17 ವರ್ಷಗಳ ಬಳಿಕ ವಿಶ್ವದ ಅತಿ ಉದ್ದದ ರೈಲ್ವೆ ಸುರಂಗ ಮಾರ್ಗ ಲೋಕಾರ್ಪಣೆ

ಪರಿಸರ ಜೊತೆಗೆ ಆರ್ಥಿಕ ಲಾಭಕ್ಕಾಗಿ ಗಾತ್ಥರ್ಡ್ ಶೃಂಗಶ್ರೇಣಿಯ 7545 ಅಡಿ ಆಳದಲ್ಲಿ ಸುರಂಗ ಮಾರ್ಗ ಕೊರೆಯಲಾಗಿದೆ ಎಂದು ಅಧಿಕೃತರು ಅಭಿಪ್ರಾಯಪಟ್ಟಿದ್ದಾರೆ.

ಜೂನ್ ತಿಂಗಳಲ್ಲಿ ಪರೀಕ್ಷಾರ್ಥ ಸಂಚಾರ ಪ್ರಯೋಗ ಆರಂಭಗೊಳ್ಳಲಿದ್ದು, ಪ್ರಸಕ್ತ ಸಾಲಿನ ಡಿಸೆಂಬರ್ ನಲ್ಲಿ ಪ್ರಯಾಣಿಕರು ಹೊತ್ತುಕೊಂಡು ಸವಾರಿ ಆರಂಭಿಸಲಿದೆ.

17 ವರ್ಷಗಳ ಹಿಂದೆ ಆರಂಭಿಸಲಾದ ಕಾಮಗಾರಿಯಲ್ಲಿ ಇದುರೆಗೆಗೆ 28.2 ಮಿಲಿಯನ್ ಟನ್ ಗಳಷ್ಟು ಪರ್ವತ ಬಂಡೆಕಲ್ಲನ್ನು ಕೊರೆಯಲಾಗಿದೆ.

ಈ ಮಹತ್ತರ ಸುರಂಗ ಮಾರ್ಗ ಯೋಜನೆ ನಿರ್ಮಾಣಕ್ಕಾಗಿ ಬರೋಬ್ಬರಿ 12 ಬಿಲಿಯನ್ ಅಮೆರಿಕನ್ ಡಾಲರ್ ವ್ಯಯ ಮಾಡಲಾಗಿದೆ.

ಯುರೋಪ್ ಹೃದಯ ಭಾಗದಲ್ಲಿ ಗಂಟೆಗೆ 250 ಕೀ.ಮೀ. ವೇಗದಲ್ಲಿ ಸಂಚರಿಸಲಿರುವ ರೈಲು ಝೂರಿಕ್ ಮತ್ತು ಮಿಲನ್ ನಡುವಣ ಅಂತರದ ಅವಧಿಯನ್ನು ಒಂದು ತಾಸಿನಷ್ಟು ತಗ್ಗಿಸಲಿದ್ದು, ಎರಡು ಗಂಟೆ 40 ನಿಮಿಷಗಳಲ್ಲಿ ಗಮ್ಯಸ್ಥಾನ ತಲುಪಬಹುದಾಗಿದೆ.

ಇದುವರೆಗೆ ವಿಶ್ವದ ಅತಿ ಉದ್ದದ ಸುರಂಗ ಎಂಬ ಹೆಗ್ಗಳಿಕೆಗೆ 33.46 ಮೈಲು ದೂರದ ಜಪಾನ್ ನ ಶೀಕೆನ್ ಪಾತ್ರವಾಗಿತ್ತು. ಇದನ್ನೀಗ ಸ್ವಿಜರ್ಲೆಂಡ್ ಹಿಂದಕ್ಕಲಿದೆ. ಮೂರನೇ ಸ್ಥಾನದಲ್ಲಿರುವ ಇಂಗ್ಲೆಂಡ್ ಮತ್ತು ಫ್ರಾನ್ಸ್ ನಡುವಣ ಸುರಂಗ ಮಾರ್ಗವು 31.4 ಮೈಲು ದೂರವಿದೆ.

ಈ ಬಹುನಿರೀಕ್ಷಿತ ಸುರಂಗ ಮಾರ್ಗವನ್ನು 'ಯುರೋಪ್ ‌ಗೆ ದೈವದತ್ತ' ಎಂದು ವಿಶ್ಲೇಷಿಸಲಾಗುತ್ತಿದೆ.

ಒಟ್ಟಿನಲ್ಲಿ ಸುರಂಗ ಮಾರ್ಗ ತೆರೆಯುವುದರೊಂದಿಗೆ ಪ್ರಯಾಣಿಕರು ಸ್ವಿಸ್ ಆಲ್ಪ್ ಕಣಿವೆಯ ಭವ್ಯ ಮನೋಹರ ದೃಶ್ಯಗಳನ್ನು ಆಸ್ವಾದಿಸುವ ಅವಕಾಶದಿಂದ ವಂಚಿತರಾಗಲಿದ್ದಾರೆ.