ಶಬ್ದಕ್ಕಿಂತ 5 ಪಟ್ಟು ವೇಗದಲ್ಲಿ ಚಲಿಸಬಲ್ಲ ಅಮೆರಿಕದ ಸೂಪರ್ ಸೋನಿಕ್ ಜೆಟ್

300 ಮಿಲಿಯನ್ ಅಮೆರಿಕನ್ ಡಾಲರ್ ಎಕ್ಸ್-51ಎ ಯೋಜನೆಯು 2004ರಲ್ಲೇ ಆರಂಭವಾಗಿತ್ತು. ಇದರಂತೆ ಅಂತಿಮ ಹಾರಾಟವು 2013 ಮೇ 01ರಂದು ಹಮ್ಮಿಕೊಂಡಿತ್ತು.

ಪ್ರಸ್ತುತ ವಿಮಾನವು ಶಬ್ದ ವೇಗಕ್ಕಿಂತ ಐದು ಪಟ್ಟು ವೇಗದಲ್ಲಿ (ಮ್ಯಾಕ್ 5.1) ವೇಗದಲ್ಲಿ ಸಂಚರಿಸುವ ಮೂಲಕ ದಾಖಲೆ ಬರೆದಿತ್ತು.

ಆದರೆ ತನ್ನ ಹಾರಾಟ ಆರಂಭಿಸಿದ್ದ ಆರು ನಿಮಿಷಗಳಲ್ಲೇ ಫೆಸಿಫಿಕ್ ಸಾಗರದಲ್ಲಿ ಪತನಗೊಂಡಿತ್ತು. ಇದು ಅತ್ಯಂತ ವೇಗದ ಹೈಪರ್ ಸೋನಿಕ್ ವಿಮಾನವೆಂಬ ಗೌರವಕ್ಕೆ ಪಾತ್ರವಾಗಿತ್ತು.

ಈ ಮೂಲಕ ಸೂಪರ್ ಸೋನಿಕ್ ಕಾನ್ಸೆಪ್ಟ್ ವಿಮಾನದ ನೈಜ ಪರೀಕ್ಷೆ ನಡೆದಿತ್ತು. ಆದರೆ ಈಗ ಮತ್ತಷ್ಟು ಮುಂದುವರಿದ ತಂತ್ರಜ್ಞಾನವನ್ನು ಆವಿಷ್ಕರಿಸುವಲ್ಲಿ ಅಮೆರಿಕದ ಮಿಲಿಟರಿ ಯಶಸ್ವಿಯಾಗಿದೆ.

ಹೈಪರ್ ಸೋನಿಕ್ ವಿಮಾನದ ಸಾಮರ್ಥ್ಯವನ್ನು ಅರಿಯಲು ಅಮೆರಿಕ ವಾಯುಸೇನೆ ಮತ್ತು ಡಿಫೆನ್ಸ್ ಅಡ್ವಾನ್ಸ್ಡ್ ರಿಸರ್ಚ್ ಪ್ರೊಜೆಕ್ಟ್ ಏಜೆನ್ಸಿ (ಡಿಎಆರ್ ಪಿಎ) ಅನೇಕ ಯೋಜನೆಯ ಪ್ರಯೋಗದಲ್ಲಿ ತೊಡಗಿದೆ.

ಇವೆಲ್ಲವೂ ಅಮೆರಿಕ ಮಿಲಿಟರಿ ಬಾಹ್ಯಾಕಾಶ ವಿಮಾನದ ಅಭಿವೃದ್ಧಿ ಜೊತೆಗೆ ಸಣ್ಣ ಉಪಗ್ರಹಗಳನ್ನು ಕಕ್ಷೆಗೆ ರವಾನಿಸಲು ನೆರವಾಗಲಿದೆ.

ಒಟ್ಟಿನಲ್ಲಿ ಅಮೆರಿಕ ವಾಯುಗಾಮಿ ಹೈಪರ್ ಸೋನಿಕ್ ಶಸ್ತ್ರಾಸ್ತ್ರಗಳ ವ್ಯವಸ್ಥೆಯ ಒಂದು ಯಶಸ್ವಿ ಪರೀಕ್ಷೆಯತ್ತ ದಾಪುಗಾಲನ್ನಿಟ್ಟಿದೆ.