ದಿನದಲ್ಲಿ ಎರಡು ಬಾರಿ ನೀರಿನಡಿಯಲ್ಲಿ ಅಪ್ರತ್ಯಕ್ಷವಾಗುವ ಮಾಯದ ರಸ್ತೆ

4.125 ಕೀ.ಮೀ. (2.58 ಮೈಲು) ಉದ್ದದ ಈ ರಸ್ತೆ ದಿನದಲ್ಲಿ ಎರಡು ಬಾರಿ ನೀರಿನಿಂದ ಆವರಿಸ್ಪಡುತ್ತಿದ್ದು, 13 ಅಡಿ ವರೆಗೂ ನೀರಿನಡಿಯಲ್ಲಿ ಮುಳುಗಿ ಹೋಗುತ್ತದೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಡುತ್ತಾರೆ.

ಈ ವಿಸ್ಮಯಕಾರಿ ಸನ್ನಿವೇಶವನ್ನು ನೋಡಲು ಪ್ರವಾಸಿಗರ ದಂಡೇ ಆಗಮಿಸುತ್ತಿದೆ. ಅಂದರೆ ದಿನದಲ್ಲಿ ಎರಡು ಬಾರಿ ಮಾತ್ರ ಈ ಮಾಯಾದ ರಸ್ತೆಯನ್ನು ಸವಾರರು ಬಳಕೆ ಮಾಡಬಹುದಾಗಿದೆ.

ವೈಜ್ಞಾನಿಕತೆಯ ಬಗ್ಗೆ ಆಳವಾಗಿ ಪಠಿಸಿದಾಗ ಇದು ನೈಸರ್ಗಿಕವಾಗಿ ಕಂಡುಬರುವ ಪ್ರಕ್ರಿಯೆ ಎಂಬುದು ತಿಳಿದು ಬಂದಿದೆ. ಇದರಿಂದಾಗಿ ರಸ್ತೆ ಜಲಾವೃತಗೊಳ್ಳುತ್ತದೆ.

ಇತಿಹಾಸದತ್ತ ಗಮನ ಹಾಯಿಸಿದಾಗ 1700 ಹಾಗೂ 1800ನೇ ಇಸವಿಯಲ್ಲೇ ಇಲ್ಲಿನ ದ್ವೀಪಕ್ಕೆ ತೆರಳಲು ಕುದುರೆಗಳ ಮೂಲಕ ಸವಾರಿ ಮಾಡಲಾಗುತ್ತಿತ್ತು.

ನೀರಿನ ಉಬ್ಬರ ಹೆಚ್ಚಾದಂತೆ ಅನೇಕ ಮಂದಿ ಸಿಕ್ಕಿ ಹಾಕಿಕೊಂಡಿರುವ ಘಟನೆಯು ಪದೇ ಪದೇ ನಡೆಯುತ್ತಿದೆ. ಇದರಿಂದ ಜನರಿಗೆ ಪಾರಾಗಲು ಅಲ್ಲಲ್ಲಿ ಎತ್ತರದ ರಕ್ಷಣಾ ಟವರ್ ಗಳನ್ನು ಕಟ್ಟಲಾಗಿದೆ.

ಆಕಸ್ಮತ್ ಆಗಿ ಸಿಕ್ಕಿಹಾಕಿಕೊಂಡ್ಡಲ್ಲಿ ಟವರ್ ಮೇಲೆರಿ ರಕ್ಷಣೆ ಪಡೆಯಬಹುದಾಗಿದೆ. ಬಳಿಕ ನೀರಿನ ಅಲೆ ಹಿಂದಕ್ಕೆ ಹೋಗುವ ತನಕ ಕಾಯಬೇಕಿದೆ.

ಇನ್ನು ಪ್ರವಾಸಿಗರನ್ನು ಎಚ್ಚರಿಸುವ ಸಲುವಾಗಿ ಅಪಾಯಕಾರಿ ಪ್ರತಿಫಲಕಗಳನ್ನು ಲಗತ್ತಿಸಲಾಗಿದೆ.

1999 ಹಾಗೂ 2011ರಲ್ಲಿ ಟೂರ್ ಡೆ ಫ್ರಾನ್ಸ್ ಸೈಕಲ್ ರೇಸ್ ಗಾಗಿಯೂ ಇಲ್ಲಿನ ರಸ್ತೆಯನ್ನು ಬಳಕೆ ಮಾಡಲಾಗಿತ್ತು.

ಒಟ್ಟಿನಲ್ಲಿ ವಿಜ್ಞಾನಿಗಳ ಪಾಲಿಗೆ ಅತಿ ಹೆಚ್ಚು ಕುತೂಹಲವನ್ನುಂಟು ಮಾಡಿರುವ ಫ್ರಾನ್ಸ್ ನ ಈ ಅಪಾಯಕಾರಿ ಹಾಗೂ ಅಷ್ಟೇ ಕುತೂಹಲಕಾರಿ ರಸ್ತೆಯು ಹೆಚ್ಚಿನ ಸಂಭ್ರಮಕ್ಕೆ ಎಡೆ ಮಾಡಿಕೊಟ್ಟಿದೆ.

ರೋಚಕ ವಿಡಿಯೋ ವೀಕ್ಷಿಸಿ