ಹೋಂಡಾ ಸಿವಿಕ್ ಟೂರರ್ ಜತೆ ನಿಮ್ಮ ಪ್ರವಾಸ ಆರಾಮ

ಐದು ಡೋರ್

ಐದು ಡೋರಿನ ಹೋಂಡಾ ಸಿವಿಕ್ ಟೂರರ್ ಕಾರನ್ನು ಹೋಂಡಾದ ಯುರೋಪಿಯನ್ ಸ್ಟುಡಿಯೋದಲ್ಲಿ ವಿನ್ಯಾಸ ಹಾಗೂ ಅಭಿವೃದ್ಧಿಪಡಿಸಲಾಗಿದೆ.

ಎಂಜಿನ್

ಇದರಲ್ಲಿ ಅರ್ಥ್ ಡ್ರೀಮ್ಸ್ ತಂತ್ರಗಾರಿಕೆಯ 1.6 ಐಡಿಟೆಕ್ ಡೀಸೆಲ್ ಹಾಗೂ 1.8 ಐವಿಟೆಕ್ ಪೆಟ್ರೋಲ್ ಎಂಜಿನ್ ಆಳವಡಿಸುವ ಸಾಧ್ಯತೆಯಿದೆ. ಹಾಗೆಯೇ ಮ್ಯಾನುವಲ್ ಜತೆ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಹೊಂದಿರಲಿದೆ.

ಯುರೋಪ್ ಮಾರುಕಟ್ಟೆ

2014ರ ಆರಂಭದಲ್ಲಿ ಯುರೋಪ್ ಮಾರುಕಟ್ಟೆಯನ್ನು ಹೋಂಡಾ ಸಿವಿಕ್ ಟೂರರ್ ಪ್ರವೇಶಿಸಲಿದೆ.

ಸುಖಕರ ಪ್ರಯಾಣ

ಇನ್ನು ಕಾರಿನೊಳಗೆ ಹೆಚ್ಚಿನ ಸ್ಥಳಾವಕಾಶವನ್ನು ಲಗತ್ತಿಸಲಾಗಿದೆ. ಇದರ ಲಗ್ಗೇಜ್ ಸ್ಪೇಸ್ 1378/1668 ಲೀಟರ್ ಆಗಿದೆ. ಇದು ದೊಡ್ಡ ಕುಟುಂಬಗಳಿಗೂ ಸುಖಕರ ಪ್ರಯಾಣದ ಅನುಭವ ನೀಡಲಿದೆ.

ಎಡಿಎಸ್ ತಂತ್ರಜ್ಞಾನ

ಇದೇ ಮೊದಲ ಬಾರಿಗೆ ಹೋಂಡಾ ಕಾರಿನಲ್ಲಿ ಅಡಾಪ್ಟಿವ್ ಡ್ಯಾಂಪರ್ ಸಿಸ್ಟಂ (ಎಡಿಎಸ್) ಆಳವಡಿಸಲಾಗಿದೆ. ಹಾಗೆಯೇ ಕಂಫರ್ಟ್, ನಾರ್ಮಲ್ ಹಾಗೂ ಡೈನಾಮಿಕ್‌ಗಳೆಂಬ ಮೂರು ಸೆಟ್ಟಿಂಗ್‌ಗಳಿವೆ. ಇದನ್ನು ಡ್ರೈವಿಂಗ್ ಸ್ಥಿತಿಗಾನುಸಾರವಾಗಿ ಬದಲಾಯಿಸಿಕೊಳ್ಳಬಹುದಾಗಿದೆ.

ಸುರಕ್ಷತೆ

ಹಾಗೆಯೇ ಗರಿಷ್ಠ ಸುರಕ್ಷಾ ಮಾನದಂಡಗಳನ್ನು ಅನುಸರಿಸಲಾಗಿದ್ದು, ಚಾಲಕನ ಭದ್ರತೆ ಸೇರಿದಂತೆ, ಪ್ರಯಾಣಿಕರ, ಪಾದಚಾರಿಗಳ ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗಿದೆ.

ದರ ಮಾಹಿತಿ

ಅಂತಿಮವಾಗಿ ದರ ಇತ್ಯಾದಿ ಹೆಚ್ಚಿನ ಮಾಹಿತಿಗಳನ್ನು ಮುಂಬರುವ ಫ್ರಾಂಕ್‌ಫರ್ಟ್ ಆಟೋ ಶೋದಲ್ಲಿ ಬಹಿರಂಗಪಡಿಸುವ ಸಾಧ್ಯತೆಗಳಿವೆ.