ಕುಮಾರಣ್ಣನಿಗೂ ಬಂತು ನೋಡಿ ಹೈಟೆಕ್ ಎಲೆಕ್ಷನ್ ಗಾಡಿ!

ಜೆಡಿಎಸ್ ಚುನಾವಣಾ ಪ್ರಚಾರಕ್ಕೆ ಟೊಯೊಟಾ ಕಮ್ಯೂಟರ್ ವಾಹನವನ್ನು ಸಿದ್ಧಪಡಿಸಿ ಕೊಟ್ಟವರು ಬೆಂಗಳೂರು ವಿಲ್ಸನ್ ಗಾರ್ಡನ್ ಸೃಷ್ಟಿ ಟ್ರಾವೆಲ್ಸ್‌ನ ಮಾಲಿಕ ಆರ್. ರಾಜುಗೌಡ.

ಅತ್ಯಾಧುನಿಕ ಸೌಲಭ್ಯಗಳುಳ್ಳ ಈ ವಾಹನದಲ್ಲಿ ಹೆಡ್ರಾಲಿಕ್ ಲಿಫ್ಟ್ ವ್ಯವಸ್ಥೆ ಇದ್ದು, ವಾಹನದ ಮಧ್ಯದಿಂದ ಮೇಲೇರಿ ಭಾಷಣ ಮಾಡಬಹುದಾಗಿದೆ.

ಇನ್ನು ಸಾರ್ವಜನಿಕ ಜಮಾವಣೆಯ ಸ್ಥಳಕ್ಕೆ ತೆರಳಿ ಭಾಷಣ ಮಾಡಲು ನೆರವಾಗುವ ರೀತಿಯಲ್ಲಿ ನಾಲ್ಕು ಧ್ವನಿವರ್ಧಕಗಳನ್ನು ಆಳವಡಿಸಲಾಗಿದೆ.

ಇಷ್ಟೇ ಯಾಕೆ ಟೊಯೊಟಾ ವ್ಯಾನ್‌ನಲ್ಲಿ ಟಿ.ವಿ ಸೌಲಭ್ಯ ಕೂಡಾ ಇದ್ದು, ಕುಮಾರಣ್ಣನಿಗೂ ಕುಳಿತುಕೊಳ್ಳಲು ಮಹಾರಾಜ ಆಸನದ ವ್ಯವಸ್ಥೆ ಇದೆ. ಹಾಗೆಯೇ ಇಬ್ಬರಿಗೆ ಕುಳಿತುಕೊಳ್ಳಲು ಪ್ರತ್ಯೇಕ ಸೀಟುಗಳಿವೆ.

ಇದರ ಹೈಡ್ರಾಲಿಕ್ ಲಿಫ್ಟನ್ನು ಕುಳಿತುಕೊಳ್ಳಲು ಅಥವಾ ಡೈನಿಂಗ್ ಟೇಬಲ್‌ನಂತ ಬಳಸಬಹುದಾಗಿದೆ.

ವಾಶ್ ಬೇಸಿನ್ ಹಾಗೂ ಪ್ರಿಡ್ಜ್ ಕೂಡಾ ಇದೆ. ಇನ್ನು ಬಾಯರಿಕೆಯಾದಗ ತಂಪಾದ ನೀರನ್ನು ಕುಡಿಯಬಹುದಾಗಿದೆ.

ಡ್ರೈವರ್ ಸೇರಿದಂತೆ ಏಳು ಮಂದಿ ಅನಾಯಾಸವಾಗಿ ಈ ವಾಹನದಲ್ಲಿ ಪ್ರಯಾಣಿಸಬಹುದಾಗಿದೆ. ಅಂದರೆ ಕುಮಾರಣ್ಣ ಆಪ್ತರಿಗೂ ಚುನಾವಣಾ ಪ್ರಚಾರದ ವೇಳೆ ನೆರವಾಗಲಿದೆ.

ಹಾಗೆಯೇ ಸುಂದರ ಒಳಾಂಗಣ ಹಾಗೂ ವಿಶೇಷ ಬೆಳಕು ಚೆಲ್ಲುವ ಬಲ್ಬ್‌ಗಳನ್ನು ಆಳವಡಿಸಲಾಗಿದೆ.

ಟೊಯಾಟಾದ ಕಸ್ಟಮೈಸ್ಡ್ ವ್ಯಾನ್‌ನಲ್ಲಿ ಸುರಕ್ಷತೆಗೂ ಹೆಚ್ಚಿನ ಒತ್ತು ನೀಡಲಾಗಿದೆ. ಇದರ ವಿಂಡೋ ಹೊರಂಗಣ ದೃಶ್ಯ ನೋಡಲು ನೆರವಾಗಲಿದೆ. ಕಾರ್ಡ್‌ಲೆಸ್ ಫೋನ್ ವ್ಯವಸ್ಥೆ ಕೂಡಾ ಇದೆ.

ಟೊಯೊಟಾ ಪ್ರಯಾಣಿಕ ವಾಹನದಲ್ಲಿ ಆಕರ್ಷಕ ಫ್ರಂಟ್ ಗ್ರಿಲ್ ಆಳವಡಿಸಲಾಗಿದೆ.

ಇಲ್ಲಿದೆ ನೋಡಿ ಕುಮಾರಸ್ವಾಮಿ ಹೈಟೆಕ್ ಗಾಡಿ. ಮುಂಬರುವ ಚುನಾವಣೆಯಲ್ಲಿ ಕುಮಾರಸ್ವಾಮಿ ಹೇಗೆ ಮೋಡಿ ಮಾಡಲಿದ್ದಾರೆ ಎಂಬುದನ್ನು ಕಾದು ನೋಡಬೇಕಾಗಿದೆ.

ಇದೀಗ ಈ ಹೈಟೆಕ್ ಗಾಡಿ ಬಗ್ಗೆ ನಿಮ್ಮ ವಿಚಾರಗಳನ್ನು ನಮ್ಮ ಜತೆ ಹಂಚಿಕೊಳ್ಳಿರಿ.

ಇವನ್ನೂ ಓದಿ:

ಬಿಎಸ್‌ಆರ್ ಪಕ್ಷ; ರಾಮುಲು 'ಹಮ್ಮರ್' ಹಮ್ಮು ಬಿಮ್ಮು

ಪ್ರಾಡೊ ಕಾರಲ್ಲಿ ಬಿಎಸ್‌ವೈ ರೋಡ್ ಶೋ