ದೀಪಾವಳಿ ಸಂಭ್ರಮಕ್ಕಾಗಿ ಬಜಾಜ್ ಬೈಕುಗಳ ಮೇಲೆ ಭರ್ಜರಿ ರಿಯಾಯಿತಿ

ಬಜಾಜ್ ಆಟೋ ಕಂಪನಿಯ ತನ್ನ ಪಲ್ಸರ್ ಸರಣಿಯ ಬೈಕುಗಳು ಭಾರತೀಯ ಮಾರುಕಟ್ಟೆಯಲ್ಲಿ ಸಾಕಷ್ಟು ಜನಪ್ರಿಯತೆಯನ್ನು ಪಡೆದುಕೊಂಡಿದೆ. ಪಲ್ಸರ್ ಸರಣಿಯಲ್ಲಿ ಒಟ್ಟು ಒಂಬತ್ತು ಬೈಕುಗಳಿದೆ. ಇತ್ತೀಚೆಗೆ ಬಜಾಜ್ ಕಂಪನಿಯ ಬೈಕುಗಳ ಮಾರಾಟದಲ್ಲಿ ಕುಸಿತವನ್ನು ಕಂಡಿದೆ. ಇದರಿಂದ ಮಾರಾಟವನ್ನು ಹೆಚ್ಚಿಸಲು ಬಜಾಜ್ ಕಂಪನಿಯು ತನ್ನ ಆಯ್ದ ಮಾದರಿಗಳಿಗೆ ಭರ್ಜರಿ ಆಫರ್ ಅನ್ನು ಘೋಷಿಸಿದೆ.

ಇದರಿಂದ ಬಜಾಜ್ ಕಂಪನಿಯು ಈ ತಿಂಗಳಿಂದ ಪಲ್ಸರ್ ಬೈಕುಗಳ ಮೇಲೆ ರಿಯಾಯಿತಿ ಮತ್ತು ಆಫರ್ ಗಳನ್ನು ನೀಡುತ್ತಿದೆ. ದೇಶಾದ್ಯಂತದ ಎಲ್ಲಾ ಬಜಾಜ್ ಬೈಕುಗಳಿಗೆ 5 ವರ್ಷಗಳ ಕಾಲದ ವಾರಂಟಿಯನ್ನು ನೀಡಲಾಗುತ್ತಿದೆ.

MOST READ: ದುಬಾರಿಯಾಯ್ತು ಜನಪ್ರಿಯ ಬಜಾಜ್ ಪಲ್ಸರ್ ಎನ್ಎಸ್ ಬೈಕುಗಳು

ಬಜಾಜ್ ಕಂಪನಿಯು ತನ್ನ ಪ್ಲಾಟಿನಾ 100 ಇಎಸ್ ಡ್ರಮ್‌ಗೆ ರೂ.1,600 ಗಳವರೆಗೆ ನಗದು ರಿಯಾಯಿತಿಯನ್ನು ನೀಡಲಾಗುತ್ತಿದೆ. ಇನ್ನು ಈ ಬೈಕಿನ ಡಿಸ್ಕ್ ರೂಪಾಂತರಕ್ಕೆ ರೂ.2,800 ಗಳವರೆಗೆ ರಿಯಾಯಿತಿಯನ್ನು ಘೋಷಿಸಲಾಗಿದೆ.

ಇದೀಗ ಬಜಾಜ್ ಪ್ಲಾಟಿನಾ 100 ಇಎಸ್ ಡ್ರಮ್‌ ವೆರಿಯೆಂಟ್ ಬೆಲೆಯು ರೂ.58,605 ಗಳಾಗಿದ್ದರೆ, ಡಿಸ್ಕ್ ವೆರಿಯೆಂಟ್ ಬೆಲೆಯು ರೂ.60,826 ಗಳಾಗಿದೆ. ಈ ಎಲ್ಲಾ ಬೆಲೆಗಳು ಭಾರತದ ಎಕ್ಸ್ ಶೋರೂಂ ಪ್ರಕಾರವಾಗಿದೆ.

MOST READ: ದುಬಾರಿಯಾಯ್ತು ಜನಪ್ರಿಯ ಬಿಎಸ್-6 ಯಮಹಾ ಎಂಟಿ-15 ಬೈಕ್

ಇನ್ನು ಪ್ಲಾಟಿನಾ 110 ಹೆಚ್ ಗೇರ್ ಡಿಸ್ಕ್ ಬೈಕಿಗೆ ರೂ.2,500 ಗಳವರೆಗೆ ನಗದು ರಿಯಾಯಿತಿಯನ್ನು ನೀಡಲಾಗುತ್ತಿದೆ. ಬಜಾಜ್ ಪ್ಲಾಟಿನಾ 110 ಹೆಚ್ ಗೇರ್ ಬೈಕಿನ ಬೆಲೆಯು ದೆಹಲಿ ಎಕ್ಸ್ ಶೋರೂಂ ಪ್ರಕಾರ ರೂ.63,027 ಗಳಾಗಿದೆ.

ಬಜಾಜ್ ತನ್ನ ಪಲ್ಸರ್ 125 ಬೈಕಿಗೂ ಕೂಡ ನಗದು ರಿಯಾಯಿತಿಯನ್ನು ಘೋಷಿಸಲಾಗಿದೆ. ಎಂಟ್ರಿ ಲೆವೆಲ್ ಪಲ್ಸರ್ 125 ಡ್ರಮ್ ವೆರಿಯೆಂಟ್ ಬೈಕಿಗೆ ರೂ.2,500 ರೂ ನಗದು ರಿಯಾಯಿತಿ ಘೋಷಿಸಲಾಗಿದೆ. ಇದೀಗ ಈ ಪಲ್ಸರ್ 125 ಡ್ರಮ್ ವೆರಿಯೆಂಟ್ ಬೆಲೆಯು ರೂ.72,122 ಗಳಾಗಿದೆ.

MOST READ: ದುಬಾರಿಯಾಯ್ತು ಬಿಎಸ್-6 ಟಿವಿಎಸ್ ಎನ್‌ಟಾರ್ಕ್ 125 ಸ್ಕೂಟರ್

ಇನ್ನು ಪಲ್ಸರ್ 125 ಡಿಸ್ಕ್ ವೆರಿಯೆಂಟ್ ಮೇಲೆ ರೂ.2,000 ಗಳವರೆಗೆ ನಗದು ರಿಯಾಯಿತಿಯನ್ನು ಘೋಷಿಸಲಾಗಿದೆ. ಈ ಪಲ್ಸರ್ 125 ಡಿಸ್ಕ್ ವೆರಿಯೆಂಟ್ ಬೆಲೆಯು ದೆಹಲಿ ಎಕ್ಸ್ ಶೋರೂಂ ಪ್ರಕಾರ ರೂ.76,922 ಗಳಾಗಿದೆ.

ಪಲ್ಸರ್ 125 ಡ್ರಮ್ ಸ್ಪ್ಲಿಟ್-ಸೀಟ್ ಆವೃತ್ತಿಗೆ ರೂ.3,000 ಗಳವರೆಗೆ ನಗದು ರಿಯಾಯಿತಿಯನ್ನು ಘೋಷಿಸಿದೆ. ಇನ್ನು ಪಲ್ಸರ್ 125 ಡಿಸ್ಕ್ ಸ್ಪ್ಲಿಟ್-ಸೀಟ್ ಆವೃತ್ತಿಗೆ ರೂ.2,000ಗಳವರೆಗೆ ರಿಯಾಯಿತಿಯನ್ನು ಘೋಷಿಸಿದೆ.