ಬಂದಿದೆ ಬೈಕ್‌ಗಿಂತಲೂ ವೇಗವಾಗಿ ಚಲಿಸುವ ಸೈಕಲ್

ನಿಮ್ಮ ಮಾಹಿತಿಗಾಗಿ, ಇದೇ ಗ್ರೇಪ್ ಕಂಪನಿಯು ಗರಿಷ್ಠ ನಿರ್ವಹಣೆಯ ರೈಮಾಕ್ ಆಟೊಮೊಬೈಲಿ ಕಾನ್ಸೆಪ್ಟ್ ಒನ್ ವಿದ್ಯುತ್ ಚಾಲಿತ ಕಾರನ್ನು ಸಹ ತಯಾರಿಸಿತ್ತು.

ಗ್ರೇಪ್ ಜಿ-12 ಸೈಕಲಲ್ಲಿ ಹಲವು ಮೋಡ್ ಡ್ರೈವಿಂಗ್ ವ್ಯವಸ್ಥೆಯಿದ್ದು, ಚಾಲಕನ ಅಗತ್ಯಕ್ಕಾನುಸಾರವಾಗಿ ಪವರ್ ಮೋಡ್ ಬದಲಾಯಿಸಿಕೊಳ್ಳಬಹುದಾಗಿದೆ. ಅಲ್ಲದೆ ಇದು ಸಂಪೂರ್ಣ ಪರಿಸರ ಸ್ನೇಹಿ ಎನಿಸಿಕೊಂಡಿದೆ.

ಜಿ-12 ಸೈಕಲಿನಲ್ಲಿ ಅತ್ಯಂತ ಮುಂದುವರಿದ ಆಧುನಿಕ ಗರಿಷ್ಠ ನಿರ್ವಹಣೆಯ ಬ್ಯಾಟರಿ ಆಳವಡಿಸಲಾಗಿದ್ದು. 12 kW (16 ಅಶ್ವಶಕ್ತಿ) ವೀಲ್ ಹಬ್ ಮೌಂಟೆಡ್ ಮೋಟಾರ್‌ನಿಂದ ನಿಯಂತ್ರಿಸಲ್ಪಟ್ಟಿದೆ. ಹಾಗೆಯೇ 1.3 kWh ಲಿಥಿಯಂ ನ್ಯಾನೋಫೋಸ್ಪೇಟ್ ಬ್ಯಾಟರಿ ಸೆಲ್‌ಗಳಿಂದ ಪವರ್ ರವಾನಿಸಲಿದೆ.

220 ವೋಲ್ಟ್ ಹೊರಹೋಗುವ ವಿದ್ಯುತ್ ಸಂಪರ್ಕ ಬಿಂದುವಿನಲ್ಲಿ 80 ನಿಮಿಷಗಳಷ್ಟು ಚಾರ್ಜ್ ಮಾಡಿಸಿದ್ದಲ್ಲಿ ಶೇಕಡಾ 100ರಷ್ಟು ಚಾರ್ಜ್ ಮಾಡಲು ನೆರವಾಗಲಿದೆ.

ಇದರಂತೆ ನಿಮ್ಮ ಅಗತ್ಯಕ್ಕಾನುಸಾರವಾಗಿ ಪೆಡಲ್ ಹಾಗೂ ಎಲೆಕ್ಟ್ರಿಕ್ ಪವರ್ ಮೋಡ್‌ ಆಯ್ಕೆಮಾಡಿಕೊಳ್ಳಬಹುದಾಗಿದೆ.

ಇನ್ನು ಬ್ರೇಕ್ ಬಗ್ಗೆ ಮಾತನಾಡುವುದಾದರೆ ಮುಂದುಗಡೆ ಡ್ಯುಯಲ್ ಹೈಡ್ರಾಲಿಕ್ ಡಿಸ್ಕ್ ಹಾಗೂ ಹಿಂದುಗಡೆ ಸಿಂಗಲ್ ಬ್ರೇಕ್ ಇರಲಿದೆ. ಹಾಗಿದ್ದರೂ ಕಂಪನಿಯ ಪ್ರಕಾರ, ಇದನ್ನು ಬಳಸುವ ಅಗತ್ಯವಿರುವುದಿಲ್ಲ. ಬದಲಾಗಿ ರಿಜನರೇಟಿವ್ ಸಿಸ್ಟಂ ಸೈಕಲ್ ವೇಗತೆಯನ್ನು ಕಡಿತಗೊಳಿಸುತ್ತದೆ.

ಪ್ರಸ್ತುತ ವಿದ್ಯುತ್ ಚಾಲಿತ ಸೈಕಲ್ ಪ್ರತಿ ಗಂಟೆಗೆ 65 ಕೀ.ಮೀ. ವೇಗತೆಯಲ್ಲಿ ಚಲಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ ಒಮ್ಮೆ ಚಾರ್ಜ್ ಮಾಡಿಸಿದ್ದಲ್ಲಿ 120 ಕೀ.ಮೀ. ತನಕ ಆರಾಮದಾಯಕವಾಗಿ ಚಲಿಸಬಹುದಾಗಿದೆ.

ಒಟ್ಟು ಮೂರು ರೈಡಿಂಗ್ ಮೋಡ್‌ಗಳಲ್ಲಿ ಜಿ-12 ಸೈಕಲ್ ಆಗಮನವಾಗಿದೆ.

ಸ್ಟ್ರೀಟ್: ಸ್ಟ್ರೀಟ್ ನಗರ ಪ್ರದೇಶದ ಚಾಲನೆಗೆ ಯೋಗ್ಯವಾಗಿದ್ದು, ಗಂಟೆಗೆ ಗರಿಷ್ಠ 25 ವೇಗದಲ್ಲಿ ಚಲಿಸಲಿದೆ.

ಪವರ್: ಸ್ಪೇಡ್ ಮೋಡ್ ಎಂಬ ಹೆಸರಿನಿಂದಲೂ ಅರಿಯಲ್ಪಡುವ ಪವರ್ ಮೋಡ್, ವಿದ್ಯುತ್‌ ವಾಹಕವಾಗಿದ್ದು ಗರಿಷ್ಠ 65 ಕೀ.ಮೀ. ವೇಗದಲ್ಲಿ ಸಾಗಲಿದೆ.

ಇಕೊ: ಹಾಗಯೇ ಇಕೊ ಮೋಡ್ ನಿರ್ವಹಣೆ ಹಾಗೂ ರಿಜನರೇಷನ್ ಮಾಡಲು ನೆರವಾಗಲಿದೆ.

ಫಿಂಗರ್‌ಪ್ರಿಂಟ್ ರೀಡರ್‌ನಲ್ಲಿ ಲಭ್ಯವಾಗಿರುವುದು ಇದರ ಪ್ರಮುಖ ವೈಶಿಷ್ಟ್ಯವಾಗಿದೆ. ಇದು ಸೈಕಲನ್ನು ಅನ್ ಲಾಕ್ ಮಾಡುವುದರ ಜತೆಗೆ ವಿವಿಧ ಮೋಡ್‌ಗೆ ಬದಲಾಯಿಸಲು ಸಹಕಾರಿಯಾಗಲಿದೆ.

ಒರ್ವ ಬಳಕೆದಾರರಿಗೆ ತನ್ನ ಐದು ಬೆರಳನ್ನು ಸೇವ್ ಮಾಡುವ ಆಯ್ಕೆಯಿದ್ದು, ಹೀಗೆ 50 ಜನರ ಬೆರಳನ್ನು ಸೇವ್ ಮಾಡಿ ಇಡಬಹುದಾಗಿದೆ. ಹಾಗೆಯೇ ಇತರ ಬಳಕೆದಾರರ ವೇಗ ಮಿತಿ ಅಥವಾ ಚಾಲನಾ ಸಮಯವನ್ನು ನಿಗದಿಪಡಿಸುವ ಹಕ್ಕು ಮಾಲಕನಿಗಿರುತ್ತದೆ.

ವೀಡಿಯೊ ಗ್ಯಾಲರಿ