ಬಿಡುಗಡೆಯಾಯ್ತು ಬಿಎಸ್-6 ಕೆಟಿಎಂ ಡ್ಯೂಕ್ ಮತ್ತು ಆರ್‍‍ಸಿ ಮಾದರಿಗಳು

ಕೆಟಿಎಂ ತನ್ನ ಸರಣಿಯಲ್ಲಿರುವ ಡ್ಯೂಕ್ 200, ಆರ್‍‍ಸಿ 200, ಡ್ಯೂಕ್ 250, ಡ್ಯೂಕ್ 390, ಆರ್‍‍ಸಿ 390, ಡ್ಯೂಕ್ 125 ಮತ್ತು ಆ‍ರ್‍ಸಿ 125 ಬೈಕ್‍ಗಳನ್ನು ಬಿಡುಗಡೆಗೊಳಿಸಿದೆ. ಇದರಲ್ಲಿ 2020ರ ಕೆಟಿಎಂ ಡ್ಯೂಕ್ 200 ಬೈಕ್ ತನ್ನ ಸರಣಿಯ ಡ್ಯೂಕ್ 1290 ಆರ್ ಬೈಕಿನ ವಿನ್ಯಾಸದ ಕೆಲವು ಅಂಶಗಳನ್ನು ಹೊಂದಿದೆ. ಈ ಬೈಕ್ ಹಗುರವಾದ ಸ್ಪ್ಲಿಟ್ ಟ್ರಿಲ್ಲಿಸ್ ಫ್ರೇಮ್, ಹೊಸ ಫ್ಯೂಯಲ್ ಟ್ಯಾಂಕ್ ಮತ್ತು ಒಟ್ಟಾರೆ ಹೊಸ ವಿನ್ಯಾಸವನ್ನು ಹೊಂದಿದೆ. ಡ್ಯೂಕ್ 200 ಬೈಕ್ ಡ್ಯುಯಲ್ ಚಾನೆಲ್ ಎಬಿಎಸ್, ಎಲ್‍ಇಡಿ ಡಿ‍ಆರ್‍ಎಲ್, ಸ್ಟೇಟ್-ಆರ್ಟ್ ಇಂಜೆಕ್ಷನ್ ಎಲೆಕ್ಟ್ರಾನಿಕ್ಸ್ ಮತ್ತು ಡಬ್ಲ್ಯೂಪಿ ಸಸ್ಪೆಂಕ್ಷನ್ ಅನ್ನು ಹೊಂದಿದೆ. ಈ ಬೈಕ್ 13.5 ಲೀಟರ್ ಫ್ಯೂಯಲ್ ಟ್ಯಾಂಕ್ ಅನ್ನು ಹೊಂದಿದೆ.

2020ರ ಕೆಟಿ‍ಎಂ ಡ್ಯೂಕ್ 200 ಮತ್ತು ಆರ್‍‍‍ಸಿ 200 ಬೈಕಿಗಳಲ್ಲಿ ಅಲ್ಟ್ರಾ-ಕಾಂಪ್ಯಾಕ್ಟ್ ಲಿಕ್ವಿಡ್ ಕೂಲ್ಡ್ ಡಿಒ‍ಹೆಚ್‍‍ಸಿ 4 ವಾಲ್ಟ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 24.6 ಬಿ‍ಹೆಚ್‍‍ಪಿ ಪವರ್ ಮತ್ತು 19.3 ಎನ್‍ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್‍ನೊಂದಿಗೆ 6 ಸ್ಪೀಡ್ ಗೇರ್‍‍ಬಾಕ್ಸ್ ಅನ್ನು ಅಳವಡಿಸಲಾಗಿದೆ. ಈ ಬೈಕಿನ ಬೆಲೆಯು ಕ್ರಮವಾಗಿ ಭಾರತದ ಎಕ್ಸ್ ಶೋರೂಂ ಪ್ರಕಾರ ರೂ.1,72,749 ಮತ್ತು ರೂ.1,96,768 ಗಳಾಗಿದೆ.

2020ರ ಕೆಟಿಎಂ ಡ್ಯೂಕ್ 390 ಬೈಕಿನಲ್ಲಿ ರೈಡ್-ಬೈ-ವೈರ್, ಸ್ಲಿಪ್ಪರ್ ಕ್ಲಚ್, ಸೂಪರ್‍‍ಮೊಟೊ ಮೋಡ್‍‍ನೊಂದಿಗೆ ಡ್ಯುಯಲ್ ಚಾನೆಲ್ ಎಬಿಎಸ್, ಟಿಎಫ್‍ಟಿ ಡಿಸ್‍‍ಪ್ಲೇ ಮತ್ತು ಹೆಡ್‍‍ಲೈಟ್‍‍ಗಳನ್ನು ಹೊಂದಿದೆ.

ಡ್ಯೂಕ್ 390 ಮತ್ತು ಆರ್‍‍ಸಿ 390 ಬೈಕ್‍‍ಗಳು 373.3 ಸಿಸಿ ಸಿಂಗಲ್ ಸಿಲಿಂಡರ್, ನಾಲ್ಕು ವಾಲ್ಟ್ ಲಿಕ್ವಿಡ್ ಕೂಲ್ಡ್ ಡಿಒ‍ಹೆಚ್‍‍ಸಿ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್‍ 43 ಬಿ‍‍ಹೆಚ್‍ಪಿ ಪವರ್ ಮತ್ತು 37 ಎನ್‍ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್‍ನೊಂದಿಗೆ 6 ಸ್ಪೀಡ್ ಗೇರ್‍‍ಬಾಕ್ಸ್ ಅನ್ನು ಅಳವಡಿಸಲಾಗಿದೆ. ಅಲ್ಲದೇ ಕ್ವಿಕ್‍‍‍ಶಿಫ್ಟರ್ ಅನ್ನು ಕೂಡ ಹೊಂದಿದೆ. 2020ರ ಡ್ಯೂಕ್ 390 ಮತ್ತು ಆರ್‍‍ಸಿ 390 ಬೈಕ್‍‍ಗಳ ಬೆಲೆಯು ಕ್ರಮವಾಗಿ ಭಾರತದ ಎಕ್ಸ್ ಶೋರೂಂ ಪ್ರಕಾರ ರೂ.2,52,928 ಮತ್ತು ರೂ.2,48,075 ಗಳಾಗಿದೆ.

ಇನ್ನೂ ಹೊಸ ಕೆಟಿಎಂ ಡ್ಯೂಕ್ 125 ಬೈಕಿನಲ್ಲಿ ಬಿಎಸ್-6 ಮಾಲಿನ್ಯ ನಿಯಮಕ್ಕೆ ಅನುಗುಣವಾಗಿ ನವೀಕರಿಸುವುದನ್ನು ಹೊರತುಪಡಿಸಿ ಹೊಸದಾಗಿ ಗ್ರಾಫಿಕ್ಸ್ ಮತ್ತು ಡ್ಯುಯಲ್ ಚಾನೆಲ್ ಎಬಿಎಸ್ ಅನ್ನು ಅಳವಡಿಸಲಾಗಿದೆ. ಇದರ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ.

ಡ್ಯೂಕ್ 125 ಮತ್ತು ಆರ್‍‍ಸಿ 125 ಬೈಕ್‍‍ಗಳಲ್ಲಿ 124.7 ಸಿಂಗಲ್ ಸಿಲಿಂಡರ್, ನಾಲ್ಕು ವಾಲ್ವ್ ಲಿಕ್ವಿಡ್ ಕೂಲ್ಡ್ ಎಸ್‍‍ಹೆಚ್‍‍ಸಿ ಎಂಜಿನ್ ಅನ್ನು ಹೊಂದಿವೆ. ಈ ಎಂಜಿನ್ 14.3 ಬಿ‍‍ಹೆಚ್‍ಪಿ ಪವರ್ ಮತ್ತು 12 ಎನ್‍ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಎಂಜಿನ್‍‍ನೊಂದಿಗೆ 6 ಸ್ಪೀಡ್ ಗೇರ್‍‍ಬಾಕ್ಸ್ ಅನ್ನು ಅಳವಡಿಸಲಾಗಿದೆ.

ಕೆಟಿಎಂ ಡ್ಯೂಕ್ 125 ಮತ್ತು ಆ‍ರ್‍‍ಸಿ 125 ಬೈಕಿ‍‍ಗಳ ಬೆಲೆಯು ಕ್ರಮವಾಗಿ ರೂ.1,38,041 ಮತ್ತು ರೂ.1,55,227 ಆಗಿದೆ. ಈ ಬೆಲೆಗಳು ಭಾರತದ ಎಕ್ಸ್ ಶೋರೂಂ ಪ್ರಕಾರವಾಗಿದೆ.

ಹೊಸ 2020 ಕೆಟಿಎಂ ಡ್ಯೂಕ್ 250 ಬೈಕ್ ಓಪನ್-ಕಾರ್ಟ್ರೆಡ್ಜ್ ಅಪ್‍‍ಸೈಡ್ ಡೌನ್ ಡಬ್ಲೂಪಿ ಫೋರ್ಕ್ಸ್, ಸ್ಲಿಪ್ಪರ್ ಕ್ಲಚ್ ಮತ್ತು ಲೋಡ್ ಅಡ್ಜೆಂಸ್ಟ್ ಮಾಡಬಹುದಾದ ಮೊನೊಶಾಕ್‍ಗಳನ್ನು ಹೊಂದಿದೆ.

ಈ ಬೈಕಿನಲ್ಲಿ 248.8 ಸಿಸಿ ಸಿಂಗಲ್ ಸಿಲಿಂಡರ್ ನಾಲ್ಕು ವಾಲ್ವ್ ಲಿಕ್ವಿಡ್ ಕೂಲ್ಡ್ ಎಂಜಿನ್ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 29.5 ಬಿ‍‍ಹೆಚ್‍‍ಪಿ ಪವರ್ ಮತ್ತು 24 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ, ಎಂಜಿನ್‍‍ನೊಂದಿಗೆ ಆರು-ಸ್ಪೀಡ್ ಗೇರ್‍‍ಬಾಕ್ಸ್ ಅನ್ನು ಅಳವಡಿಸಲಾಗಿದೆ. ಈ ಬೈಕಿನ ಬೆಲೆಯು ಭಾರತದ ಎಕ್ಸ್ ಶೋರೂಂ ಪ್ರಕಾರ 2,00,576 ಗಳಾಗಿದೆ.

ಕೆಟಿಎಂ ಆರ್‍‍ಸಿ ಸರಣಿಯ ಬೈಕ್‍‍ಗಳು ರೆಡಿ ಟೂ ರೇಸ್ ಟ್ಯಾಗ್‍‍ಲೈನ್‍‍ನಿಂದ ಸ್ಪೂರ್ತಿ ಪಡೆದಿದೆ. ಹೊಸ ಬಿಎಸ್-6 ಆರ್‌ಸಿ 390, ಆರ್‌ಸಿ 200 ಮತ್ತು ಆರ್‌ಸಿ 125 ಬೈಕ್‍‍ಗಳು ಹೊಸ ಬಣ್ಣಗಳು ಮತ್ತು ಗ್ರಾಫಿಕ್ಸ್ ಅನ್ನು ಒಳಗೊಂಡಿದೆ.

ಕೆ‍‍ಟಿಎಂ ಡ್ಯೂಕ್ 200 ಬೈಕ್ ನವೀಕರಣವು ಅಭೂತಪೂರ್ವವಾಗಿದ್ದು, ಈ ಬೈಕಿನ ಹೊಸ ವಿನ್ಯಾಸವು ಹೆಚ್ಚಿನ ಗ್ರಾಹಕರನ್ನು ಸೆಳೆಯಲು ಸಹಾಯವಾಗಬಹುದು. ಇದು ದೇಶದಲ್ಲಿ ಪ್ರೀಮಿಯಂ ಬೈ‍‍ಕ್‍‍ಗಳ ವಿಭಾಗವನ್ನು ವಿಸ್ತರಿಸಲು ಸಹಾಯ ಮಾಡುತ್ತದೆ ಎಂದು ಕಂಪನಿ ಹೇಳಿದೆ.

ಕೆಟಿ‍ಎಂ ತನ್ನ ಜನಪ್ರಿಯ ಡ್ಯೂಕ್ ಮತ್ತು ಆರ್‍‍ಸಿ ಸರಣಿಗಳ ಮಾದರಿಗಳನ್ನು ಆಕರ್ಷಕವಾಗಿ ನವೀಕರಿಸಿ ಬಿಡುಗಡೆ ಮಾಡಲಾಗಿದೆ. ಹೊಸ ವಿನ್ಯಾಸ ಮತ್ತು ಕೆಲವು ಬದಲಾವಣೆಗಳೊಂದಿಗೆ ಬಿಡುಗಡೆ ಮಾಡಿರುವುದರಿಂದ ಹೆಚ್ಚಿನ ಗ್ರಾಹಕರನ್ನು ಸೆಳೆಯಬಹುದು.