ಹೊಸ ಹೋಂಡಾ ಅಡ್ವೆಂಚರ್ NX500 ಬೈಕ್ ಬಿಡುಗಡೆ: ಬೆಲೆಯೆಷ್ಟು, ವಿಶೇಷತೆಗಳೇನು?

ಹೋಂಡಾ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾ (HMSI) ಹೊಸ 'NX500' ಅಡ್ವೆಂಚರ್ ಟೂರರ್ ಅನ್ನು ರೂ. 5,90,000 (ಎಕ್ಸ್ ಶೋ ರೂಂ ನವದೆಹಲಿ) ಬೆಲೆಯಲ್ಲಿ ಬಿಡುಗಡೆ ಮಾಡಿದೆ. ಹೊಸ ಮಾದರಿಯು ಸಿಬಿಯು ಮಾರ್ಗದ ಮೂಲಕ (Completely Built Unit) ಭಾರತೀಯ ಮಾರುಕಟ್ಟೆಗೆ ಬರಲಿದೆ ಎಂದು ಕಂಪನಿ ತಿಳಿಸಿದೆ.

ಹೊಸ NX500 ಗಾಗಿ ಬುಕ್ಕಿಂಗ್‌ಗಳು ಆರಂಭವಾಗಿದ್ದು, ಇದನ್ನು ಭಾರತದಾದ್ಯಂತ ಬಿಗ್‌ವಿಂಗ್ ಡೀಲರ್‌ಶಿಪ್‌ಗಳ ಮೂಲಕ ಮಾರಾಟ ಮಾಡಲಾಗುತ್ತದೆ. ಪ್ರೀಮಿಯಂ ತಂತ್ರಜ್ಞಾನ ಮತ್ತು ಟ್ವಿನ್-ಸಿಲಿಂಡರ್ ಎಂಜಿನ್‌ನೊಂದಿಗೆ, ಗ್ರಾಹಕರ ಸವಾರಿ ಅನುಭವವನ್ನು ಹೆಚ್ಚಿಸಲು ಮತ್ತು ದ್ವಿಚಕ್ರ ವಾಹನಗಳ ಮೇಲಿನ ಅಡ್ವೆಂಚರ್ ಉತ್ಸಾಹವನ್ನು ಹೆಚ್ಚಿಸಲು NX500 ಅನ್ನು ನಿರ್ಮಿಸಲಾಗಿದೆ ಎಂದು ಹೋಂಡಾ ಹೇಳಿಕೊಂಡಿದೆ.

ವಿಶೇಷತೆಗಳು: ಹೊಂಡಾ NX500 5-ಇಂಚಿನ ಫುಲ್ಲಿ ಕಲರ್ TFT ಸ್ಕ್ರೀನ್ ರೂಪದಲ್ಲಿ ಪ್ರೀಮಿಯಂ ತಂತ್ರಜ್ಞಾನವನ್ನು ಹೊಂದಿದೆ, ಇದು ಸೂರ್ಯನ ಬೆಳಕಿನಲ್ಲೂ ಗೋಚರತೆಯನ್ನು ಸುಧಾರಿಸಲು ಆಪ್ಟಿಕಲ್ ಬಾಂಡಿಂಗ್ ಅನ್ನು ಬಳಸುತ್ತದೆ. ಇದರಲ್ಲಿ ಸವಾರ ಬಾರ್, ಸರ್ಕಲ್ ಮತ್ತು ಸಿಂಪಲ್ ನಡುವೆ ಡಿಸ್ಪ್ಲೇ ಡಿಸೈನ್ ಆಯ್ಕೆ ಮಾಡಬಹುದು, ಜೊತೆಗೆ ಬಿಳಿ, ಕಪ್ಪು ಮತ್ತು ಆಟೋದಿಂದ ಹಿನ್ನೆಲೆ ಬಣ್ಣವನ್ನು ಆಯ್ಕೆ ಮಾಡಬಹುದು.

NX500 ಹೋಂಡಾ ರೋಡ್‌ಸಿಂಕ್‌ನ IOS/Android ಸ್ಮಾರ್ಟ್‌ಫೋನ್ ಸಂಪರ್ಕವನ್ನು ನೀಡುತ್ತದೆ. ಜೊತೆಗೆ ಎಡ ಹ್ಯಾಂಡಲ್‌ಬಾರ್‌ನಲ್ಲಿ ಬ್ಯಾಕ್‌ಲಿಟ್ 4-ವೇ ಟಾಗಲ್-ಸ್ವಿಚ್ ಜೊತೆಗೆ ಆನ್-ಸ್ಕ್ರೀನ್ ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್ ಮತ್ತು ರೈಡರ್‌ಗೆ ಕರೆ ಮಾಡಲು ಅಥವಾ ಕೇಳಲು ಆಯ್ಕೆಯನ್ನು ನೀಡುತ್ತದೆ. ಇದು ಎಮರ್ಜೆನ್ಸಿ ಸ್ಟಾಪ್ ಸಿಗ್ನಲ್ ವೈಶಿಷ್ಟ್ಯವನ್ನು ಸಹ ಹೊಂದಿದೆ.

ಎಂಜಿನ್ ಮತ್ತು ಕಾರ್ಯಕ್ಷಮತೆ: ಹೊಸ ಹೋಂಡಾ NX500, 471cc, ಲಿಕ್ವಿಡ್-ಕೂಲ್ಡ್, 4-ಸ್ಟ್ರೋಕ್ DOHC ಎಂಜಿನ್ ಜೊತೆಗೆ ಟ್ವಿನ್-ಸಿಲಿಂಡರ್ ಅನ್ನು ಹೊಂದಿದೆ. ಇದರ ಮೋಟಾರ್ 8,600rpm ನಲ್ಲಿ 35kW ಪವರ್ ಮತ್ತು 6,500rpm ನಲ್ಲಿ 43Nm ಪೀಕ್ ಟಾರ್ಕ್ ಅನ್ನು ಹೊರಹಾಕುತ್ತದೆ, ಹಾಗೆಯೇ ಇದರ ಎಂಜಿನ್ ಅನ್ನು 6-ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲಾಗಿದೆ.

ಇದರಲ್ಲಿ ಅಸಿಸ್ಟ್/ಸ್ಲಿಪ್ಪರ್ ಕ್ಲಚ್ ಸಹ ಇದೆ, ಇದು ಅಪ್‌ಶಿಫ್ಟ್‌ಗಳನ್ನು ಸುಲಭಗೊಳಿಸುತ್ತದೆ. ಹಾರ್ಡ್ ಬ್ರೇಕಿಂಗ್ ಮತ್ತು ಡೌನ್‌ಶಿಫ್ಟಿಂಗ್ ಸನ್ನಿವೇಶಗಳಲ್ಲಿ ಹಿಂಬದಿ ಚಕ್ರದ ಜಿಗಿತವನ್ನು ನಿವಾರಿಸುತ್ತದೆ. ಇದು ಸ್ವಿಚ್ ಮಾಡಬಹುದಾದ HSTC (ಹೋಂಡಾ ಸೆಲೆಕ್ಟಬಲ್ ಟಾರ್ಕ್ ಕಂಟ್ರೋಲ್) ವ್ಯವಸ್ಥೆಯನ್ನು ಹೊಂದಿದೆ. ಜಾರು ಭೂಪ್ರದೇಶಗಳಲ್ಲಿ ಸವಾರಿ ಮಾಡುವಾಗ ಹಿಂಬದಿ ಚಕ್ರ ಟ್ರಾಕ್ಷನ್ ನಿರ್ವಹಿಸುತ್ತದೆ.

ಸಸ್ಪೆನ್ಷನ್, ಬ್ರೇಕ್‌ಗಳು ಮತ್ತು ಟೈರ್‌ಗಳು: NX500 ಮುಂಭಾಗ ಸ್ಟೀಲ್ ಡೈಮಂಡ್-ಟ್ಯೂಬ್ ಮೇನ್‌ಫ್ರೇಮ್ ಅನ್ನು ಹೊಂದಿದೆ. ಈ ಅಡ್ವೆಂಚರ್ ಟೂರಿಂಗ್ ಮೋಟಾರ್‌ಸೈಕಲ್ 19-ಇಂಚಿನ ಮುಂಭಾಗ ಮತ್ತು 17-ಇಂಚಿನ ಹಿಂಭಾಗದ ಟ್ರಯಲ್-ಪ್ಯಾಟರ್ನ್ ರೇಡಿಯಲ್ ಟೈರ್‌ಗಳನ್ನು 110/80-R19 ಮತ್ತು 160/60-R17 ಗಾತ್ರದಲ್ಲಿ ಹೊಂದಿದೆ. ಇದರ ಅಲಾಯ್ ವ್ಹೀಲ್‌ಗಳು ಅಲ್ಯೂಮಿನಿಯಂ Y-ಆಕಾರದ 5-ಸ್ಪೋಕ್ ಘಟಕಗಳಾಗಿವೆ.

ಹೊಸ ಬೈಕ್ ಶೋವಾ 41mm SFF-BP USD ಮುಂಭಾಗದ ಫೋರ್ಕ್‌ಗಳ 5 ಜೊತೆಗೆ ಹಿಂಭಾಗದಲ್ಲಿ ಪ್ರೊ-ಲಿಂಕ್ ಮೊನೊ-ಸಸ್ಪೆನ್ಷನ್ ಅನ್ನು ಹೊಂದಿದೆ. ಮುಂಭಾಗದಲ್ಲಿ ಎರಡು-ಪಿಸ್ಟನ್ ಕ್ಯಾಲಿಪರ್‌ಗಳೊಂದಿಗೆ ಡ್ಯುಯಲ್ 296mm ಫ್ರಂಟ್ ಡಿಸ್ಕ್‌ಗಳು ಮತ್ತು 240mm ಡಿಸ್ಕ್ ಹಿಂಭಾಗದಲ್ಲಿ 1-ಪಿಸ್ಟನ್ ಕ್ಯಾಲಿಪರ್ ಜೊತೆಗೆ ಡ್ಯುಯಲ್-ಚಾನೆಲ್ ABS ಜೊತೆಗೆ ಪ್ರಮಾಣಿತವಾಗಿ ನೀಡಲಾಗಿದೆ.

ಬೆಲೆ ಮತ್ತು ಲಭ್ಯತೆ: ಹೊಸ ಹೋಂಡಾ NX500 ರೂ. 5,90,000 (ಎಕ್ಸ್ ಶೋ ರೂಂ ನವದೆಹಲಿ) ಬೆಲೆಯಿದೆ. ಇದು ಗ್ರ್ಯಾಂಡ್ ಪ್ರಿಕ್ಸ್ ರೆಡ್, ಮ್ಯಾಟ್ ಗನ್‌ಪೌಡರ್ ಬ್ಲ್ಯಾಕ್ ಮೆಟಾಲಿಕ್ ಮತ್ತು ಪರ್ಲ್ ಹಾರಿಜಾನ್ ವೈಟ್ ಎಂಬ ಮೂರು ಬಣ್ಣಗಳಲ್ಲಿ ಲಭ್ಯವಿರುತ್ತದೆ. ಭಾರತದಾದ್ಯಂತ HMSI ನ ಪ್ರೀಮಿಯಂ ಬಿಗ್‌ವಿಂಗ್ ಡೀಲರ್‌ಶಿಪ್‌ಗಳಲ್ಲಿ ಬುಕಿಂಗ್‌ಗಳು ಈಗ ತೆರೆದಿವೆ. ವಿತರಣೆಗಳು ಫೆಬ್ರವರಿ 2024 ರಿಂದ ಪ್ರಾರಂಭವಾಗುತ್ತವೆ.