹಡಗಿನಲ್ಲಿ ಯಾವುದೇ ತಾಂತ್ರಿಕ ತೊಂದರೆಗಳು ಕಾಣಿಸಿಕೊಂಡಿಲ್ಲ. ಹಾಗೆಯೇ ಹಡಗು ಅತಿಯಾದ ಭಾರವನ್ನಾಗಲಿ ಅಥವಾ ಅಗತ್ಯ ಜೀವ ರಕ್ಷಣೆಗೆ ಅಗತ್ಯ ಲೈಫ್ ಜಾಕೆಟ್ ಕೂಡಾ ಹೊಂದಿತ್ತು ಎಂಬುದು ತಿಳಿದು ಬಂದಿದೆ.

ಅಷ್ಟೇ ಯಾಕೆ ರಕ್ಷಣೆಗೊಳಗಾದವರೆಲ್ಲ ಲೈಫ್ ಜಾಕೆಟ್ ಧರಿಸಿರುವುದು ಕಂಡುಬಂದಿದ್ದು, ಪ್ರಕೃತಿ ವಿಕೋಪದಿಂದಾಗಿಯೇ ಇಷ್ಟು ದೊಡ್ಡ ವಿಪತ್ತು ಸಂಭವಿಸಿರುವುದು ಸ್ಪಷ್ಟವಾಗಿದೆ.

ಈಸ್ಟರ್ನ್ ಸ್ಟಾರ್ ಎಂಬ ಹಡಗು ಅಘಡಕ್ಕೀಡಾಗಿದೆ. ಇದು ಪೂರ್ವ ಚೀನಾದ ನಾಂಜಿಂಗ್‌ನಿಂದ (Nanjing) ನೈಋತ್ಯ ಚೀನಾದ ಚಾಂಗ್‌ಕಿಂಗ್‌ನತ್ತ (Chongqing) ಸಂಚರಿಸುತ್ತಿತ್ತು. ಇದರಲ್ಲಿ 406 ಪ್ರಯಾಣಿಕರು, 5 ಟ್ರಾವೆಲ್ ಸಲಹೆಗಾರರು ಹಾಗೂ 47 ಸಿಬ್ಬಂದಿಗಳಿದ್ದರು.

ಬಹುತೇಕರು ಪ್ರಯಾಣಿಕರು ಹಿರಿಯ ನಾಗರಿಕರಾಗಿದ್ದು, 50ರಿಂದ 80 ವರ್ಷ ಪ್ರಾಯವುಳ್ಳವರಾಗಿದ್ದಾರೆ. ಇವರೆಲ್ಲರೂ ಶಾಂಘೈ ಟ್ರಾವೆಲ್ ಏಜೆನ್ಸಿ ಏರ್ಪಡಿಸಿದ್ದ ಪ್ರವಾಸದಲ್ಲಿ ಭಾಗಿಯಾಗಿದ್ದರು ಎಂಬುದು ತಿಳಿದು ಬಂದಿದೆ. ಇದರಿಂದಾಗಿ ಸ್ವಯಂ ರಕ್ಷಣಾ ಕೂಡಾ ವಿಫಲವಾಗಿದೆ.

ಈಗಾಗಲೇ 50ರಷ್ಟು ರಕ್ಷಣಾ ಹಡಗುಗಳು, 1,000 ಮಿಲಿಟರಿ ಸಿಬ್ಬಂದಿಗಳು, 140 ವೈದ್ಯಕೀಯ ಸೇವೆ ಹಾಗೂ 30 ಅಂಬುಲೆನ್ಸ್ ಗಳು ರಕ್ಷಣಾ ಕಾರ್ಯಾಚರಣೆಯಲ್ಲಿ ತೊಡಗಿಸಿಕೊಂಡಿದೆ.

ಧಾರಾಕಾರ ಮಳೆ ಸುರಿಯುತ್ತಿರುವುದು, ಪ್ರಬಲವಾಗಿ ಗಾಳಿ ಬೀಸುವುದು ಹಾಗೂ ಮಂಜಿನಿಂದ ಆವೃತ್ತವಾದ ವಾತಾವರಣದಿಂದಾಗಿ ಪರಿಹಾರ ಕಾರ್ಯಾಚರಣೆ ಅಡಚಣೆಯುಂಟಾಗಿದೆ.

ಅವಘಡ ಸಂಭವಿಸಿ ಆಗಲೇ ಒಂದು ವರೆ ದಿನಗಳು ಕಳೆದಿದ್ದು, ಈಗಲೂ 400ರಷ್ಟು ಮಂದಿ ನಾಪತ್ತೆಯಾಗಿರುವ ಹಿನ್ನೆಲೆಯಲ್ಲಿ ಸಂಬಂಧಿಕರಲ್ಲಿ ಭಾರಿ ಆತಂಕ ಮನೆ ಮಾಡಿದೆ.

ಚೀನಾದ ಹವಾಮಾನ ಇಲಾಖೆ ಕೂಡಾ ಚಂಡಮಾರುತ ಅಪ್ಪಳಿಸಿರುವುದನ್ನು ಖಚತಪಡಿಸಿದ್ದು, ಹಡಗು ಸಂಚರಿಸಿದ ಪ್ರದೇಶದಲ್ಲಿ ಅಂದಾಜು 12ರಷ್ಟು ಚಂಡಮಾರುತಗಳು ಬೀಸಿವೆ ಎಂದಿದೆ.