ದುಬಾರಿ ಬೆಲೆಯ ಐಷಾರಾಮಿ ಕಾರವಾನ್ ಖರೀದಿಸಿದ ಜನಪ್ರಿಯ ನಟ

ಮಮ್ಮುಟ್ಟಿರವರ ಬಳಿಯಿರುವ ಎಲ್ಲಾ ವಾಹನಗಳ ನೋಂದಣಿ ಸಂಖ್ಯೆ 369 ಆಗಿದೆ. ಈಗ ಇದೇ ನೋಂದಣಿ ಸಂಖ್ಯೆಯನ್ನು ಹೊಂದಿರುವ ಹೊಸ ವಾಹನವೊಂದು ಮಮ್ಮುಟ್ಟಿರವರ ಕಾರು ಗ್ಯಾರೇಜ್‌ಗೆ ಬಂದಿದೆ. ಸೆಮಿ-ಬುಲೆಟ್ ಪ್ರೂಫ್ ಸೂಪರ್ ಕಾರವಾನ್ ಮಮ್ಮುಟ್ಟಿರವರ ಕಾರು ಗ್ಯಾರೇಜ್‌ಗೆ ಬಂದಿರುವ ಹೊಸ ವಾಹನವಾಗಿದೆ.

ಮಮ್ಮುಟ್ಟಿ ಇತ್ತೀಚೆಗಷ್ಟೇ ಈ ಐಷಾರಾಮಿ ಕಾರವಾನ್ ಅನ್ನು ಖರೀದಿಸಿದ್ದಾರೆ. ಈ ಹೊಸ ಕಾರವಾನ್‌ ಸಹ ಮಮ್ಮುಟ್ಟಿ ಅವರ ನೆಚ್ಚಿನ ನೋಂದಣಿ ಸಂಖ್ಯೆಯನ್ನೇ ಹೊಂದಿದೆ. ಈ ಕಾರವಾನ್‌ನ ಸಂಖ್ಯೆ ಕೆಎಲ್ 07 ಸಿಯು 369 ಎಂಬುದು ಗಮನಾರ್ಹ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಈ ಕಾರವಾನ್ ಅನ್ನು ಓಜ್ ಆಟೋಮೊಬೈಲ್ಸ್ ವಿನ್ಯಾಸಗೊಳಿಸಿದೆ. ಆಟೋ ಉತ್ಸಾಹಿಗಳಿಗೆ ಓಜೆಸ್ ಆಟೋಮೊಬೈಲ್ಸ್ ಬಗ್ಗೆ ತಿಳಿದೇ ಇರುತ್ತದೆ. ಓಜೆಸ್ ಆಟೋಮೊಬೈಲ್ಸ್ ಭಾರತದಲ್ಲಿರುವ ಪ್ರಮುಖ ಕಾರವಾನ್ ತಯಾರಕ ಕಂಪನಿಗಳಲ್ಲಿ ಒಂದಾಗಿದೆ.

ನಟ ಮಮ್ಮುಟ್ಟಿ ಅವರ ಅಗತ್ಯಕ್ಕೆ ತಕ್ಕಂತೆ ಓಜೆಸ್ ಆಟೋಮೊಬೈಲ್ಸ್ ಈ ಕಾರವಾನ್ ಅನ್ನು ವಿನ್ಯಾಸಗೊಳಿಸಿದೆ. ವರದಿಗಳ ಪ್ರಕಾರ, ವೋಲ್ವೋ ವಾಹನವೊಂದನ್ನು ಕಾರವಾನ್ ಆಗಿ ಮಾಡಿಫೈ ಮಾಡಲಾಗಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಈ ಕಾರವಾನ್‌ನಲ್ಲಿ ಮಲಗುವ ಕೋಣೆ ಸೇರಿದಂತೆ ಎಲ್ಲಾ ಸೌಲಭ್ಯಗಳನ್ನು ನೀಡಲಾಗಿದೆ. ಆರಾಮದಾಯಕ ಪ್ರಯಾಣಕ್ಕಾಗಿ ಆರಾಮದಾಯಕವಾದ ಸೀಟುಗಳನ್ನು ಸಹ ನೀಡಲಾಗಿದೆ. ಕಾರವಾನ್‌ನ ಹೊರಭಾಗವು ನೀಲಿ ಹಾಗೂ ಬಿಳಿ ಬಣ್ಣವನ್ನು ಹೊಂದಿದೆ.

ನಟ ಮಮ್ಮುಟ್ಟಿ ಖರೀದಿಸಿರುವ ಹೊಸ ಕಾರವಾನ್‌ನ ಫೋಟೋಗಳು ಫೇಸ್‌ಬುಕ್, ವಾಟ್ಸಾಪ್ ಸೇರಿದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ. ಮಮ್ಮುಟ್ಟಿ ಅಭಿಮಾನಿಗಳು ತಮ್ಮ ನೆಚ್ಚಿನ ನಟನ ಕಾರವಾನ್ ಫೋಟೋಗಳನ್ನು ಖುಷಿಯಿಂದ ಶೇರ್ ಮಾಡುತ್ತಿದ್ದಾರೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಈ ಕಾರವಾನ್'ನ ಬೆಲೆ ಎಷ್ಟು ಎಂಬ ಬಗ್ಗೆ ಮಾಹಿತಿ ಲಭ್ಯವಾಗಿಲ್ಲ. ನಟ ಮಮ್ಮುಟ್ಟಿ ಈ ಐಷಾರಾಮಿ ಕಾರವಾನ್ ಮಾತ್ರವಲ್ಲದೆ ಬಿಎಂಡಬ್ಲ್ಯು ಇ 46 ಎಂ 3, ಜಾಗ್ವಾರ್ ಎಕ್ಸ್‌ಜೆ ಸೇರಿದಂತೆ ಅನೇಕ ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ.

ಈಗ ಖರೀದಿಸಿರುವ ಕಾರವಾನ್ ಮಮ್ಮುಟ್ಟಿರವರ ಗ್ಯಾರೇಜ್‌ನಲ್ಲಿರುವ ಅತ್ಯಂತ ದುಬಾರಿ ವಾಹನವೆಂದು ಹೇಳಲಾಗಿದೆ. ಮಮ್ಮುಟ್ಟಿ ಬೇರೆ ನಟರಿಗಿಂತ ವಿಭಿನ್ನವಾದ ಜಾಗ್ವಾರ್ ಎಕ್ಸ್‌ಜೆ ಕಾರನ್ನು ಹೊಂದಿದ್ದಾರೆ. ಮಮ್ಮುಟ್ಟಿ ಅವರ ಬಳಿ ದುಬಾರಿ ಬೆಲೆಯ ಟೊಯೊಟಾ ಲ್ಯಾಂಡ್ ಕ್ರೂಸರ್ ಸಹ ಇದೆ. ಈ ಚಿತ್ರಗಳನ್ನು ಓಜೆಸ್ ಆಟೋಮೊಬೈಲ್ಸ್ ಹಾಗೂ ಆಲ್ ಕೇರಳ ಕಾಂಟ್ರಾಕ್ಟ್ ಕ್ಯಾರಿಯೇಜ್'ಗಳಿಂದ ಪಡೆಯಲಾಗಿದೆ.