ಹರ್ಲಿ ಅಗ್ಗದ ಬೈಕ್ ಭಾರತಕ್ಕೆ; ಕೌಂಟ್ ಡೌನ್ ಶುರು

ಕಳೆದ 13 ವರ್ಷಗಳಲ್ಲೇ ನೂತನ ಫ್ಲ್ಯಾಟ್‌ಫಾರ್ಮ್‌ವೊಂದರಲ್ಲಿ ಹರ್ಲಿ ಡೇವಿಡ್ಸನ್ ಸ್ಟ್ರೀಟ್ 500 ಹಾಗೂ 750 ಬೈಕ್‌ಗಳು ನಿರ್ಮಾಣವಾಗಲಿದೆ.

ಪ್ರಮುಖವಾಗಿಯೂ ನಗರ ಪ್ರದೇಶದ ಉತ್ಸಾಹಿ ಗ್ರಾಹಕರನ್ನು ಗುರಿಯಾಗಿರಿಸಿಕೊಂಡು ಈ ಕ್ರೂಸರ್ ಬೈಕ್‌ಗಳನ್ನು ತಯಾರಿಸಲಾಗುತ್ತಿದೆ.

ಈ ಎರಡು ಬೈಕ್‌ಗಳು ಲಿಕ್ವಿಡ್ ಕೂಲ್ಡ್ ರಿವೊಲ್ಯೂಷನ್ ಎಕ್ಸ್ (ವಿ-ಟ್ವಿನ್) ಎಂಜಿನ್ ಹೊಂದಿರಲಿದೆ. ಇದು ಹೆಚ್ಚಿನ ಗ್ರೌಂಡ್ ಕ್ಲಿಯರನ್ಸ್ ಹೊಂದಿರಲಿದೆ.

ಜಗತ್ತಿನಾದ್ಯಂತ ಯುವ ಗ್ರಾಹಕರಿಂದ ದೊರಕಿರುವ ಪ್ರತ್ರಿಕ್ರಿಯೆಯ ಆಧಾರದಲ್ಲಿ ಈ ಬೈಕ್ ವಿನ್ಯಾಸಗೊಳಿಸಲಾಗಿದೆ. ಇದು ಪ್ರಮುಖವಾಗಿಯೂ ಏಷ್ಯಾ ಹಾಗೂ ಯುರೋಪ್ ರಾಷ್ಟ್ರಗಳನ್ನು ಗುರಿಯಾಗಿರಿಸಲಿದೆ.

ಇಂದೊಂದು ಬ್ಲ್ಯಾಕ್ ಕಸ್ಟಮ್ ಬೈಕ್ ಎನಿಸಿಕೊಳ್ಳಲಿದೆ. ಅಂದರೆ ಬಾಡಿ ವಿನ್ಯಾಸದಿಂದ ತೊಡಗಿ ಹ್ಯಾಂಡಲ್ ಬಾರ್ ಎಲ್ಲವೂ ಕಪ್ಪು ವರ್ಣಮಯವಾಗಿದೆ.

ಹಾಗಿದ್ದರೂ ಬೈಕ್‌ನ ತಾಂತ್ರಿಕತೆ ಬಗ್ಗೆ ಹೆಚ್ಚಿನ ಮಾಹಿತಿ ಹೊರಬಂದಿಲ್ಲ. ಇದನ್ನು ಸದ್ಯದಲ್ಲೇ ಬಿಡುಗಡೆಗೊಳಿಸುವ ಸಾಧ್ಯತೆಯಿದೆ.

ಹಿಂದುಗಡೆಯ ಚಕ್ರಗಳು 6 ಟ್ರಾನ್ಸ್‌ಮಿಷನ್ ಬೆಲ್ಟ್ ಡ್ರೈವ್ ಸಿದ್ಧಾಂತದ ಮುಖಾಂತರ ಚಲಿಸಲಿದೆ. ಭಾರತದಂತಹ ರಾಷ್ಟ್ರಗಳಲ್ಲಿ ಇದು ಹೆಚ್ಚು ಹೊಂದಿಕೆಯಾಗಲಿದೆ.

ಹರ್ಲಿ ಡೇವಿಡ್ಸನ್ ಬೈಕ್‌ಗಳು 2013 ವರ್ಷಾರಂಭದಲ್ಲಿ ಭಾರತ ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆಗಳಿವೆ.

ಹರಿಯಾಣದ ಬವಾಲ್ ಘಟಕದಲ್ಲಿ ಉತ್ಪಾದನೆಯಾಗಲಿರುವ ಸ್ಟ್ರೀಟ್ ಬೈಕ್‌ಗಳು ಬಳಿಕ ವಿದೇಶಕ್ಕೂ ರಫ್ತಾಗಲಿದೆ.

ಬೆಲೆ ಬಗ್ಗೆ ಈ ವರೆಗೂ ಸ್ಪಷ್ಟ ಮಾಹಿತಿ ಬಂದಿಲ್ಲ. ಮೂಲಗಳ ಪ್ರಕಾರ ಹರ್ಲಿ 500ಸಿಸಿ ಬೈಕ್ 4 ಲಕ್ಷ ರು. ಹಾಗೂ 750 ಸಿಸಿ ಬೈಕ್ 5 ಲಕ್ಷ ರು.ಗಳ ಅಸುಪಾಸಿನಲ್ಲಿರಲಿದೆ.