Just In
- 8 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 9 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 11 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 11 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೇಡಿಕೆಯಿಲ್ಲದೇ ಬೈಕ್ ಮಾರಾಟವನ್ನು ಸ್ಥಗಿತಗೊಳಿಸಿದ ಕ್ಲೀವ್ಲ್ಯಾಂಡ್ ಸೈಕಲ್ವೆರ್ಕ್ಸ್
ಅಮೆರಿಕದ ಜನಪ್ರಿಯ ಬೈಕ್ ಉತ್ಪಾದನಾ ಸಂಸ್ಥೆಯಾದ ಕ್ಲೀವ್ಲ್ಯಾಂಡ್ ಸೈಕಲ್ವೆರ್ಕ್ಸ್ ಸಂಸ್ಥೆಯು ಭಾರತದಲ್ಲಿನ ಬೈಕ್ ಮಾರಾಟದಲ್ಲಿ ತೀವ್ರ ಹಿನ್ನಡೆ ಅನುಭವಿಸುತ್ತಿದ್ದು, ಹೊಸ ಬೈಕ್ ಉತ್ಪಾದನೆ ಮತ್ತು ಮಾರಾಟ ಪ್ರಕ್ರಿಯೆಯನ್ನು ಸಂಪೂರ್ಣವಾಗಿ ಸ್ಥಗಿತಗೊಳಿತಗೊಳಿಸಿದೆ.
2018ರ ದೆಹಲಿ ಆಟೋ ಎಕ್ಸ್ಪೋದಲ್ಲಿ ಮೊದಲ ಬಾರಿಗೆ ಭಾಗಿಯಾಗುವ ಮೂಲಕ ಭಾರತೀಯ ಆಟೋ ಉದ್ಯಮಕ್ಕೆ ಕಾಲಿಟ್ಟಿದ್ದ ಕ್ಲೀವ್ಲ್ಯಾಂಡ್ ಸೈಕಲ್ವೆರ್ಕ್ಸ್ ಸಂಸ್ಥೆಯು ಆರಂಭದ ದಿನಗಳಲ್ಲಿ ಗ್ರಾಹಕರ ಆಕರ್ಷಣೆ ಮಾಡಿದರೂ ಕೂಡಾ ಇತ್ತೀಚೆಗೆ ಆದ ಆರ್ಥಿಕ ಹಿಂಜರಿತದಿಂದಾಗಿ ಭಾರೀ ಪ್ರಮಾಣದ ನಷ್ಟ ಅನುಭವಿಸಿದ್ದು, 2019ರ ಆರಂಭದಿಂದ ಇದುವರೆಗೆ ನೂರಕ್ಕಿಂತಲೂ ಕಡಿಮೆ ಬೈಕ್ಗಳನ್ನು ಮಾತ್ರವೇ ಮಾರಾಟ ಮಾಡಿದೆ. ಹೀಗಾಗಿ ಭಾರತದಲ್ಲಿ ಬೈಕ್ ಉತ್ಪಾದನೆಯನ್ನು ಸ್ಥಗಿತಗೊಳಿಸಿದ್ದು, ಸದ್ಯದಲ್ಲೇ ಅಧಿಕೃತ ಮಾರಾಟ ಮಳಿಗೆಗಳನ್ನು ಸಹ ಮುಚ್ಚಲಿದೆ.
ಕ್ಲೀವ್ಲ್ಯಾಂಡ್ ಸೈಕಲ್ವೆರ್ಕ್ಸ್ ಸಂಸ್ಥೆಯು ಸದ್ಯ 25ಕ್ಕೂ ಹೆಚ್ಚು ದೇಶಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ಬೈಕಿನ ಬಹುತೇಕ ಬಿಡಿಭಾಗಗಳನ್ನು ಚೀನಾದಲ್ಲಿರುವ ತನ್ನ ಅತಿದೊಡ್ಡ ಬೈಕ್ ಉತ್ಪಾದನಾ ಘಟಕದಲ್ಲಿ ಉತ್ಪಾದನೆ ಮಾಡುವ ಮೂಲಕ ಕಾರ್ಯನಿರ್ವಹಣೆ ಮಾಡುತ್ತಿರುವ ಮಾರುಕಟ್ಟೆಗಳಲ್ಲಿ ಅಸಂಬ್ಲಿ ಉತ್ಪನ್ನಗಳನ್ನು ಮಾರಾಟಮಾಡುತ್ತಿದೆ.
ಇದರಿಂದಾಗಿಯೇ ಭಾರತದಲ್ಲಿ ಕ್ಲೀವ್ಲ್ಯಾಂಡ್ ಸೈಕಲ್ವೆರ್ಕ್ಸ್ ಸಂಸ್ಥೆಗೆ ಹಿನ್ನಡೆಯಾಗಿದ್ದು, ಅಮೆರಿಕ ಮೂಲದ ಬೈಕ್ ಸಂಸ್ಥೆಯಾದರೂ ಸಹ ಚೀನಾದಲ್ಲಿ ಉತ್ಪಾದನೆ ಮಾಡಲಾಗುವ ಬೀಡಿಭಾಗಗಳನ್ನು ಬಳಕೆ ಮಾಡುತ್ತಿರುವುದು ಗ್ರಾಹಕರ ಆಯ್ಕೆಯಲ್ಲಿ ಹಿನ್ನಡೆ ಅನುಭವಿಸುವಂತಾಗಿದೆ.
ಮಾರುಕಟ್ಟೆಯಲ್ಲಿ ಸದ್ಯ ಚೀನಿ ಬೈಕ್ ಎಂದೇ ಬಿಂಬಿತವಾಗಿರುವ ಕ್ಲೀವ್ಲ್ಯಾಂಡ್ ಸೈಕಲ್ವೆರ್ಕ್ಸ್ ಬೈಕ್ಗಳು ಭಾರತದಲ್ಲಿ ಮಾರಾಟವಾಗುತ್ತಿರುವ ಬಹುತೇಕ ಕ್ಲಾಸಿಕ್ ಬೈಕ್ಗಳಿಗಿಂತಲೂ ಕಡಿಮೆ ಬೆಲೆ ಮತ್ತು ಅತ್ಯುತ್ತಮ ತಾಂತ್ರಿಕ ಸೌಲಭ್ಯ ಹೊಂದಿದ್ದರು ಸಹ ಚೀನಾದಲ್ಲಿ ಉತ್ಪಾದನೆಯಾದ ಬೈಕ್ ಎಂಬ ಒಂದೇ ಕಾರಣಕ್ಕೆ ಗ್ರಾಹಕರು ಖರೀದಿಗೆ ಹಿಂದೇಟು ಹಾಕುತ್ತಿದ್ದಾರೆ. ಇದರಿಂದ ಬೈಕ್ ಉತ್ಪಾದನೆಗೆ ಗುಡ್ಬೈ ಹೇಳಿರುವ ಕ್ಲೀವ್ಲ್ಯಾಂಡ್ ಸೈಕಲ್ವೆರ್ಕ್ಸ್ ಸಂಸ್ಥೆಯ ಸದ್ಯದಲ್ಲೇ ಮಾರಾಟ ಕಾರ್ಯಾಚರಣೆಯನ್ನು ಸಹ ಸಂಪೂರ್ಣ ಬಂದ್ ಮಾಡಲಿದೆ.
ಸದ್ಯ ಭಾರತದಲ್ಲಿ ಮಾರಾಟವಾಗುತ್ತಿರುವ ಕ್ಲೀವ್ಲ್ಯಾಂಡ್ ಸೈಕಲ್ವೆರ್ಕ್ಸ್ ನಿರ್ಮಾಣದ ಮಿಸ್ಫಿಟ್ ಬೈಕ್ ರೂ. 2.49 ಲಕ್ಷ(ಎಕ್ಸ್ಶೋರೂಂ) ಮತ್ತು ಏಸ್ ಡೀಲಕ್ಸ್ ಬೈಕ್ 2.24 ಲಕ್ಷ(ಎಕ್ಸ್ಶೋರೂಂ ಪ್ರಕಾರ) ಬೆಲೆಯನ್ನು ಪಡೆದುಕೊಂಡಿದ್ದು, ಹಲವಾರು ಪ್ರೀಮಿಯಂ ಫೀಚರ್ಸ್ ಹೊಂದಿದ್ದರೂ ಸಹ ಬೇಡಿಕೆ ಪಡೆದುಕೊಳ್ಳುವಲ್ಲಿ ವಿಫಲವಾಗಿವೆ.
ಕ್ಲೀವ್ಲ್ಯಾಂಡ್ ಸೈಕಲ್ವೆರ್ಕ್ಸ್ ಸಂಸ್ಥೆಯು ಬಿಡುಗಡೆಗೊಳಿಸಿದ ಎರಡು ಬೈಕ್ಗಳಲ್ಲಿ ಮಿಸ್ಫೀಟ್ ಬೈಕ್ ಮಾದರಿಯು ಕೇಫ್ ರೇಸರ್ ವಿನ್ಯಾಸವನ್ನು ಆಧರಿಸಿದ್ದು, ಏಸ್ ಡೀಲಕ್ಸ್ ಬೈಕ್ ಮಾದರಿಯು ರೆಟ್ರೋ-ಕ್ಲಾಸಿಕ್ ಲುಕ್ ಅನ್ನು ಪಡೆದುಕೊಂಡಿದೆ.
MOST READ: ರಾಯಲ್ ಎನ್ಫೀಲ್ಡ್ಗೆ ಪೈಪೋಟಿಯಾಗಿ ಬೆನೆಲ್ಲಿ ಇಂಪೀರಿಯಲ್ 400 ಬೈಕ್ ಬಿಡುಗಡೆ
ಮಿಸ್ಫಿಟ್ ಮತ್ತು ಏಸ್ ಡೀಲಕ್ಸ್ ಬೈಕ್ಗಳು 229ಸಿಸಿ ಏರ್ ಕೂಲ್ಡ್, ಸಿಂಗಲ್ ಎಂಜಿನ್ ಸಹಾಯದಿಂದ 15.4ಬಿಹೆಚ್ಪಿ ಮತ್ತು 16ಎನ್ಎಮ್ ಟಾರ್ಕ್ ಅನ್ನು ಉತ್ಪಾದಿಸುವ ಶಕ್ತಿಯನ್ನು ಪಡೆದುಕೊಂಡಿಸ್ಸು, ಎಂಜಿನ್ ಅನ್ನು 5 ಸ್ಪೀಡ್ ಗೇರ್ಬಾಕ್ಸ್ ನೊಂದಿಗೆ ಜೋಡಿಸಲಾಗಿದೆ.
MOST READ: ಹೆದ್ದಾರಿಗಳಲ್ಲಿ ವಾಹನ ಚಾಲನೆ ವೇಳೆ ಓವರ್ಟೆಕ್ ಮಾಡುವ ಮುನ್ನ ಹುಷಾರ್..!
ಕ್ಲೀವ್ಲ್ಯಾಂಡ್ ಮಿಸ್ಫಿಟ್ ಬೈಕ್ ಡಬಲ್ ಕ್ರೇಡಲ್ ಚಾಸಿಸ್ ಅನು ಆಧರಿಸಿದರೆ ಏಸ್ ಡೀಲಕ್ಸ್ ಬೈಕ್ ಸ್ಕ್ವೇರ್-ಸೆಕ್ಷನ್, ಸಿಂಗಲ್-ಡೌನ್ಟ್ಯೂಬ್ ಫ್ರೇಮ್ ಅನ್ನು ಆಧರಿಸಿದೆ. ಎರಡೂ ಮೋಟಾರ್ಸೈಕಲ್ಗಳು ಮುಂಭಾಗದಲ್ಲಿ ಅಪ್ಸೈಡ್ ಡೌನ್ ಫೋರ್ಕ್ಸ್ ಮತ್ತು ಹಿಂಭಾಗದಲ್ಲಿ 5 ಸ್ಟೆಪ್ಡ್ ಪ್ರೀಲೋಡ್ ಅಡ್ಜಸ್ಟಬಲ್ ಡ್ಯುಯಲ್ ಶಾಕ್ ಅಬ್ಸಾರ್ಬರ್ಗಳನ್ನು ಪಡೆದುಕೊಂಡಿದೆ.
MOST READ: ಮಾಲಿನ್ಯ ತಡೆಗೆ ಹೊಸ ಉಪಕರಣ ಅಭಿವೃದ್ಧಿಪಡಿಸಿದ ಐಐಟಿ ಎಂಜಿನಿಯರ್
ಸುರಕ್ಷತೆಗಾಗಿ ಕ್ಲೀವ್ಲ್ಯಾಂಡ್ ಮಿಸ್ಫಿಟ್ ಬೈಕ್ನ ಮುಂಭಾಗದಲ್ಲಿ 320ಎಂಎಂ ಡಿಸ್ಕ್ ಬ್ರೇಕ್ ಮತ್ತು ಹಿಂಭಾಗದಲ್ಲಿ 220ಎಂಎಂ ಡಿಸ್ಕ್ ಬ್ರೇಕ್ಗಳನ್ನು ನೀಡಲಾಗಿದೆ. ಇನ್ನು ಕ್ಲೀವ್ಲ್ಯಾಂಡ್ ಏಸ್ ಡೀಲಕ್ಸ್ ಬೈಕ್ನ ಮುಂಭಾಗದಲ್ಲಿ 298ಎಂಎಂ ಡಿಸ್ಕ್ ಮತ್ತು ಹಿಂಭಾಗದಲ್ಲಿ 210ಎಂಎಂ ಡಿಸ್ಕ್ ಬ್ರೇಕ್ಗಳನ್ನು ಒದಗಿಸಲಾಗಿದೆ.
ಹೀಗಿದ್ದರೂ ಕನಿಷ್ಠ ಮಟ್ಟದ ಬೇಡಿಕೆಯನ್ನು ಸಹ ಪಡೆದುಕೊಳ್ಳಲು ವಿಫಲವಾಗಿರುವ ಕ್ಲೀವ್ಲ್ಯಾಂಡ್ ಸೈಕಲ್ವೆರ್ಕ್ಸ್ ಕ್ಲಾಸಿಕ್ ಬೈಕ್ಗಳು ರಾಯಲ್ ಎನ್ಫೀಲ್ಡ್ ಅಬ್ಬರದ ಮುಂದೆ ನೆಲಕಚ್ಚಿದ್ದು, ವಿನೂತನ ವಿನ್ಯಾಸದ ಬೈಕ್ ಮಾರಾಟವನ್ನೇ ಸ್ಥಗಿತಗೊಳಿಸುತ್ತಿದೆ.