ಸ್ಕೂಟರ್ ಪ್ರೇಮಿಗಳ ಆನಂದ - ವೆಸ್ಪಾ ಎಸ್ 125 ವಿಮರ್ಶೆ

ವೆಸ್ಪಾ ಎಸ್ 125 ವಿಮರ್ಶೆಗೂ ಮುನ್ನ ಈ ಬಹುನಿರೀಕ್ಷಿತ ಸ್ಕೂಟರ್ ಬಗೆಗಿನ ಮೂಲಭೂತ ಅಂಶಗಳ ಬಗ್ಗೆ ಮಾಹಿತಿ ನೀಡುವುದು ನಮ್ಮ ಕರ್ತವ್ಯವಾಗಿರುತ್ತದೆ.

2014 ಪಿಯಾಜಿಯೊ ವೆಸ್ಪಾ ಎಸ್ 125 ಸಿಸಿ

ಲಾಂಚ್ ದಿನಾಂಕ: ಮಾರ್ಚ್ 5, 2014

ದರ ಮಾಹಿತಿ: 76,495 ರು. (ಮುಂಬೈ)

ಟೆಸ್ಟ್ ಡ್ರೈವ್: 100 ಕೀ.ಮೀ.ಗಳಷ್ಟು

ಪ್ರದೇಶ: ಬಾಂದ್ರಾ (ಮುಂಬೈ)

ಟೆಸ್ಟ್ ಡ್ರೈವ್ ಮಾಡಿದವರು: ಅಜಿಂಕ್ಯಾ ಪ್ಯಾರಲಿಕರ್, ಉಪ-ಸಂಪಾದಕ (ಡ್ರೈವ್ ಸ್ಪಾರ್ಕ್)

ಎಂಜಿನ್ ಮಾನದಂಡ

ತಾಂತ್ರಿಕತೆ: 125 ಸಿಸಿ, ಸಿಂಗಲ್ ಸಿಲಿಂಡರ್, ಏರ್ ಕೂಲ್ಡ್, ಕರ್ಬ್ಯೂರೇಟಡ್, ತ್ರಿ ವಾಲ್ವೆ ಎಂಜಿನ್ ಆಳವಡಿಕೆ, 9.9 ಬಿಎಚ್‌ಪಿ (7500), 10.59 ಎನ್‌ಎಂ ಟಾರ್ಕ್ (6000)

ಮೈಲೇಜ್

ಕಂಪನಿಯ ಪ್ರಕಾರ ಪ್ರತಿ ಲೀಟರ್‌ಗೆ 60 ಕೀ.ಮೀ.ಗಿಂತಲೂ ಹೆಚ್ಚಿನ ಮೈಲೇಜ್ ನೀಡಲಿದೆ ಎಂದು ವಾದಿಸುತ್ತದೆ. ಆದರೆ ನೈಜ ರಸ್ತೆ ಪರಿಸ್ಥಿತಿಯಲ್ಲಿ ಇಧು ಪ್ರತಿ ಲೀಟರ್‌ಗೆ 45ರಿಂದ 50 ಕೀ.ಮೀ. ವರೆಗೆ ಮೈಲೇಜ್ ನೀಡಲಿದೆ. ಅಂದರೆ ಸಾಮಾನ್ಯ ಸ್ಕೂಟರ್‌ಗಳನ್ನು ಪರಿಗಣಿಸಿದರೆ ಇದು ಅತ್ಯುತ್ತಮ ಇಂಧನ ಕ್ಷಮತೆ ಹೊಂದಿದೆ.

ವೆಸ್ಪಾ ಎಸ್ ಬಣ್ಣಗಳು

ವೆಸ್ಪಾ ಎಸ್ ವಿವಿಧ ಬಣ್ಣಗಳಲ್ಲಿ ಲಭ್ಯವಿರಲಿದೆ.

ನಿರೊ ಮ್ಯಾಟ್ (ಮ್ಯಾಟ್ ಬ್ಲ್ಯಾಕ್),

ಏರನ್ಸಿಯೊ ಟರೊಮಿನಾ (ಬ್ರೈಟ್ ಓರೆಂಜ್)

ರೂಸ್ಸೊ ಡ್ರಾಗನ್ (ಕೆಂಪು)

ಮಾಂಟೆ ಬಿಯಾಂಕೊ (ಬಿಳಿ)

ವಿನ್ಯಾಸ

ಈ ಮೊದಲೇ ತಿಳಿಸಿರುವಂತೆಯೇ ಕ್ಲಾಸಿಕ್ ವಿನ್ಯಾಸವನ್ನು ಕಾಪಾಡಿಕೊಳ್ಳುವಲ್ಲಿ ವೆಸ್ಪಾ ಎಸ್ ಯಶಸ್ವಿಯಾಗಿದೆ. ಮೊದಲ ವೆಸ್ಪಾ ಸ್ಕೂಟರ್ 68 ವರ್ಷಗಳ ಹಿಂದೆ ಲಾಂಚ್ ಆಗಿದ್ದರೂ ಈಗಲೂ ಅದೇ ಗುಣಮಟ್ಟ ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ಎಲ್ಲ ಕೋನದಿಂದಲೂ ನೂತನ ವೆಸ್ಪಾ ಎಸ್ ಆಕರ್ಷಕ ವಿನ್ಯಾಸ ಕಾಪಾಡಿಕೊಂಡಿದೆ. ಇದು ಆಯತಾಕಾರದ ಮಿರರ್ ಪಡೆದುಕೊಂಡಿದೆ.

ಇನ್ನು ಸ್ಕೂಟರ್‌ಗೆ ಪ್ರೀಮಿಯಂ ಟಚ್ ನೀಡುವ ಹಿನ್ನಲೆಯಲ್ಲಿ ಸೈಲನ್ಸರ್ ಮಫ್ಲರ್‌ಗೆ ಕ್ರೋಮ್ ಟಚ್ ನೀಡಲಾಗಿದೆ. ಅಲ್ಲದೆ ವೆಸ್ಪಾದ ಆಕರ್ಷಕ ಲೊಗೊ ಕೂಡಾ ಕಾಣಸಿಗಬಹುದು.

ಪಿಯಾಜಿಯೊ ಸ್ಕೂಟರ್‌ನ ಟ್ರೇಡ್ ಮಾರ್ಡ್ ಎಂದೇ ಹೇಳಬಹುದಾದ ಬಾತುಕೋಳಿ ಶೈಲಿಯ ವಿನ್ಯಾಸವನ್ನು ನೀವಿಲ್ಲಿ ನೋಡಬಹುದು.

ಇನ್ನು ಆಸನ ವ್ಯವಸ್ಥೆಯ ಬಗ್ಗೆ ಮಾತನಾಡುವುದಾದ್ದಲ್ಲಿ, ಹಿಂಬದಿಯ ಸವಾರರಿಗೆ ಸ್ವಲ್ಪ ಇಕ್ಕಟ್ಟಾದ ಅನುಭವ ಉಂಟಾಗಲಿದೆ. ಅಲ್ಲದೆ ಫೂಟ್‌ರೆಸ್ಟ್ ಸ್ಥಾನಪಲ್ಲಟವಾದಂತೆ ಭಾಸವಾಗುತ್ತಿದೆ.

ಚಾಲನಾ ಗುಣಮಟ್ಟತೆ

ಭಾರತೀಯ ರಸ್ತೆಗೆ ಅನುಗುಣವಾಗಿ ವೆಸ್ಪಾ ಎಸ್ ಚಾಲನಾ ಗುಣಮಟ್ಟ ಹೊಂದಿದೆ. ಇದು ರಸ್ತೆಗಳಲ್ಲಿರುವ ಸಣ್ಣ ಪುಟ್ಟ ಹಳ್ಳ, ಗುಂಡಿಗಳನ್ನು ನಿಭಾಯಿಸಬಲ್ಲದು. ಇನ್ನು ಎತ್ತರದ ಪ್ರಯಾಣಿಕರಿಗೆ ಹೊಂದಿಕೆಯಾಗುವ ರೀತಿಯಲ್ಲಿ ಹ್ಯಾಂಡಲ್ ಬಾರ್ ರಚಿಸಲಾಗಿದೆ.

ಹಾಗಿದ್ದರೂ ನಿಧಾನವಾಗಿ ಚಲಿಸುವಾಗ ಸ್ವಲ್ಪ ಅಸಮತೋಲನ ಕಂಡುಬರುತ್ತಿದ್ದು, ಇದರಲ್ಲಿ ಕಂಡುಬರುವ ವೈಬ್ರೇಷನ್ ಸ್ವಲ್ಪ ಅಸಂತುಷ್ಟಿ ಎಡೆಮಾಡುತ್ತದೆ. ಒಟ್ಟಿನಲ್ಲಿ ಚಾಲನಾ ಗುಣಮಟ್ಟತೆಯ ವಿಚಾರದಲ್ಲಿ ಶ್ರೇಷ್ಠತೆಯನ್ನು ಕಾಯ್ದುಕೊಂಡಿದೆ.

ಹ್ಯಾಂಡ್ಲಿಂಗ್ ಮತ್ತು ಬ್ರೇಕಿಂಗ್

ಇತರ ವೆಸ್ಪಾ ಮಾದರಿಗಳಂತೆಯೇ ಎಸ್ 125 ಸಿಸಿ ಸ್ಕೂಟರನ್ನು ಹ್ಯಾಂಡಲ್ ಮಾಡುವುದು ಬಹಳ ಸುಲಭ. ಇದು ಹೆಣ್ಮಕ್ಕಳಿಗೆ ಸಹಕಾರಿಯಾಗಲಿದೆ. ಇನ್ನು ಬ್ರೇಕಿಂಗ್ ಬಗ್ಗೆ ಮಾತನಾಡುವುದಾದ್ದಲ್ಲಿ ಇದರಲ್ಲಿರುವ ಎಂಆರ್‌ಎಫ್ ಜಾಪ್ಪರ್ ಟ್ಯೂಬ್‌ಲೆಸ್ ಚಕ್ರ ಉತ್ತಮ ಗ್ರಿಪ್ ಒದಗಿಸಲಿದೆ.

ಇದು ಮುಂದುಗಡೆ ಸಿಂಗಲ್ ಕ್ಯಾಲಿಪರ್ ಡಿಸ್ಕ್ ಬ್ರೇಕ್ ಅಂತೆಯೇ ಹಿಂದುಗಡೆ ಡ್ರಮ್ ಬ್ರೇಕ್ ಪಡೆದುಕೊಂಡಿದೆ. ಸ್ಕೂಟರಿಗಿದು ಸಾಕಾಷ್ಟಾದರೂ ಮುಂಭಾಗದಲ್ಲಿ ಫ್ರಂಟ್ ಡಿಸ್ಕ್ ಬ್ರೇಕ್ ನೀಡುತ್ತಿದ್ದರೆ ಇನ್ನೂ ಚೆನ್ನಾಗಿರುತ್ತಿತ್ತು.

ವಿಶಿಷ್ಟತೆಗಳು

ಇತರ ವೆಸ್ಪಾ ಸ್ಕೂಟರ್‌ಗಿಂತ ವಿಭಿನ್ನವಾಗಿ ಎಸ್ ಆವೃತ್ತಿಯು ಆಯತಾಕಾರದ ಹೆಡ್ ಲೈಟ್ ಪಡೆದುಕೊಂಡಿದೆ. ಹಾಗೆಯೇ ಬ್ರೇಕ್ ಲಿವರ್ ಕ್ರೋಮ್ ಟಚ್ ಪಡೆದುಕೊಂಡಿದೆ.

ಹಿಂದುಗಡೆ ದೊಡ್ಡದಾಗಿ ಗೋಚರಿಸುವಂತಹ ಟೈಲ್ ಲ್ಯಾಂಪ್ ಹಾಗೂ ಇದಕ್ಕೆ ಹೊಂದಿಕೊಂಡು ಇಂಡಿಕೇಟರ್ ಮತ್ತು ಇದರ ಮೇಲ್ಮುಖವಾಗಿ ವೆಸ್ಪಾ ಲೊಗೊ ಲಗತ್ತಿಸಲಾಗಿದೆ.

ಇದರಲ್ಲಿ ಪರಿಷ್ಕೃತ ಇನ್ಸ್ಟ್ರುಮೆಂಟಲ್ ಕ್ಲಸ್ಟರ್ ಕೊಡಲಾಗಿದೆ. ಇದು ತನ್ನದೇ ಆದ ವಿಶಿಷ್ಟತೆಯನ್ನು ಪಡೆದುಕೊಂಡಿದೆ ಅಂದರೆ ತಪ್ಪಾಗಲಾರದು. ಇನ್ನು ಸುಲಭವಾಗಿ ಗೋಚರಿಸಬಲ್ಲ ಡಿಜಿಟಲ್ ಗಡಿಯಾರವನ್ನು ಹೊಂದಿದೆ.

ಅಂತೆಯೇ ಸ್ವಿಚ್ ತಯಾರಿಕೆಯಲ್ಲೂ ಗುಣಮಟ್ಟತೆಯನ್ನು ಕಾಯ್ದುಕೊಳ್ಳಲಾಗಿದೆ. ಆದರೆ ಚಾಲನೆ ವೇಳೆ ತಿರುವು ಸ್ವಿಚ್ ಬಳಕೆ ಮಾಡುವುದು ಸ್ವಲ್ಪ ಕಷ್ಟವೆನಿಸುತ್ತದೆ. ಇಲ್ಲೂ ಸಹ ವೆಸ್ಪಾ ವಿಶಿಷ್ಟತೆಯನ್ನು ಕಾಪಾಡಿಕೊಂಡಿದ್ದು, ಇಂತಹ ಮಾದರಿ ನಿಮಗೆ ಇತರ ಸ್ಕೂಟರ್‌ಗಳಲ್ಲಿ ಕಾಣಸಿಗಲಾರದು.

ಇನ್ನು ಸೀಟು ಕೆಳಗಡೆ ಹೆಲ್ಮೆಟ್ ಇಡಲು ಸ್ಟೋರೆಜ್ ಜಾಗ ನೀಡಲಾಗಿದೆ. ಆದರೆ ಇತರೆ ಸ್ಕೂಟರ್‌ಗಳಂತೆ ಹೆಚ್ಚು ವಸ್ತುಗಳನ್ನು ಸಾಗಿಸುವುದು ಸ್ವಲ್ಪ ಕಷ್ಟಕರ ಎಂದೇ ಹೇಳಬಹುದು.

ಅಂತಿಮ ತೀರ್ಪು

ಯಾಕೆ ಬೇಕು?

ಧನಾತ್ಮಕ ಚಾಲನೆ,

ಆರಾಮದಾಯಕ,

ಫಿನಿಶಿಂಗ್ ಪರಿಪೂರ್ಣತೆ,

ಗುಣಮಟ್ಟತೆ,

ಉನ್ನತ ಮಟ್ಟದ ಎಂಆರ್‌ಎಫ್ ಚಕ್ರ,

ಬಣ್ಣದ ಆಯ್ಕೆ

ಹಿನ್ನಡೆ ಏನು?

ಸಹ ಪ್ರಯಾಣಿಕರಿಗೆ ಕುಳಿತುಕೊಳ್ಳುವಾಗ ಹೊಂದಾಣಿಕೆಯ ಕೊರತೆ,

ಕಡಿಮೆ ವೇಗದಲ್ಲಿ ಚಲಿಸುವಾಗ ವೈಬ್ರೇಷನ್ ಅನುಭವ,

ಫೂಟ್‌ರೆಸ್ಟ್ ಸ್ಥಾನ ಸರಿಯಾಗಿಲ್ಲ,

ಬ್ರೇಕ್ ಲಾಕ್ ಕೊರತೆ

ಹೊಸ ಎಂಜಿನ್ ಜತೆ ಗತಕಾಲದ ಚಾಲನಾ ಅನುಭವ

ಹಣದ ಮೌಲ್ಯ: 3/5

ವೆಸ್ಪಾ ವಿಸ್ಮಯ

ಚರಿತ್ರೆಯ ಪುಟಗಳನ್ನು ಮೆಲುಕು ಹಾಕಿದಾದ, ಬಜಾಜ್ ಆಟೋ ಹಾಗೂ ಎಲ್‌ಎಂಎಲ್ ಜತೆಗಿನ ಪಾಲುದಾರಿಕೆಯು ವೆಸ್ಪಾಗೆ ನಿರೀಕ್ಷಿಸಿದಷ್ಟು ಯಶ ತಂದು ಕೊಟ್ಟಿಲ್ಲ. ಆದರೆ 2012ರಲ್ಲಿ ಪಿಯಾಜಿಯೊ ಮಾಡಿರುವ ರಿ ಎಂಟ್ರಿ ಅಕ್ಷರಶ: ಶುಭಕರವಾಗಿ ಪರಿಣಮಿಸುತ್ತಿದ್ದು, ಹೋಂಡಾ, ಯಮಹಾ, ಟಿವಿಎಸ್ ಹಾಗೂ ಮಹೀಂದ್ರ ಬ್ರಾಂಡ್‌ಗಳಿಗಿಂತ ಉನ್ನತ ಸ್ಥಾನದಲ್ಲಿ ಗುರುತಿಸಿಕೊಂಡಿದೆ.