ಕ್ರಿಕೆಟ್‌‌ಗಿಂತ ಬೈಕ್ ಓಡಿಸುವುದೇ ಕಷ್ಟ: ಯುವರಾಜ್

ಈ ಸಂದರ್ಭದಲ್ಲಿ ಮಾತನಾಡಿರುವ ಯುವರಾಜ್, "ನಾನು ಮೊದಲ ಬಾರಿಗೆ ಓಡಿಸಿರುವ ಬೈಕ್ ಯಮಹಾ ಆರ್‌ಎಕ್ಸ್100 ಆಗಿದೆ. ಇದನ್ನು ದೆಹಲಿಯಿಂದ ಚಂಡೀಗಡ ವರೆಗೆ ಓಡಿಸಿಕೊಂಡು ಬಂದಿದ್ದೆ. ಇದನ್ನರಿತ ಅಮ್ಮ ಒಂದು ವಾರದ ವರೆಗೂ ಅಸಮಾಧಾನಗೊಂಡಿದ್ದರು" ಎಂದು ವಿವರಿಸಿದ್ದಾರೆ.

ಕ್ರಿಕೆಟ್ ಹಾಗೂ ಬೈಕ್‌ನಲ್ಲಿ ಯಾವುದು ಕಠಿಣ ಎಂಬುದಕ್ಕೆ ಉತ್ತರಿಸಿರುವ ಯುವಿ, 'ಚಿಕ್ಕವನಿಂದಲೇ ಕ್ರಿಕೆಟ್ ಆಡುತ್ತಲೇ ಬಂದಿದ್ದೇನೆ. ಆದರೆ ಬೈಕ್ ಓಡಿಸುವುದು ತುಂಬಾ ಕಷ್ಟ' ಎಂದಿದ್ದಾರೆ. ಮಾತು ಮುಂದುವರಿಸಿದ ಅವರು "ಬೈಕ್ ಚಾಲನೆ ಎಂಬುದು ಒಂಥರ ಸ್ವಾತಂತ್ರ್ಯವಾಗಿದ್ದು, ನೀವು ಪ್ರಕೃತಿಯ ಜೊತೆ ಬೆರೆತುಕೊಳ್ಳಬಹುದಾಗಿದೆ" ಎಂದು ಸೇರಿಸಿದ್ದಾರೆ.

ಈಗ ಯುವಿ ಅವರ ಯುವಿಕ್ಯಾನ್ ಬೈಕ್ ಅನ್ನು ಹರಾಜಿಗಿಡಲಾಗಿದ್ದು, ಇದರಲ್ಲಿ ಸಂಗ್ರಹವಾದ ನಿಧಿಯನ್ನು ಸಹಾಯಾರ್ಥ ಸಂಸ್ಥೆಗೆ ನೀಡಲಾಗುವುದು.

ಅಂದ ಹಾಗೆ ಗೋವಾದ ವ್ಯಾಗಟಾರ್‌ನಲ್ಲಿ ನಡೆದ ಇಂಡಿಯಾ ಬೈಕ್ ವೀಕ್‌ ಹಬ್ಬಕ್ಕೆ 12,000ಕ್ಕೂ ಹೆಚ್ಚು ಬೈಕ್ ಪ್ರೇಮಿಗಳು ಆಗಮಿಸಿದ್ದರು.

ಗೋವಾ ಇಂಡಿಯಾ ಬೈಕ್‌ ವೀಕ್ ಹಬ್ಬದಲ್ಲಿ ಮುಂಚೂಣಿಯ ವಾಹನ ತಯಾರಿಕ ಸಂಸ್ಥೆಗಳಾದ ಹಾರ್ಲೆ ಡೇವಿಡ್ಸನ್, ಟ್ರಯಂಪ್, ಬೆನೆಲ್ಲಿ, ಇಂಡಿಯನ್ ಮೋಟಾರ್‌ಸೈಕಲ್ಸ್ ಹಾಗೂ ವೆಸ್ಪಾದಿಂದ ಐಕಾನಿಕ್ ಮಾದರಿಗಳು ಪ್ರದರ್ಶನಗೊಂಡಿದ್ದವು.

ಇಲ್ಲಿ ಬೈಕ್ ಪ್ರದರ್ಶನ ಮಾತ್ರವಲ್ಲದೆ ಸ್ಟಂಟ್ ಶೋ, ಪರೇಡ್, ಡ್ರಾಗ್ ರಾಲಿ ಹಾಗೂ ಇನ್ನಿತರ ಮನರಂಜನಾ ಕಾರ್ಯಕ್ರಮಗಳು ನೆರವೇರಿದ್ದವು.