ಅತಿಭಯಂಕರ ಮೈಲೇಜಿನ ಗುಬ್ಬಚ್ಚಿ ಗೂಡು ಕಾರು

ಇತ್ತೀಚೆಗೆ ದೆಹಲಿ ವಾಹನ ಪ್ರದರ್ಶನದಲ್ಲಿ ಫೋಕ್ಸ್ ವ್ಯಾಗನ್ ಕಂಪನಿಯು ಎಕ್ಸ್ಎಲ್1 ಎಂಬ ಅತ್ಯಧಿಕ ಕಾರ್ಯಕ್ಷಮತೆಯ ಕಾನ್ಸೆಪ್ಟ್ ಕಾರನ್ನು ಅನಾವರಣ ಮಾಡಿದೆ. ಈ ಕಾರು ಪ್ರತಿಲೀಟರ್ ಡೀಸೆಲಿಗೆ ನೂರು ಕಿ.ಮೀ. ಮೈಲೇಜ್ ನೀಡುತ್ತದೆ.

ಫೋಕ್ಸ್ ವ್ಯಾಗನ್ ನೂತನ ಎಕ್ಸ್ಎಲ್1 ಕಾರು 800ಸಿಸಿಯ ಟಿಡಿಐ, ಎರಡು ಸಿಲಿಂಡರ್ ಕಾಮನ್ ರೈಲ್ ಡೀಸೆಲ್ ಎಂಜಿನ್ ಹೊಂದಿದೆ. ಈ ಡೀಸೆಲ್ ಎಂಜಿನ್ 48 ಪಿಎಸ್ ಪವರ್ ನೀಡುತ್ತದೆ. ಇದರಲ್ಲಿರುವ ಎಲೆಕ್ಟ್ರಿಕ್ ಮೋಟರ್ 27 ಪಿಎಸ್ ಪವರ್ ನೀಡುತ್ತದೆ. ಒಟ್ಟಾರೆಯಾಗಿ ಈ ಕಾರು ಒಟ್ಟು 75 ಪಿಎಸ್ ಪವರ್ ನೀಡುತ್ತದೆ.

ಟಿಡಿಐ ಎಂಜಿನ್ ನೇರವಾಗಿ ಎಲೆಕ್ಟ್ರಿಕ್ ಮೋಟರ್ ಗೆ ಲಿಂಕ್ ಹೊಂದಿದೆ. ಇದರಲ್ಲಿ 7 ಸ್ಪೀಡ್ ಡಿಎಸ್ಜಿ ಗೇರ್ ಬಾಕ್ಸ್ ಮತ್ತು ಆಟೋಮ್ಯಾಟಿಕ್ ಕ್ಲಚ್ ಹೊಂದಿದೆ. ಇದರ ಹಿಂಭಾಗದ ಸೀಟಿಗೂ ಮುಂಭಾಗದ ಡೋರಿನ ಮೂಲಕವೇ ಪ್ರವೇಶಿಸುವಂತಹ ವಿನ್ಯಾಸ ಹೊಂದಿದೆ. ಇದರ ಡೋರುಗಳು ಹಕ್ಕಿಯ ರೆಕ್ಕೆಯಂತೆ ಮೇಲ್ಮುಖವಾಗಿ ಓರೆಯಾಗಿ ತೆರೆದುಕೊಳ್ಳುತ್ತದೆ.

ಈ ಕಾರಿನ ವಿನ್ಯಾಸವೇ ಸೂಪರ್. ಇದು ಸದ್ಯ ಕಾನ್ಸೆಪ್ಟ್ ಕಾರು. ಇದು ಉತ್ಪಾದನಾ ಹಂತದವರೆಗೆ ಸಾಗುವುದೋ ಗೊತ್ತಿಲ್ಲ. ಈ ಕಾರು ರಸ್ತೆಗಿಳಿದರೆ ಅತ್ಯಧಿಕ ಇಂಧನ ದಕ್ಷತೆಯ ಕಾರೆಂಬ ಖ್ಯಾತಿಗೆ ಪಾತ್ರವಾಗುವುದರಲ್ಲಿ ಸಂಶಯವಿಲ್ಲ.

ಕನ್ನಡ ಡ್ರೈವ್ ಸ್ಪಾರ್ಕ್