'1' ನಂಬರ್ ಪ್ಲೇಟ್ ಗಾಗಿ 33.11 ಕೋಟಿ ತೆತ್ತ ಅತಿ ಬುದ್ಧಿವಂತ!

ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಉದ್ಯಮಿಯಾಗಿರುವ ಅರಿಫ್ ಅಹ್ಮದ್ ಅಲ್ ಝರೌನಿ ಎಂಬವರೇ '1' ಫ್ಯಾನ್ಸಿ ನಂಬರ್ ಪ್ಲೇಟ್ ಗಾಗಿ ಬರೋಬ್ಬರಿ 33 ಕೋಟಿ ರುಪಾಯಿಗಳನ್ನು ಖರ್ಚು ಮಾಡಿದ್ದಾರೆ.

33 ಕೋಟಿ ರುಪಾಯಿಗಳನ್ನು ಖರ್ಚು ಮಾಡಿರುವ ಇಲ್ಲಿನ ಅರಬ್ ಉದ್ಯಮಿ ಅತಿ ಬುದ್ಧಿಶಾಲಿ ಅಥವಾ ಶುದ್ಧ ಭೂಪ ಎಂದು ಕರೆಯಬೇಕೇ ಎಂಬುದು ನಮ್ಮಲ್ಲಿ ಗೊಂದಲಕ್ಕೀಡು ಮಾಡಿದೆ.

'ಯಾವತ್ತೂ ನಂಬರ್ ವನ್ ಎನಿಸಿಕೊಳ್ಳುವುದು ನನ್ನ ಅಭಿಲಾಷೆಯಾಗಿದ್ದು', ಇದಕ್ಕಾಗಿ ನಂಬರ್ 1 ಪ್ಲೇಟ್ ಖರೀದಿಸಿಕೊಂಡಿರುವುದಾಗಿ ಸ್ವತ: ಅರಿಫ್ ಜಂಭ ಕೊಚ್ಚಿಕೊಂಡಿದ್ದಾರೆ.

ಇದು ಹರಾಜು ಮೊತ್ತಕ್ಕಿಂತಲೂ 18 ಪಟ್ಟುಗಳಷ್ಟು ಹೆಚ್ಚಾಗಿದೆ. ಹಾಗೆಂದು ಇದು ದಾಖಲೆ ಮೊತ್ತವೇನಲ್ಲ. ಇದಕ್ಕೂ ಮೊದಲು 2008ರಲ್ಲಿ ಉದ್ಯಮಿಯೋರ್ವರು ದಾಖಲೆ ಮೊತ್ತ ನೀಡಿ ಫ್ಯಾನ್ಸಿ ನಂಬರ್ ಖರೀದಿಸಿದ್ದರು.

ಯುನೈಟೆಡ್ ಅರಬ್ ಎಮಿರೇಟ್ಸ್ ನಲ್ಲಿ ಇದುವರೆಗೆ ನಡೆದಿರುವ ಹರಾಜುಗಳ ಪೈಕಿ ಮೂರನೇ ಅತಿ ದೊಡ್ಡ ಮೊತ್ತಕ್ಕೆ ಅರಿಫ್ ಖರೀದಿಸಿರುವ ಶಾರ್ಜಾ ನಂಬರ್ ಪ್ಲೇಟ್ ಹರಾಜಾಗಿದೆ.

ಇದಲ್ಲದೆ ಇತರೆ ಜನಪ್ರಿಯ ನಂಬರ್ ಗಳಾದ 12, 22, 50, 100, 333, 777, 1000, 2016, 2020 ಮತ್ತು 99999 ನಂಬರ್ ಗಳ ಸಹ ಗರಿಷ್ಠ ಮೊತ್ತಕ್ಕೆ ಮಾರಾಟವಾಗಿದೆ.