ಮಗಳ ಮದುವೆಗಾಗಿ ಮುಖೇಶ್ ಅಂಬಾನಿ ಮಾಡಿರುವ ಅದ್ದೂರಿ ತಯಾರಿ ಹೇಗಿದೆ ಗೊತ್ತಾ.?

ಹಿಂದೂ ಸಂಪ್ರದಾಯದ ಪ್ರಕಾರ ಮದುವೆಯನ್ನು ಸಹ ಒಂದು ಹಬ್ಬದಂತೆಯೆ ಸಂಭ್ರಮಿಸುತ್ತಾರೆ. ಇನ್ನು ಸಮಾಜದಲ್ಲಿ ಮಧ್ಯವರ್ಗದವರೆ ಸಾಲ ಮಾಡಿಯಾದರೂ ಬಂದ ಅಥಿತಿಗಳಿಗೆ ಯಾವುದೇ ಕೊರತೆ ಇಲ್ಲದಿರುವ ಹಾಗೆ ಅದ್ದೂರಿಯಾಗಿ ಮದುವೆ ಮಾಡಲು ಮುಂದಾಗುತ್ತಾರೆ. ಇನ್ನು ಜಗತ್ತಿನಲ್ಲಿನ ಶ್ರೀಮಂತರ ಪಟ್ಟಿಯಲ್ಲಿ ಒಬ್ಬರಾದ ಮುಖೇಶ್ ಅಂಬಾನಿ ತನ್ನ ಮಗಳ ಮದುವೆಯನ್ನು ಎಷ್ಟು ಅದ್ಧೂರಿಯಾಗಿ ಮಾಡಬಲ್ಲರೆಂದು ಲೆಕ್ಕ ಹಾಕಲು ಸಾಧ್ಯವೇ.?

ಮುಖೇಶ್ ಅಂಬಾನಿಯವರ ಮುದ್ದುಮಗಳಾದ ಇಶಾ ಅಂಬಾನಿ ಮತ್ತು ದೇಶದ ಮತ್ತೊಬ್ಬ ಶ್ರೀಮಂತ ಉದ್ಯಮಿಯ ಮಗನಾದ ಆನಂದ್ ಪಿರಾಮಾಲ್ ಅವರ ನಡುವಿನ ಪ್ರೇಮದ ವಿಚಾರ ಹಲವರಿಗೆ ತಿಳಿದೆಯೆ ಇದೆ.

ಆನಂದ್ ಪಿರಾಮಾಲ್ ಕೂಡಾ ಸಾಮಾನ್ಯರೇನಲ್ಲ ಆತ ಭಾರತೀಯ ಬಿಲಿಯನೇರ್ ಉದ್ಯಮಿ ಅಜಯ್ ಪಿರಾಮಾಲ್ ಅವರ ಸುಪುತ್ರ. ಇಶಾ ಅಂಬಾನಿ ಮತ್ತು ಆನಂದ್ ಪಿರಾಮಾಲ್ ಅವರ ಪ್ರೇಮದ ವಿಚಾರವನ್ನ ತಮ್ಮ ತಂದೆ ತಾಯಿಗೆ ಹೇಳಿಕೊಂಡು ಎಲ್ಲರ ಒಪ್ಪಿಗೆಯ ನಂತರವೆ ಮದುವೆಗೆ ಸಿದ್ಧರಾಗಿದ್ದಾರೆ.

ಮನೆಯವರೆಲ್ಲರು ನೀಡಿದ ಗ್ರೀನ್ ಸಿಗ್ನಲ್‍ನ ನಂತರ ಕಳೆದ ಸೆಪ್ಟೆಂಬರ್ ತಿಂಗಳಿನಲ್ಲಿ ಇಟಲಿಯಲ್ಲಿನ ಐಷಾರಾಮಿ ಸ್ಟೆಲಾ ಹೋಟೆಲ್‍ನಲ್ಲಿ ನಿಶ್ಚಿತಾರ್ಥ ಕೂಡ ನಡೆದಿತ್ತು, 50 ಬಗೆಯ ವಿವಿಧ ತಿನ್ನಿಸುಗಳು ಮತ್ತು ಸತತ ಮೂರು ದಿನದ ಆಚರಣೆಯ ನಂತರ ಇಶಾ ಮತ್ತು ಆನಂದ್ ಅವರ ಮದುವೆಯನ್ನು ಇದೇ ಡಿಸೆಂಬರ್ 12ರಂದು ನಿಶ್ಚಿಯಿಸಲಾಗಿದೆ.

ಮದುವೆ ಖರ್ಚು ಬಿಡಿ, ಮದುವೆಯ ಆಹ್ವಾನದ ಪತ್ರವನ್ನು ಸಹ ಬಂಗಾರದಿಂದ ತಯಾರಿಸಲಾಗಿದ್ದು, ಒಂದೊಂದು ಆಹ್ವಾನದ ಪತ್ರವು ಒಂದು ಲಕ್ಷ ರುಪಾಯಿ ಬೆಲೆಬಾಳುತ್ತಂತೆ. ಈ ಅಹ್ವಾನದ ಪತ್ರಗಳನ್ನು ದೇಶದಲ್ಲಿನ ಹಲವು ಪ್ರಸಿದ್ಧ ಪುಣ್ಯಕ್ಷೇತ್ರಗಳಲ್ಲಿ ಇರಿಸಿ ಅವುಗಳಿಗೆ ಅರ್ಚನೆ ಮಾಡಿಸಿ ಆಶಿರ್ವಾದವನ್ನ ಕೂಡಾ ಪಡೆದಿದ್ದಾರೆ.

ಮದುವೆಯ ಮುನ್ನ (ಪ್ರೀ ವೆಡ್ದಿಂಗ್) ನಡೆಯಲಿರುವ ಕೆಲವು ಸಂಪ್ರದಾಯಿಕ ಕಾರ್ಯಗಳನ್ನು ಮಾಡಲು ರಾಜಸ್ತಾನದ ಉದಯ್‍ಪುರ್ ಪ್ಯಾಲೇಸ್‍ ಅನ್ನು ಈಗಾಗಲೇ ಬುಕ್ಕಿಂಗ್ ಮಾಡಿಕೊಳ್ಳಲಾಗಿದ್ದು, ಡಿಸೆಂಬರ್ 8 ಮತ್ತು 9 ರಂದು ಉದಯ್‍ಪುರ್ ಪ್ಯಾಲೇಸ್‍ನಲ್ಲಿ ಹಲವು ವಿಶೇಷತೆಗಳಿಗೆ ಕಾರಣವಾಗಲಿದೆ.

ಹೌದು, ಡಿಸೆಂಬರ್ 8 ಮತ್ತು 9 ರಂದು ಉದಯ್‍ಪುರ್‍ ಪ್ಯಾಲೆಸ್ ಸಂಭ್ರಮಾಚರಣೆ ಇಂದ ತುಂಬಿರುತ್ತದೆ, ಏಕೆಂದರೆ ಆ ದಿನದಂದು ದೇಶವಿದೇಶಗಳಿಂದ ಹಲವಾರು ಸೆಲೆಬ್ರಿಟಿಗಳು ಭಾಗವಹಿಸಲಿದ್ದಾರೆ. ಇದಕ್ಕೆಂದೆ ಉದಯ್‍ಪುರ್‍‍ನಲ್ಲಿನ ಏರ್‍‍ಪೋರ್ಟ್ ಕೂಡಾ ವಿಮಾನಗಳಿಂದ ತುಂಬಿರುತ್ತದೆಯಂತೆ.

MOST READ: ದೊಡ್ಡಣ್ಣನಿಗೆ ಸವಾಲು - ಇಂಧನ ಬೆಲೆ ಇಳಿಕೆ ಹಿಂದಿನ ಮೋದಿ ತಾಕತ್ತು..!

ಏಕೆಂದರೆ ಸಾಧಾರಣ ದಿನಗಳಲ್ಲಿ ಉದಯ್‍ಪುರ್‍ ನಗರದಲ್ಲಿನ ಮಹಾರಾಣಾ ಪ್ರತಾಪ್ ವಿಮಾನ ನಿಲ್ದಾಣದಲ್ಲಿ ಕೇವೆಲ 19 ವಿಮಾನಗಳು ಬಂದು ಹೋಗುತ್ತಿದ್ದವೆ ಆದರೆ, ಮುಂದಿನ ಹತ್ತು ದಿನಗಳ ವರೆಗೆ ಸುಮಾರು 200 ವಿಮಾನಗಳು ಅಲ್ಲಿ ಪ್ರಯಾಣಿಸುತ್ತವೆ ಎನ್ನಲಾಗಿದೆ.

ಇನ್ನು ಕೆಲವೇ ದಿನಗಳಲ್ಲಿ ನಡೆಯಲಿರುವ ಅಂಬಾನಿ ಮತ್ತು ಪಿರಾಮಾಲ್ ಕುಟುಂಬದವರ ಒಂದು ಮುಖ್ಯ ಸಮಾರಂಭದಲ್ಲಿ ಭಾಗವಹಿಸಲು ಮುಖೇಶ್ ಅಂಬಾನಿಯವರು ಹಲವರು ಗಣ್ಯರನ್ನು ಆಹ್ವಾನಿಸಿದ್ದು, ಅವರೆಲ್ಲರ ಸುಖಕರ ಪ್ರಯಾಣಕ್ಕಾಗಿ ಚಾರ್ಟರ್ಡ್ ವಿಮಾನಗಳನ್ನು ಬುಕ್ಕಿಂಗ್ ಮಾಡಲಾಗಿದೆ.

ಅಂಬಾನಿಯವರ ಆಹ್ವಾನವನ್ನು ಮನ್ನಿಸಿ ಸೆಲೆಬ್ರಿಟಿಗಳು, ಮತ್ತು ಇನ್ನಿತರೆ ಪ್ರಮುಖ ಗಣ್ಯರು ಅಂದು ಉದಯ್‍ಪುರ್‍‍ಗೆ ಬಂದು ಇಳಿಯಲಿದ್ದಾರೆ, ಇದಕ್ಕಾಗಿ 8 ಮತ್ತು 9ನೇ ತಾರೀಕಿನಂದು ವಿಮಾನ ನಿಲ್ದಾಣದಲ್ಲಿ ಸುಮಾರು 30 ರಿಂದ 50 ವಿಮಾನಗಳು ಪ್ರಯಾಣಿಸುತ್ತದೆ ಎನ್ನಲಾಗಿದೆ.

ಉದಯ್‍ಪುರ್‍ನಲ್ಲಿನ ವಿಮಾನ ನಿಲ್ದಾಣವು ಇನ್ನು ಕೆಲವು ದಿನಗಳ ವರೆಗು ನಿರಂತರವಾಗಿ ಸಾಗುತ್ತಿರಲು ಮತ್ತೊಂದು ಕಾರಣವೆಂದರೆ ಅದೇ ಸಮಯದಲ್ಲಿ ರಾಜಸ್ತಾನದ ವಿಧಾನಸಭೆ ಚುನಾವಣೆಯು ಸಹ ಒಂದು ಕಾರಣವಾಗಿದೆ.

ಇಷ್ಟೆ ಅಲ್ಲದೇ ಮುಖೇಶ್ ಅಂಬಾನಿ ಕುಟುಂಬದ ಈ ಒಂದು ಸಮಾರಂಭಕ್ಕೆ ಬರುವ ಗಣ್ಯರಿಗೆ ಉದಯ್‍ಪುರ್‍‍‍ನಲ್ಲಿನ ಎಲ್ಲಾ 5 ಸ್ಟಾರ್ ಹೋಟೆಲ್‍ಗಳಲ್ಲಿ ರೂಂಗಳನ್ನು ಬುಕ್ಕ್ ಮಾಡಲಾಗಿದೆ ಎಂದು ಸಹ ತಿಳಿದುಬಂದಿದೆ.

ವಿಮಾನ ನಿಲ್ದಾಣಕ್ಕೆ ಬಂದು ಇಳಿದ ಗಣ್ಯರನ್ನು ಹೋಟೆಲ್‍ಗಳಿಗೆ ಮತ್ತೆ ಅವರುಗಳ ಪ್ರಯಾಣಕ್ಕಾಗಿ ಸುಮಾರು 1000ಕ್ಕು ಹೆಚ್ಚು ಐಷಾರಾಮಿ ಕಾರುಗಳನ್ನು ಸಹ ಬುಕ್ ಮಾಡಲಾಗಿದ್ದು, ಇದರಲ್ಲಿ ಜಾಗ್ವಾರ್, ಪೋರ್ಷೆ, ಮರ್ಸಿಡೀಸ್ ಬೆಂಝ್, ಆಡಿ ಮತ್ತು ಬಿಎಂಡಬ್ಲ್ಯೂ ಸಂಸ್ಥೆಯ ಕಾರುಗಳು ಭಾಗಿಯಾಗಲಿದೆ.

ಡಿಸೆಂಬರ್ 8 ಮತ್ತು 9 ರಂದು ಉದಯ್‍ಪುರ್‍‍ನಲ್ಲಿ ನಡೆಯಲಿರುವ ಕಾರ್ಯಕ್ರಮಗಳ ನಂತರ ಡಿಸೆಂಬರ್ 12ರಂದು ಮುಂಬೈ ನಗರದಲ್ಲಿ ನಡೆಯಲಿರುವ ಇಶಾ ಮತ್ತು ಆನಂದ್ ಅವರ ಮದುವೆಗಾಗಿ ಎಲ್ಲರು ಮುಂಬೈ ನಗರಕ್ಕೆ ಮತ್ತೆ ವಾಪಸ್ ಆಗಲಿದ್ದಾರೆ.

MOST READ: ಕಿಸೆಯಲ್ಲಿ 5 ಸಾವಿರಕ್ಕು ಗತಿ ಇಲ್ಲ ಎಂದಿದ್ದ ನಟ ಸಿಂಬು ಈಗ ಬೆಂಟ್ಲಿ ಒಡೆಯ

ಒಟ್ಟಾರೆಯಾಗಿ ಮುಖೇಶ್ ಅಂಬಾನಿಯ ಮುದ್ದು ಕುವರಿ ಇಶಾ ಅಂಬಾನಿ ಮತ್ತು ಅಜಯ್ ಪಿರಾಮಲ್ ಅವರ ಸುಪುತ್ರ ಆನಂದ್ ಪಿರಾಮಾಲ್ ಅವರ ಪ್ರೀ ವೆಡ್ಡಿಂಗ್ ಸಮಾರಂಭಕ್ಕೆ ಸುಮಾರು 1000 ಕೋಟಿ ಖರ್ಚು ಮಾಡುತ್ತಿರುವ ಸುದ್ಧಿ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಯಾಗುತ್ತಿದೆ.