ಶೋರೂಂನಲ್ಲೂ ಇಷ್ಟು ಬೈಕ್ ಇರಲ್ಲ: ಧೋನಿಯ ಬೈಕ್ ಕಲೆಕ್ಷನ್‌ಗೆ ಮತ್ತೊಂದು ಯಮಹಾ RD350

ಟೀಂ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರ ವಾಹನಗಳ ಕ್ರೇಜ್ ಹೆಚ್ಚು ಎಂಬುದು ಎಲ್ಲರಿಗೂ ಗೂತ್ತಿರುವ ವಿಷಯ. ಕ್ರಿಕೆಟ್​ನಷ್ಟೇ ಧೋನಿ ಅವರು ಕಾರು-ಬೈಕ್ ಗಳನ್ನು ಪ್ರೀತಿಸುತ್ತಾರೆ. ಅವರ ಬಳಿಯಿರುವ ಕಾರು ಮತ್ತು ಬೈಕ್ ಸಂಗ್ರಹ ಎಂತವರಿಗೂ ಅಚ್ಚರಿ ಮೂಡಿಸುತ್ತದೆ ಎಂಬುವುದರಲ್ಲಿ ಅನುಮಾನವಿಲ್ಲ.

ಮಹೇಂದ್ರ ಸಿಂಗ್ ಧೋನಿ (Mahendra Singh Dhoni) 2020 ರಲ್ಲಿ ಎಲ್ಲಾ ರೀತಿಯ ಅಂತರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತರಾದ ನಂತರ, ಅವರು ಅಪರೂಪದ ಹಳೆಯ ಕಾರು ಮತ್ತು ಬೈಕ್ ಗಳನ್ನು ಸೇರಿಸುವ ಮೂಲಕ ತಮ್ಮ ಕ್ಲಾಸಿಕ್ ಕಾರ್ ಗ್ಯಾರೇಜ್ ಅನ್ನು ವಿಸ್ತರಿಸಿದರು. ಮಹೇಂದ್ರ ಸಿಂಗ್ ಧೋನಿ ಅವರ ಬೈಕ್ ಗಳ ಸಂಗ್ರಹಕ್ಕೆ ಕಸ್ಟಮೈಸ್ ಮಾಡಿದ ಮತ್ತೊಂದು ಯಮಹಾ ಆರ್‌ಡಿ350 (Yamaha RD350) ಬೈಕ್ ಹೊಸ ಸೇರ್ಪಡೆಯಾಗಿದೆ.

ಯಮಹಾ ಆರ್‌ಡಿ350 ಬೈಕ್ ಗಳಿಗೆ ಎಂಎಸ್ ಧೋನಿಯವರಿಗೆ ಅಚ್ಚುಮೆಚ್ಚು ಆಗಿದೆ. ಇದಕ್ಕೆ ಸಾಕ್ಷಿ ಈಗಾಗಲೇ ಅವರ ಸಂಗ್ರಹದಲ್ಲಿ ಹಲವಾರು ಆರ್‌ಡಿ ಬೈಕುಗಳನ್ನು ಹೊಂದಿದ್ದಾರೆ. ಅವರ ಯೌವನದಿಂದ ಅವರ ಮೊಟ್ಟಮೊದಲ ಮೋಟಾರ್‌ಸೈಕಲ್ ಕೆಂಪು-ಬಣ್ಣದ ಯಮಹಾ ಆರ್‌ಡಿ 350 ಆಗಿತ್ತು. ಈಗ, ಧೋನಿ ಅವರ ಸಂಗ್ರಹಕ್ಕಾಗಿ ಮತ್ತೊಂದು ಯಮಹಾ ಆರ್‌ಡಿ 350 ಸೇರ್ಪಡೆಯಾಗಿದೆ.

ಚಂಡೀಗಢ ಮೂಲದ "ಬ್ಲೂ ಸ್ಮೋಕ್ ಕಸ್ಟಮ್ಸ್" ನಿಂದ ಕಸ್ಟಮೈಸ್ ಮಾಡಲಾದ ಕಸ್ಟಮ್ ಹಸಿರು ಬಣ್ಣದ ಬೈಕ್ ಆಗಿದೆ. "ಬ್ಲೂ ಸ್ಮೋಕ್ ಕಸ್ಟಮ್ಸ್" ತನ್ನ Instagram ಖಾತೆಯಲ್ಲಿ ಮಹೇಂದ್ರ ಸಿಂಗ್ ಧೋನಿ ಇತ್ತೀಚೆಗೆ ಖರೀದಿಸಿದ ಕಸ್ಟಮ್ ಹಸಿರು ಬಣ್ಣದ ಯಮಹಾ RD 350 ಬೈಕ್ ಹಲವಾರು ಚಿತ್ರಗಳು ಮತ್ತು ವೀಡಿಯೊಗಳನ್ನು ಹಂಚಿಕೊಂಡಿದೆ.

ಧೋನಿ ಖರೀದಿಸಿದ ಕಸ್ಟಮೈಸ್ ಮಾಡಲಾದ ಈ ಯಮಹಾ ಆರ್‌ಡಿ 350 ಬೈಕ್ ಫ್ಯೂಯಲ್ ಟ್ಯಾಂಕ್, ಸೈಡ್ ಬಾಡಿ ಪ್ಯಾನೆಲ್‌ಗಳು, ಹೆಡ್‌ಲ್ಯಾಂಪ್ ಕೌಲ್ ಮತ್ತು ಮುಂಭಾಗದ ಟೆಲಿಸ್ಕೋಪಿಕ್ ಫೋರ್ಕ್‌ಗಳ ಮೇಲಿನ ಭಾಗವನ್ನು ಒಳಗೊಂಡಿರುವ ಕಸ್ಟಮ್ ಬ್ರಿಟಿಷ್ ಹಸಿರು ಬಣ್ಣದ ಕೆಲಸವನ್ನು ಹೊಂದಿದೆ. ಈ ಹಸಿರು ಯಮಹಾ ಆರ್‌ಡಿ 350 ಬೈಕಿನ ಫ್ಯೂಯಲ್ ಟ್ಯಾಂಕ್ ಅನ್ನು ಅಲಂಕರಿಸುವುದು "ರಾಜ್‌ದೂತ್" ಲೋಗೋ, ಆದರೆ ಸೈಡ್ ಬಾಡಿ ಪ್ಯಾನೆಲ್‌ಗಳು "350 ಟಾರ್ಕ್ ಇಂಡಕ್ಷನ್" ಲೊಗೋವನ್ನು ಹೊಂದಿವೆ.

ಹಿಂದಿನ ವರ್ಷಗಳಿಂದ ಮೂಲ ಯಮಹಾ ರಾಜ್‌ದೂತ್ ಆರ್‌ಡಿ 350 ಅನ್ನು ಪ್ರತಿಬಿಂಬಿಸುತ್ತದೆ, ಈ ರಿಸ್ಟೂರ್ ಮಾಡಲಾದ ಬೈಕ್ ಕ್ರೋಮ್-ಫಿನಿಶ್ಡ್ ಫ್ರಂಟ್ ಮತ್ತು ರಿಯರ್ ಫೆಂಡರ್‌ಗಳು, ರೌಂಡ್ ಅಂಬರ್ ಟರ್ನ್ ಇಂಡಿಕೇಟರ್ ಹೌಸಿಂಗ್‌ಗಳು, ಟ್ವಿನ್ ಎಕ್ಸಾಸ್ಟ್ ಪೈಪ್‌ಗಳು ಮತ್ತು ಟ್ಯೂಬ್ಯುಲರ್ ಪಿಲಿಯನ್ ಗ್ರಾಬ್ ರೈಲ್ ಅನ್ನು ಒಳಗೊಂಡಿದೆ. ಎಂಜಿನ್ ಬ್ಲ್ಯಾಕ್-ಔಟ್ ಥೀಮ್ ಅನ್ನು ಪ್ರದರ್ಶಿಸುತ್ತದೆ.

ಗಮನಾರ್ಹವಾಗಿ, ಮಹೇಂದ್ರ ಸಿಂಗ್ ಧೋನಿಯವರ ಯಮಹಾ ಆರ್‌ಡಿ 350 ಬೈಕಿನ ಫ್ಯೂಯಲ್ ಟ್ಯಾಂಕ್ ಮೇಲ್ಭಾಗದಲ್ಲಿ "7" ಸಂಖ್ಯೆಯನ್ನು ಸಹ ಹೊಂದಿದೆ, ಇದು ಮಾಜಿ ಭಾರತೀಯ ಕ್ರಿಕೆಟ್ ತಂಡದ ನಾಯಕನ ಐಕಾನಿಕ್ ಜೆರ್ಸಿ ಸಂಖ್ಯೆಯನ್ನು ಸೂಚಿಸುತ್ತದೆ. 7 ಸಂಖ್ಯೆ ಎಂಬುದು ಅದೃಷ್ಟದ ಸಂಖ್ಯೆಯಾಗಿದ್ದರೂ, ಅದು ನಿಜವಾಗಿ ತನ್ನ ಜನ್ಮ ದಿನಾಂಕ 7-7 (ಜುಲೈ 7) ಅನ್ನು ಪ್ರತಿನಿಧಿಸುತ್ತದೆ ಎಂದು ಧೋನಿ ಹೇಳಿದ್ದರು. ಧೋನಿ ಪ್ರಕಾರ ಅವರ ಜನ್ಮ ವರ್ಷ ಕೊನೆಯ ಎರಡು ಅಂಕೆಗಳು ಸಹ 7 ಆಗಿದೆ.

ಈ ಯಮಹಾ ಆರ್‌ಡಿ350 ಎಲ್‍‍ಸಿ ಬೈಕಿನಲ್ಲಿ 347cc ಪ್ಯಾರಲಲ್ ಟ್ವಿನ್, ಟು-ಸ್ಟ್ರೋಕ್ ಮೋಟಾರ್‌ ಅನ್ನು ಹೊಂದಿದೆ. ಈ ಎಂಜಿನ್ 49 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸುತ್ತದೆ. ಎಂಜಿನ್ ಒಂದೇ ಆಗಿರುವಾಗ, ಕಾರ್ಯಕ್ಷಮತೆ ಮತ್ತು ನಿರ್ವಹಣೆಯನ್ನು ಆಫ್ಟರ್‌ಮಾರ್ಕೆಟ್ ಭಾಗಗಳು ಮತ್ತು ಘಟಕಗಳ ಶ್ರೇಣಿಯೊಂದಿಗೆ ಹೆಚ್ಚಿಸಲಾಗಿದೆ.

ಯಮಹಾ ಆರ್‌ಡಿ350 ಎಲ್‍‍ಸಿ ಬೈಕ್ ಬಗ್ಗೆ ಹೇಳುವುದಾದರೆ, ಈ ಬೈಕ್ 1980 ರಿಂದ 1983 ರವರೆಗೆ ಉತ್ಪಾದನೆಯಲ್ಲಿತ್ತು. ಇದು ದೊಡ್ಡದಾದ RD400ಗೆ ಉತ್ತರಾಧಿಕಾರಿಯಾಗಿತ್ತು. ಕಟ್ಟುನಿಟ್ಟಾದ ಹೊರಸೂಸುವಿಕೆ ಮಾನದಂಡಗಳು ಮತ್ತು ಹೊಸ ತಂತ್ರಜ್ಞಾನಗಳು ಮತ್ತು ವೈಶಿಷ್ಟ್ಯಗಳ ಪರಿಚಯದಿಂದಾಗಿ, ಯಮಹಾ ಆರ್‌ಡಿ350 ಎಲ್‍‍ಸಿ ಅನ್ನು RZ350, RD350LC II ಮತ್ತು RD350 YPVS ನಂತಹ ಇತರ ಮಾದರಿಗಳೊಂದಿಗೆ ಬದಲಾಯಿಸಲಾಯಿತು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.