ಕೋಲಾರದಲ್ಲಿ ಟ್ರಯಂಪ್ ಮೋಟರ್ಸ್ ಬೈಕ್ ಘಟಕ

ಟ್ರಯಂಪ್ ಬೈಕ್ ಲೋಕ

ಕೋಲಾರದಲ್ಲಿ ನಿರ್ಮಿಸಲಿರುವ ಘಟಕವು ಇಂಗ್ಲೆಂಡ್ ಮತ್ತು ಥೈಲಾಂಡ್ ನಂತರದ ಮೂರನೇ ಅಸೆಂಬ್ಲಿ ಘಟಕವಾಗಿದೆ. ದೇಶದಲ್ಲಿ ನಿರ್ಮಿಸಲಿರುವ ನೂತನ ಘಟಕದಿಂದ ಟ್ರಯಂಪ್ ದರ ಕಡಿಮೆಯಾಗಲಿದೆ. ಇದರ ಪ್ರತಿಸ್ಪರ್ಧಿ ಕಂಪನಿ ಹರ್ಲಿ ಡೇವಿಡ್ ಸನ್ ಕಳೆದ ವರ್ಷ ಹರ್ಯಾಣದಲ್ಲಿ ಇಂತಹದ್ದೇ ಘಟಕವನ್ನು ನಿರ್ಮಿಸಿತ್ತು.

ಒಂದು ತಿಂಗಳ ಹಿಂದೆ ಟ್ರಯಂಪ್ ಮೋಟರ್ಸ್ ಕರ್ನಾಟಕ ಸರಕಾರದೊಂದಿಗೆ ಎಂಒಯು ಒಪ್ಪಂದವೊಂದಕ್ಕೆ ಸಹಿ ಹಾಕಿತ್ತು. ಸಿಕೆಡಿ ಘಟಕಕ್ಕಾಗಿ ಕಂಪನಿಯು ರಾಜ್ಯದ ಕೆಲವು ಪ್ರದೇಶಗಳನ್ನು ಪರಿಶೀಲಿಸಿತ್ತು.

"ಕಂಪನಿಯು ಬೆಂಗಳೂರು-ಚೆನ್ನೈ ಹೆದ್ದಾರಿ ಸಮೀಪದ ಕೊಲಾರ ಜಿಲ್ಲೆಯ ನರ್ಸಪುರದಲ್ಲಿ 40 ಎಕರೆ ಭೂಮಿಯನ್ನು ಗುರುತಿಸಿದೆ. ಬಹುಃಶ ಕಂಪನಿ ಇದನ್ನೇ ಆಯ್ಕೆಮಾಡಿಕೊಳ್ಳುವ ನಿರೀಕ್ಷೆಯಿದೆ" ಎಂದು ವರದಿಗಳು ಹೇಳಿವೆ.

ಜನವರಿ ತಿಂಗಳಲ್ಲಿ ದೆಹಲಿ ವಾಹನ ಪ್ರದರ್ಶನದಲ್ಲಿ ಕಂಪನಿಯು ಹಲವು ಟ್ರಯಂಪ್ ಆವೃತ್ತಿಗಳನ್ನು ಪರಿಚಯಿಸಿತ್ತು.