ನೇಮಾರ್ ಜೂನಿಯರ್ ವಾಹನ ಕಲೆಕ್ಷನ್ ಬಲು ಜೋರು

ಬ್ರೆಜಿಲ್ ಹಾಗೂ ಸ್ಪೇನ್‌ನ ಎಫ್‌ಸಿ ಬಾರ್ಸಿಲೋನಾ ಕ್ಲಬ್ ಪರ ಮುನ್ನಡೆಯ ಹಾಗೂ ವಿಂಗರ್ ಆಟಗಾರನಾಗಿ ಗಮನ ಸೆಳೆದಿರುವ ನೇಮಾರ್ ಓರ್ವ ಪಕ್ಕಾ ವಾಹನ ಪ್ರೇಮಿ ಅಂದರೆ ತಪ್ಪಾಗಲಾರದು. ಅವರ ಬಳಿ ಕಾರುಗಳು ಮಾತ್ರವಲ್ಲ ಹೆಲಿಕಾಪ್ಟರ್, ವಿಹಾರ ದೋಣಿಗಳಂತಹ ದೊಡ್ಡ ಸಂಗ್ರಹವೇ ಇದೆ.

ಫೋಕ್ಸ್‌ವ್ಯಾಗನ್ ಟೋರೆಗ್ ವಿ8 ಎಫ್‌ಎಸ್‌ಐ

ನೇಮಾರ್ ಬಳಿಯಿರುವ ಕಾರುಗಳ ಪೈಕಿ ಫೋಕ್ಸ್‌ವ್ಯಾಗನ್ ಟೋರೆಗ್ ವಿ8 ಎಫ್‌ಎಸ್‌ಐ ಪ್ರಮುಖವಾಗಿದೆ. ಜಗತ್ತಿನ ಮುಂಚೂಣಿಯ ವಾಹನ ತಯಾರಕ ಸಂಸ್ಥೆಯಾಗಿರುವ ಫೋಕ್ಸ್‌ವ್ಯಾಗನ್, 2002ನೇ ಇಸವಿಯಿಂದಲೇ ಕ್ರೀಡಾ ಬಳಕೆಯ ವಾಹನಗಳನ್ನು ಉತ್ಪಾದಿಸುತ್ತಿದೆ. ಇದು ನೇಮಾರ್ ಅವರ ಅತ್ಯಂತ ಪ್ರಿಯ ವಾಹನಗಳಲ್ಲಿ ಒಂದಾಗಿದೆ.

ಫೋಕ್ಸ್‌ವ್ಯಾಗನ್ ಟೋರೆಗ್ ವಿ8 ಎಫ್‌ಎಸ್‌ಐ

ತಮ್ಮ ಬಿಡುವಿನ ಸಮಯವನ್ನು ಸ್ನೇಹಿತರ ಜೊತೆಗೂಡಿ ಆಫ್ ರೋಡಿಂಗ್ ಸಾಹಸಮಯ ಚಾಲನೆಯನ್ನು ನೇಮಾರ್ ಇಷ್ಟಪಡುತ್ತಾರೆ. ಇಲ್ಲಿ ಎಸ್‌ಯುವಿ ಖರೀದಿಯ ಹಿಂದೆ ನೇಮಾರ್ ಉದ್ದೇಶವೂ ಇದೇ ಆಗಿತ್ತು ಅಂದರೆ ತಪ್ಪಾಗಲಾರದು.

ಆಡಿ ಆರ್8 ಜಿಟಿ

ನೇಮಾರ್ ಪ್ರಿಯ ವಾಹನಗಳಲ್ಲಿ ಆಡಿ ಆರ್8 ಜಿಟಿ ಕೂಡಾ ಸೇರಿಕೊಂಡಿದೆ. ವಿಶೇಷವೆಂದರೆ ಎಲ್ಲ ಕ್ರೀಡಾಪಟುಗಳು ತಮ್ಮ ಗ್ಯಾರೇಜ್‌ನಲ್ಲಿ ಸ್ಪೋರ್ಟ್ಸ್ ಕಾರೊಂದನ್ನು ಹೊಂದಿರಲು ಬಯಸುತ್ತಾರೆ. ಅಂತವರಲ್ಲಿ ನೇಮಾರ್ ಸಹ ಓರ್ವರು. ಚಿತ್ರದಲ್ಲಿ ನೀವು ನೋಡುತ್ತಿರುವಂತೆಯೇ ಚಾಲನಾ ಮಗ್ನವಾಗಿರುವ ನೇಮಾರ್ ತಮ್ಮ ಸೂಪರ್ ಕಾರಲ್ಲಿ ಜಾಲಿ ರೈಡ್ ಇಷ್ಟಪಡುತ್ತಾರೆ.

ಆಡಿ ಆರ್8 ಜಿಟಿ

ಅಂದ ಹಾಗೆ ಆಡಿ ಆರ್ ಜಿಟಿ ಸ್ಪೋರ್ಟ್ಸ್ ಕಾರು, 5.3 ಲೀಟರ್ ಎಫ್‌ಎಸ್‌ಐ ಕ್ವಾಟ್ರೊ ಎಂಜಿನ್ ಹೊಂದಿದ್ದು, 552 ಅಶ್ವಶಕ್ತಿ ಉತ್ಪಾದಿಸುತ್ತದೆ. ಇದು ಕೇವಲ 3.6 ಸೆಕೆಂಡುಗಳಲ್ಲಿ ಗಂಟೆಗೆ 0-100 ಕೀ.ಮೀ. ವೇಗವರ್ಧಿಸುವ ಹಾಗೆಯೇ ಗರಿಷ್ಠ 320 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿದೆ. ಇದು ಬರೋಬ್ಬರಿ ಒಂದು ವರೆ ಕೋಟಿ ರು.ಗಳಷ್ಟು ದುಬಾರಿಯೆನಿಸಿದೆ.

ಪೋರ್ಷೆ ಪನಮೆರ

ಇನ್ನುಳಿದಂತೆ ದೀರ್ಘ ಪಯಣದ ವೇಳೆ ಪೋರ್ಷೆ ಪನಮೆರ ಕಾರು ಬಳಕೆಯನ್ನು ನೇಮಾರ್ ಜೂನಿಯರ್ ಅತ್ಯಂತ ಹೆಚ್ಚು ಇಷ್ಟಪಡುತ್ತಾರೆ. ಇದಕ್ಕೆ ಕಾರಣ ಇಷ್ಟೇ - ಪೋರ್ಷೆ ಪನಮೆರ ಐಷಾರಾಮಿ ಗ್ರ್ಯಾನ್ ಟರಿಸ್ಮೊ ವಾಹನವಾಗಿದ್ದು, ಡೀಸೆಲ್ ಜೊತೆಗೆ ಹೈಬ್ರಿಡ್ ಆವೃತ್ತಿಯನ್ನು ಹೊಂದಿದೆ. ಜರ್ಮನಿಯ ಈ ವಾಹನ ತಯಾರಕ ಸಂಸ್ಥೆಯು 2009ನೇ ಇಸವಿಯಲ್ಲಿ ಆರಂಭಿಸಿದ್ದ ಇದರ ಉತ್ಪಾದನೆಯು ಈಗಲೂ ನಡೆಯುತ್ತಿದೆ. ನಿಜವಾಗ್ಲೂ ಸ್ಟೈಲಿಶ್ ಯುವ ಆಟಗಾರಿಗೆ ಮಾಡಿದ ಸ್ಟೈಲಿಷ್ ಕಾರಾಗಿದೆ ಪನಮೆರ.

ಹೆಲಿಕಾಪ್ಟರ್

ನೇಮಾರ್ ಜೂನಿಯರ್ ವಾಹನ ಕ್ರೇಜ್ ಎಷ್ಟರ ಮಟ್ಟಿಗಿದೆ ಅಂದರೆ ಹೋಗಿ ಹೋಗಿ ಅತ್ತ ಹೆಲಿಕಾಪ್ಟರನ್ನೇ ಖರೀದಿಸಿ ಬಿಟ್ಟಿದ್ದಾರೆ. ಎಷ್ಟೇ ಆದರೂ ಕಾರುಗಳಿಗೆ ವಾಹನ ದಟ್ಟಣೆಯ ಕಿರಿಕಿರಿ ತಪ್ಪಿದ್ದಲ್ಲ. ಇದೇ ಕಾರಣಕ್ಕಾಗಿ ಅತಿ ಶೀಘ್ರದಲ್ಲೇ ನಿಗದಿತ ಗುರಿ ಮುಟ್ಟುವ ನಿಟ್ಟಿನಲ್ಲಿ ಹೆಲಿಕಾಪ್ಟರ್‌ವೊಂದನ್ನು ನೇಮಾರ್ ತಮ್ಮ ಬಳಿ ಇಟ್ಟುಕೊಂಡಿದ್ದಾರೆ.

ವಿಹಾರ ನೌಕೆ

ಇವೆಲ್ಲ ಓಕೆ ಎನ್ನಬಹುದು. ಆದರೆ ಇದ್ಯಾಕೆ ವಿಹಾರ ನೌಕೆ ಎಂಬ ಸಂಶಯ ನಿಮ್ಮನ್ನು ಕಾಡುತ್ತಿದೆಯೇ? ಇದಕ್ಕುತ್ತರ ಇಲ್ಲಿದೆ ನೋಡಿ. ಮೋಜಿನ ಜೀವನ ಯಾರು ತಾನೇ ಇಷ್ಟಪಡುವುದಿಲ್ಲ ಹೇಳಿ ನೋಡೋಣ? ಇನ್ನು ಯುವ ಮನಸ್ಕರಿಗಂತೂ ನೀರಲ್ಲಿ ಹಾಯಾಗಿ ದೋಣಿಯಲ್ಲಿ ಪಯಣಿಸುವುದು ತುಂಬಾನೇ ಖುಷಿ ನೀಡುತ್ತದೆ. ಇದೇ ಕಾರಣಕ್ಕಾಗಿ ತಮ್ಮ ಬಳಿ ವಿಹಾರ ನೌಕೆಯೊಂದನ್ನು ನೇಮಾರ್ ಇಟ್ಟುಕೊಂಡಿದ್ದಾರೆ.

ಈ ಎಲ್ಲ ವಿಷಯಗಳು ಒಂದೆಡೆಯಾದರೆ ವಿಶ್ವ ವಿಖ್ಯಾತ ಮಾಜಿ ಆಟಗಾರ ಪೆಲೆ ಜೊತೆ ನೇಮಾರ್ ಜೂನಿಯರ್ ಅವರನ್ನು ಹೋಲಿಸಲಾಗುತ್ತದೆ. ಈ ನಿಟ್ಟಿನಲ್ಲಿ ಆಕರ್ಷಕ ವೀಡಿಯೋವನ್ನು ಮುಂದಿನ ಪುಟದಲ್ಲಿ ಹಂಚಲಾಗಿದೆ.

ವೀಡಿಯೋ ವೀಕ್ಷಣೆಯ ಬಳಿಕ ನೇಮಾರ್ ಜೂನಿಯರ್ ಬಗೆಗಿನ ನಿಮ್ಮ ಅನಿಸಿಕೆಗಳನ್ನು ನಮ್ಮ ಜೊತೆ ಹಂಚಿಕೊಳ್ಳಿರಿ.